Novas

PRAZOS DE ESCOLARIZACION 2019-2020

Mar, 26/02/2019 - 01:00 — Anónimo

Reserva de praza nos centros adscritos (CEIP Plurilingüe Ribadavia)	do 1 ao 15/2 (aa.ii.)
Publicación de normativa e prazas	28/02
Proceso de admisión	do 1 ao 20/03 (aa.ii)
Prazo entrega de documentación (só centros que bareman)	do 25/03 ao 05 de abril
Exposición de listado provisional de admitidos e non admitidos	24/04
Prazo de reclamación	do 25/04 ao 02/05
Exposición de listas definitivas de admitidos e non admitidos	14 de maio
Período de matrícula	do 20 ao 30 de xuño
Matrícula en E.I. e E.P.

MARTES DE ENTROIDO

Mar, 26/02/2019 - 01:00 — Anónimo

ADMISIÓN DE ALUMNADO PARA O CURSO 2019-20

Lun, 25/02/2019 - 01:00 — Anónimo

Segundo a ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación, o 1 de marzo, inícianse os trámites do procedemento para a admisión do alumnado.

INFORMACIÓN PARA AS FAMILIAS:

O prazo para presentación de solicitudes de Admisión de Alumnado para o curso 2019-2020 é do 1 ao 20 de marzo.
O alumnado matriculado no centro ten garantida a súa permanencia nel.
O alumnado que solicite praza nun centro distinto, deberá comunicar a renuncia a praza do noso centro.
A solicitude de praza será única, e terá carácter vinculante. Deberá entregarse no centro que se solicite en primeiro lugar.
As solicitudes deberán estar asinadas por ambos proxenitores, sendo este requisito imprescindible no caso de familias separadas ou divorciadas.
A solicitude tamén se pode presentar a través da aplicación "admisionalumnado" (https://www.edu.xunta.es/admisionalumnado): solicitudes - admisión - crear solicitude de admisión

Así mesmo, o alumnado e as familias poderán consultar o estado de tramitación das súas solicitudes a través da aplicación informática "admisionalumnado" (https://www.edu.xunta.es /admisionalumnado) utilizando o código da solicitude e o número de DNI da persoa solicitante.

Publícanse o formulario de solicitudes e a propia orde:

- Orde do 25 de xaneiro de 2017 (DOG)

- Anexo II: Formularios de admisión e matrícula

LUNS DE ENTROIDO

Lun, 25/02/2019 - 01:00 — Anónimo

ORDES DO MECO

Ven, 22/02/2019 - 01:00 — Anónimo

30 XANEIRO: DÍA DA PAZ

Dom, 03/02/2019 - 11:54 — Anónimo

Este ano desprazámonos ata o CEIP de PUNXIN para celebrar o día da PAZ con todos os alumnos e tamén con Marta, a súa mestra.

Primeiro participamos nas Olimpiadas da Paz, tiñamos que pasar por diferentes probas seguindo unhas ordes. Pasámolo xenial. No seguinte video podedes ver todo o que fixemos.

Tamén fixemos un photocall da paz, no que participamos todos.

RESERVA DE PRAZA EN CENTRO DE ADSCRICIÓN (CURSO 2019-20)

Mér, 30/01/2019 - 01:00 — Anónimo

Segundo a ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación, dende o 1 de febreiro, inícianse os trámites do procedemento, coa reserva de praza nun centro de adscrición.

O alumn@ que pretenda continuar estudos nun centro de adscrición (neste caso, CEIP PLURILINGÜE RIBADAVIA) deberá presentar o ANEXO I no CRA Amencer de Ribadavia antes do 15 de febreiro.

A solicitude tamén se pode presentar a través da aplicación "admisionalumnado" (https://www.edu.xunta.es/admisionalumnado): solicitudes - solicitudes de reserva - crear solicitude de reserva

Así mesmo, o alumnado e as familias poderán consultar o estado de tramitación das súas solicitudes a través da aplicación informática "admisionalumnado" (https://www.edu.xunta.es/admisionalumnado) utilizando o código da solicitude e o número de DNI da persoa solicitante.

Lémbrase tamén que o alumnado que faga esta reserva no centro adscrito, non poderá presentar solicitude de matrícula en calquera outro centro.

Publícanse os formularios de solicitudes e a propia orde:

- Orde do 25 de xaneiro de 2017 (DOG)

- Anexo I: Reserva de praza

PILABOT

Ven, 25/01/2019 - 11:43 — Anónimo

Este ano participamos no Concurso de recollida de pilas e acumuladores en centros educativos PILABOT.

Dende o mes de decembro estivemos recollendo as pilas usadas.

O día 22 de xaneiro veu Ana a darnos unha charla educativa do Concurso Pilabot. Xuntamos a todos os alumnos de primaria na escola de San Cristovo e aprenderon moito sobre a reciclaxe de pilas e acumuladores.

Tamén colorearon os seus pilabots e fixeron as súas fotos creativas para participar no concurso de fotografía artística #Eusonpilabot.

FESTIVAL DE NADAL 2018

Sáb, 22/12/2018 - 01:00 — Anónimo

O venres 21 de decembro tivemos o Festival de Nadal de 2018 na Casa da Cultura de Ribadavia. Nos seguintes videos podedes ver todas as actuacións do noso alumnado.

Dende eiquí dar as grazas a toda a comunidade educativa do CRA Amencer, tanto aos mestr@s como a todas as familias e en especial, a todo o alumnado, xa que sen todos vos esto non sería posible.

Darlle as grazas tamén a residencia de maiores de Ribadavia, que quixo compartir connosco unha mañá diferente e viñeron a ver o noso festival de Nadal.

E en especial a todos os empregados da Casa da Cultura de Ribadavia, Fran, Tere, Anita e Bea, pola súa colaboración e dispoñibilidade en todo momento.

E non queremos esquecernos tamén de darlle as grazas a María Lopez Touza, concelleira de Cultura e Educación de Ribadavia.

BO NADAL!!!!!!

AS AVENTURAS DE MARCO POLO

Xov, 20/12/2018 - 10:42 — Anónimo

Dentro da campaña de animación á lectura, o xoves 20 de decembro tivemos ao Mago Martin, que nos veu a contar "As aventuras de Marco Polo".

¡Marco Polo foi un auténtico viaxeiro de bigotes! Na súa época non había coches, trens nin avións e viaxar significaba afrontar mil perigos? ¡Pero tamén facer descubrimentos e vivir experiencias marabillosas! Este é o relato da viaxe que levou a Marco Polo de Venecia á China, á corte dos Señores de Oriente.Da man de Geronimo Stilton percorreredes as etapas desta aventura rumbo ao descubrimento de paisaxes encantados, personaxes misteriosos e animais lexendarios.