Skip to Content

Novas

BENVID@S AO NOVO CURSO 2018-19

BENVID@S AO NOVO CURSO 2018-19

Alumnado e mestres na escola de San Paio

Alumnado e mestras na escola de San Cristovo

Alumnado e mestras na escola de Francelos

COMO PESCAS TI O GALEGO?

Os reporteiros do CRA AMENCER entrevistaron ás súas familias

FESTA FIN DE CURSO 2017/18

O xoves 21 de xuño celebramos a festa de fin de curso na escola de San Paio. Xuntámonos as tres escolas para celebrar a graduación d@s alumn@s de 2º de primaria, a entrega dos diplomas de lectura (Ranopla) a tod@s @s alumn@s de primaria, a exposición dos cadros feitos pol@s nen@s que asisten a clase extraescolar de pintura con Rocío e a entrega dun agasallo a Modesto, que nos fixo de guía no percorrido polos ríos da comarca.

A ANPA encargouse de organizar os hinchables para @s nen@s e do xantar.

LIBROS DE TEXTO PARA O CURSO 2018-19

 
 

AXUDAS PARA LIBROS DE TEXTO E MATERIAL ESCOLAR PARA O CURSO 2018-19

No DOG do día 21 de maio de 2018 publícase a Orde do 9 de maio de 2018, pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2018/19.

Enlace ao DOG

Enlace a solicitude

Enlace ao manual de usuario

Enlace á aplicación

REMATA O PRAZO O 22 DE XUÑO DE 2018

 

CONVIVENCIA CO CEIP CARMEN GARCÍA CARRASCO DE CENLLE

O mércores 16 de maio celebramos unha convivencia co CEIP Carmen García Carrasco de Cenlle para celebrar a festa das Letras Galegas.

Primeiro fixéronnos unha benvida @s alumn@s de 6º de primaria e despois tivemos un obradoiro de debuxos con Pepe Carreiro, ilustrador dos Bolechas. Tamén lles deixou un mural precioso no cole.

Despois participaron todos mesturados nunha ximcana de xogos variados que estaban relacionados con aspectos da vida e a obra de María Victoria Moreno.

E para rematar, tamén nos invitaron a xantar con eles.

 

CONCERTO DIDÁCTICO

O martes 15 de maio fomos á Casa da Cultura de Ribadavia para asistir a un Concerto didáctico dos alumnos e mestres do Conservatorio de Música. Foi un espectáculo precioso no que viaxamos na máquina do tempo e escoitamos música da prehistoria, da época medieval, do barroco, da época clásica, swing, jazz, rock and roll e tamén música do século XXI.

PROXECTO PESCA

Este curso o noso Proxecto Documental Integrado xirou en torno A PESCA. No seguinte video podedes ver un resumo dunha saída que fixemos para coñecer a pesca nos ríos do noso entorno. Esperamos que vos guste.

 

Tamén fixemos un libro de receitas relacionadas co peixe

 

 

MULTIXOGO

O martes 8 de maio, @s alumn@s de primaria foron ao Pavillón de Ribadavia a realizar distintas actividades deportivas con outros centros escolares da comarca.

No seguinte video podedes ver o ben que o pasaron.

XOGANDO CO ATLETISMO

Unha nova cita deportiva, desta volta ó xoves 26 de abril, no Pavillón de Ribadavia.

Achegámonos a disfrutar das diferentes probas do atletismo, na que o principal obxectivo foi divertirse e probar as múltiples disciplinas como  son: salto lonxitude, lanzamento de peso, xabalina, salto de altura e diferentes carreiras de velocidade e relevos.

Aquí vai o vídeo da actividade...

Distribuir contido


by Dr. Radut