IES As Mariñas

 Ábrese a solicitude de reserva, que pechara o 6 de febreiro, para alumnado procedente dos centros adscritos ao noso IES.Para presentar unha solicitude deberá seguir algunha das opción descritas a continuación:

1. Cubrir a solicitude informáticamente e presentala asinada de xeito manual no centro:
    Para presentar a solicitude presencialmente no centro deberá seleccionar a opción de menú “Solicitudes>Admisión> Crear”. A continuación aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberase premer no botón “Crear e Confirmar”. Feito isto poderá descargala para asinar e presentar no centro.

2. Cubrir a solicitude informáticamente e asinala en Sede Electrónica: 
    Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes>Admisión>Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar solicitude.
   IMPORTANTE: Debe achegar, ben na Sede Electrónica da Xunta de Galicia, o Anexo II bis dixitalizado (comprobación de datos dos membros computables da unidade familiar , última páxina da solicitude que pode visualizar e descargar nesta aplicación).

3. Cubrir a solicitude manualmente e presentala asinada presencialmente no centro: 

 Se non desexa cubrir a solicitude de reserva dixitalmente pode facelo de xeito manual descargando o documento, cubrilo e presentalo asinado no noso centro.

• Para descargar a solicitude de reserva, prema aquí
• O manual de axuda para solicitar a reserva informaticamente, descárgase aquí.
• Descarga Anexo II bis.Prema aquí

Dacordo coa Resolución 19 de setembro de 2022 e a normativa vixente de aplicación no procedemento de elección dos membros do Consello Escolar, a Xunta Electoral constituída onte, 2 de novembro, aprobou o calendario electoral para a renovación dos seguintes membros: dous pais/nais ou titores legais, dous alumnos e tres profesores do Consello Escolar.

O prazo de presentación de candidaturas e reclamacións ao censo electoral é dende o día 3 ata o 15 de novembro ás 14:00 horas.

Podedes atopar máis información na web, no taboleiro informativo do centro e no taboleiro da sala de profesores.