Skip to Content

Normalización e dinamización Lingüística

CASTAÑAS POLO MAGOSTO, PEÓNS AO CAMIÑO POLO SAN MARTIÑO

 A vindeira semana celebraremos O Magosto, a festa tradicional arredor da castaña. Ao longo da mesma realizaremos diferentes xogos nos recunchos, no patio, obradoiros e unha manualidade que terá como protagonista ao froito do castiñeiro e que levaremos a casa. Aprenderemos cancións e teremos xogos intectivos para aprender un pouco máis da estación do outono e desta festa popular.

- CANCIÓNS:

O OUTONO(Uxía Lambona)

NO OUTONO(Iván Vale)

TRES CASTAÑAS POLO CHAN(Susa Herrera)

COMO O TROMPO(Os ourensóns)

A BUXAINA BRINCADEIRA(Cantareliñas)

- XOGOS INTERACTIVOS:

EMPARELLA OS FROITOS

ATOPA AS PALABRAS

MEMORIA IMAXE-PALABRA

AFORCADO

MEMORIA IMAXES

EMPARELLAMOS O OUTONO

AS CATRO ESTACIÓNS

AS EMOCIÓNS DA CASTAÑA

DÍA DO PEÓN

UNE CON FRECHAS

ARRASTRA CADA NOME ATA A FOTO

CASTAÑAS MUSICAIS

 Degustaremos o xoves 17 dunha meranda compartida en cada aula que aportarán as familias... Castañas asadas, castañas, cocidas, doce de castañas, biscoito ou torta de mazá o calquera outra sobremesa caseira propia do outono.  Aproveitaremos esta celebración para xogar con peóns feitos con material de refugallo baixo o lema POLO SAN MARTIÑO PEÓNS AO CAMIÑO(11 de novembro). 

Mirade como aprendimos xogando e gozando deste Magosto 2022...

MAIOS 2022

 No mes de maio, nos mes das flores, o Maio percorrerá as rúas de Viveiro... Que bonito lembrar de novo anos pasados e volver a encher as rúas de Viveiro co noso xa tradicional Maio! Os nenos/as de varios centros educativos sairán de novo á rúa, unha proposta do Concello, coa canción tradicional desta festa, na nosa localidade, e outra que imos engadindo ao noso repertorio. Para lembrar e para aprender mira os seguintes vídeos, tamén podes descargar o texto das dúas cancións...

 Tamén temos unha bonita canción musicada por Nacho Hermida e cantada polos nenos/as do CEIP Julio Gurriarán, baseada nun poema de Florencio Delgado Gurriarán, escritor homenaxeado nas Letras Galegas deste ano, Aí vén o Maio, incluído no seu libro Bebedeira.

 

OUTROS ARQUIVOS COA CANCIÓN AÍ VÉN O MAIO:

NACHO HERMIDA E NENOS/AS

NACHO HERMIDA

Mirade  que  lucido quedou o noso Maio...

 

 Que ben o pasamos na celebración dos Maios! Participamos nesta  actividade organizada de forma conxunta polo Concello e a Asociación de Comerciantes Centro Histórico de Viveiro... E non podemos esquecernos do bonitas e xeitosas quedaron as nosas chapas...

LETRAS GALEGAS 2022

 

 Para conmemorar o 17 de maio, o día das Letras Galegas, querémosvos dar a coñecer ao autor  homenaxeado este ano, Florencio Manuel Delgado Gurriarán,  escritor valdeorrés. Avogado e poeta cunha vida chea de atrancos pero tamén de amor pola lingua e cultura galega. A través destes enlaces descubrirás a vida e a o obra deste ourensán.

BIOGRAFÍA FLORENCIO DELGADO

VÍDEO BIOGRAFÍA

AS AVENTURAS DE FLORENCIO

OBRAS

ESCOLMA DE TEXTOS

 

O ROSCO DE FLORENCIO

 

Tamén podedes acceder ao SEMINARIO GALÁN onde atoparedes material de moi diferentes tipos e para os tres niveis...

4º EI

5º EI

6º EI

 Este ano a proposta que facemos desde o EDLG é facer uns primáticos que nos permitan viaxar no tempo para coñecer a vida e a obra de Florencio. Se clicas no seguinte enlace PRIMAVERA DAS LETRAS tes un modelo e ademáis podes facer outras actividades(conto, encrucillado,  sopa de letras...).

 Para conmemorar este día do mes de maio, a nosa lingua, as nosas tradicións, a nosa cultura...  deixámosvos tamén unha preciosa canción,  Pousa, de Uxía Lambona e a Banda Molona, onde nos aproxima ao noso folclore, ao noso baile tradicional, como fixo Florencio nas súas obras, nos seus poemas...

 Desde o noso Concello xurde, ademáis, unha bonita proposta para o Día das Letras a de engadir unha prenda ou complemento do noso traxe tradicional á nosa vestimenta habitual ou algún instrumento tradicional galego.

 Para que coñezades algo máis sobre o noso traxe e os nosos instrumentos premede no seguinte enlace:

O TRAXE TRADICIONAL

INSTRUMENTOS

E así foi como na semana do 9 ao 13 de maio nos achegamos á vida e á obra de Florencio Delgado e como nos adentramos no mundo do traxe e dos instrumentos tradicionais da nosa terra...

 LETRAS GALEGAS 2022(EEI San Roque)

 

 

ENTERRO DA SARDIÑA 2022

 Este ano recuperaremos o noso tradicional Enterro da sardiña, a festa popular da nosa localidade coa que remata o Entroido. En función do tempo, o 4 de marzo, pasearemos a nosa sardiña polo noso patio e polas rúas de Viveiro cantando todos e todas...  Andamos argallando unha sardiña con oveiras super orixinal para levar neste día colgada do noso pescozo, xunto coa nosa vestimenta branca. Deixamos un vídeo para lembrar a canción e o texto da mesma para descargar.

 E aínda que a chuvia non nos permitiu pasear a nosa sardiña polas rúas de Viveiro, fixemos a nosa propia versión do Enterro no patio... 

 

UN ENTROIDO DE SUPERHEROES

 Como xa saberedes  a finais deste mes de febreiro comeza o Entroido, esta festa popular, que vivimos tan de preto e que esperamos con moitas ganas. Cantando e bailando, animaremos a nosa festa, unhas capas de cores polas emocións, a inclusión, a igualdade, por un mundo sostible e unha boa alimentación. Así di a canción que armou unha das nosas mestras, Rocío, para pasalo en grande nestas datas. Podedes descargar a letra da mesma nos documentos adxuntos...

 E así de ben o pasamos facendo o noso disfraz de superheroe e superheroína e desfilando polas rúas de Viveiro, sentímonos un pouco máis libres...

LINGUA E ROSALÍA

 Un ano máis uniremos as conmemoraciós  do Día da lingua materna(21 de febreiro) e o Día de Rosalía(23 de febreiro). Promovendo o plurilingüismo e a diversidade cultural e coñecendo a vida e obra da nosa galega universal, Rosalía de Castro... O galego como lingua materna nosa e de Rosalía.

 Se queredes coñecela mellor facede clic:

ROSALÍA DE CASTRO. BIOGRAFÍA

QUE SABES DE ROSALÍA DE CASTRO?

UNIDADE DIDÁCTICA EI: DÍA DE ROSALÍA

 

 Traballaremos sobre os versos do poema Parece unha rosa. Lembrade que tedes o texto deste poema nos documentos adxuntos. E animádevos a facer a vosa rosa con diferentes técnicas plásticas.

 

 Escoita tamén o rap Sempre Rosalía, do músico e mestre Iván Vale para esta conmemoración.

 

 Que bonitas quedaron as nosas rosas e o poema de Rosalía Parece unha rosa recitado por tódolos nenos e nenas do cole. Mirade, mirade...

CHEGOU O NADAL

 Xa está próximo o Nadal e queremos facer varias propostas para celebralo... Música para cantar e bailar nestas datas tan especias, xogos interactivos e cartas para escribirlles ao Apalpador, a Papá Noel e aos Reis Magos. Esperamos que vos gusten e os nosos mellores desexos para o novo ano que comeza...

NADAL

EMPARELLAMOS

COMPOÑEMOS A PALABRA

XOGUETES DO APALPADOR

APALPADOR OU PAPÁ NOEL

ADIVIÑA ADIVIÑANZA

 Lembrade que as letras das cancións e as cartas podedes descargalas nos documentos que adxuntamos.

MAGOSTO 2021

 Esta semana celebraremos O Magosto, aínda que de xeito diferente, a nivel de aula, un ano máis, pero sen deixar de esquecer esta festa tradicional arredor da castaña. Aprenderemos esta canción baseada nunha melodía popular, A CASTAÑA SI, A CASTAÑA NON, no arquivo que adxuntamos.

 Realizaremos ao longo da semana xogos nos recunchos e na ludoteca relacionados coa castaña e con outros froitos do outono... Degustaremos o venres as castañas na merenda ou outras sobremesas de outono e levaremos a casa unha manualidade feita cunha castaña. Aproveitaremos esta celebración para xogar con peóns feitos con material de refugallo baixo o lema POLO SAN MARTIÑO PEÓNS AO CAMIÑO. 

 Podedes gozar tamén xogando a estes xogos interactivos que xiran arredor da castañas e dos peóns:

AS EMOCIÓNS DA CASTAÑA

A CASTAÑA QUE REBENTOU DE RISA

DÍA DO PEÓN

  E así foi como nos divertimos, aprendimos, cantamos, xogamos, degustamos...

MAIOS 2021

 No mes de maio, no mes das flores, ven o maio pola calle de abaixo...  Para conmemorar esta festa tradicional de Viveiro, este vídeo lembrando moitos momentos vividos no cole nesta celebración da primavera. Aínda que este ano non poderemos ir pola calle de abaixo, vestirémonos e o celebraremos no cole dun xeito especial. Adxuntamos o texto da canción dos Maios para que podades aprendela ou para recordala no cole ou coa vosa familia.

 Decoramos as fiestras do noso patio con motivos dos maios: flores, sombreiros...

Todos e todas vestidos dos maios bailamos e pintamos flores no patio de recreo.

LETRAS GALEGAS 2021: XELA ARIAS

 Para conmemorar o 17 de maio, o día das Letras Galegas, querémosvos dar a coñecer á autora homenaxeada este ano, Xela Arias Castaño. Unhas biografías que permitirán que coñezades máis de preto, á poeta rompedora e á muller comprometida, e unhas actividades interactivas que vos achegarán á vida e obra desta escritora, editora, tradutora e profesora galega.

 

 XELA  ARIAS. EDUCACIÓN INFANTIL

 

XELA  ARIAS. LETRAS GALEGAS

 

CANCIÓN CON PICTOGRAMAS XELA  ARIAS CASTAÑO

 

UN CONTO DE XELA  ARIAS

 

A FRAGA DOS PAXAROS FALADORES

 

ACTIVIDADES 4º EI

 

ACTIVIDADES 5º EI

 

ACTIVIDADES 6º EI

 

 Outros recursos de interese(marcapáxinas, díptico, carteis, álbum de imaxes, obras...): SEMINARIO GALÁN     

 Para conmemorar este día do mes de maio, a nosa lingua, as nosas tradicións, a nosa cultura... vos deixamos tamén unha preciosa canción, O meu país, de Magín Blanco e Uxía Senlle:

 

OLLADAS E RISOS

As nenas e nenos de 5 anos realizamos un video, no cal contamos a historia dunha nena chamada Xela. Este conto foi escrito por un ex alumno da nosa escola, que hoxe xa ten 12 anos e que no lo enviou.

Nós realizamos unha montaxe cos debuxos de todas as nenas e nenos.

Os nosos nenos e nenas realizaron caroutas e retratos personalizados de Xela Arias,deixando libre a súa creatividade e imaxinación.

Tamén realizamos fichas sobre a escritora.

MURAL DE XELA ARIAS CASTAÑO

Os nenos e nenas de cada aula realizaron un gran quebracabezas sobre Xela Arias. O alumnado se tres anos presentando á escritora, os de catro anos sobre as profesións e lugares onde viviu e traballou e os de cinco anos sobre os libros da autora e as súas traducións.

Posteriormente xuntamos tódolos quebracabezas, xunto a outro quebracabezas con retratos da escritora, formando un mural xigante. 

Finalmente, o alumnado de 4 anos realizou caroutas lembrando a Rosalia de Castro por ser a escritora homenaxeada nas Letras Galegas de 1963, no centenario da primeira edición de Cantares Gallegos.

 

Distribuir contido


by Dr. Radut