Taxas e procedemento de pagamento

Canto custa estudar na EOI?

As taxas das EOI de Galicia están reguladas polo Decreto 89/2013, do 13 de xuño (DOG do 17/06).

A matrícula para un ano de estudos dun só idioma nas EOI de Galicia custa entre 0 e 127 €, dependendo do tipo de alumnado e das exencións ás que poida ter dereito.

Titorial sobre o pago de taxas

Que teño que pagar?

A) Matrícula alumnado oficial

B) Alumnado libre

C) Outras taxas

Que exencións e bonificacións hai?

Importante: en todos os casos deberase acreditar documentalmente o dereito ás exencións no momento de formalizar a matrícula.

• Familias numerosas de categoría especial: exención do 100%
• Familias numerosas de categoría xeral: bonificación do 50% do importe total
• Persoas cun grao de minusvalía igual ou superior ao 33%: exención do 100%
• Vítimas de actos terroristas, cónxuxes e fillas/os: exención do 100%
• Alumnas vítimas de violencia de xénero e fillos/as: exención do 100%
• Funcionarios/as dos corpos docentes establecidos na Lei orgánica 2/2006, do 3 de maio. de educación (BOE do 04/05): exención do pagamento dos prezos públicos agás os correspondentes á apertura de expediente e servizos xerais, unicamente nas materias de nova matriculación. (os repetidores perden a exención)

• Bolsas para estudos de idiomas: deberá acreditarse coa documentación xustificativa de ter solicitado a axuda ou bolsa para estudos de idiomas. Unha vez resolta a convocatoria, o alumnado beneficiario deberá presentar a súa credencial de bolseiro na secretaría do centro. En caso de non resultar beneficiario, o alumnado deberá aboar os prezos correspondentes á matrícula, á apertura de expediente, aos servizos xerais xunto cos xuros de demora correspondentes que efectuará nun único pagamento no prazo dun mes desde a publicación da resolución pola que se conceden ou denegan as bolsas. No caso de non efectuar o pagamento procederase á anulación da matrícula.

Pago aprazado

A modalidade oficial permite fraccionar e aprazar as contías referidas exclusivamente ao concepto de matrícula: o 50% no momento da matrícula e o resto antes do 31 de xaneiro (antes do 31 de novembro no caso dos cursos intensivos cuadrimestrais).

No caso de optar por esta modalidade de pago da matrícula, é preciso entregar o documento para o pago do 2º prazo, cos 20 díxitos da conta bancaria para a domiciliación do pago fraccionado, cuberto e asinado, xunto co certificado da conta bancaria, onde conste o IBAN e a titularidade do alumno/a.

A modalidade libre non permite o aprazamento do pago.

Exemplos de taxas
 

Procedemento para aboar as taxas

Importante: Non se admiten fotos dos documentos, deben achegarse escaneados

Pode efectuar o pagamento de dous xeitos diferentes:

NAS ENTIDADES BANCARIAS:

1.   Pode xerar un impreso estándar Modelo AI, xerado electronicamente e impreso desde o enderezo: http://www.atriga.gal/es/tributos-da-comunidade-autonoma/taxas-e-prezos/confeccion-on-line-impresos para o pagamento e consignando os seus datos persoais e os códigos de tramitación* Consigne nos impresos o importe da matrícula que ten que pagar.

2.     Efectúe presencialmente o ingreso do importe en calquera das entidades bancarias que figuran ao pé da folla de liquidación.

3.     Achegue escaneados (non en foto) os dous resgardos que lle devolva o banco  xunto coa demais documentación de matrícula.

POR INTERNET

1.     Acceda á Oficina Virtual Tributaria da Consellería de Facenda da Xunta de Galicia nesta ligazón, e siga a ruta: Cidadáns>Pago de taxas e prezos: Iniciar taxa>Premer no cadeado aberto>Inicia taxa (botón azull á dereita da pantalla). Consigne os seus datos persoais e os códigos de tramitación* e dea a orde de pago.

2.     Para que este trámite teña validez, a aplicación deberálle xerar un xustificante de pago (modelo 730), no que conste un código seguro de verificación (CSV), composto de 16 caracteres alfanuméricos.

3.     Achegue unha copia escaneada (non valen fotos) deste modelo xunto coa demais documentación de matrícula. Posteriormente, a secretaría do centro contrastará os datos do pagamento a través da Consellería de Economía e Facenda.

*Códigos de tramitación: