Inicio › Arquivo mensual

Abril 2022

DÍA DO LIBRO.

Estas son as actividades que fixemos co gallo do DÍA DO LIBRO.

A xoaniña Rosalía agasallará a tódolos nenos e nenas do Cra cun libro.

Ademais dentro no soso proxecto do cine e en coordinación co EDLG realizamos diversas actividades como:

PASEOS LITERARIOS DA FAMA: compostos por unha selección de contos que colocamos nos exteriores das escolas para que tanto o alumnado dentro do horario como as familias fóra do horario lectivo poidan descargar o código QR e acceder o contido visual dos contos. Esta resultou ser unha actividade motivante e atractiva tanto para o alumnado como para as familias- Deixamos un resumo en fotos.

paseos literarios da fama escolas de Vanesa Carballo Leal

COÑECEMOS A MARY POPPINS: traballamos sobre un musical de Mary Poppins e fixemos unhas maletas con material de refugallo decoradas cunha frase que traducimos ao galego e nas que levaron o libro de agasallo. 

Diseño de Vanesa Carballo Leal

Na escola de San Paio fixemos un MUSICAL sobre o vídeo de Mary Poppins que grabamos na biblioteca. Foi super divertido!

Tivemos apadriñamentos lectores e tamen lecturas coas familias baixo lema AS FAMILIAS CONTAN.

As familias contan de Vanesa Carballo Leal

CURSO DE FORMACIÓN. BIBLIOTECA CREATIVA NO CRA.

Participamos nun curso de formación da man do CFR de Ourense. Con este curso, Loli, ensinounos a traballar coa plastilina conductora e outros experimentos moi interesantes para levar a cabo nas aulas de infantil e primaria. Grazas Loli por vir a bibliocra da Xoaniña Rosalía. Deixamos un vídeo no que plasmamos algunhas das actividades que fixemos.

biblioteca creativa de Vanesa Carballo Leal

pincha para ver A XOANIÑA CON LUCES.

LUDOCRA DA XOANIÑA ROSALÍA

Este curso, dentro da biblioteca inclusiva, estreamos a LUDOCRA, unha ludoteca que a xoaniña mercou para nós. Está composta por unha selección de xogos para infantil, outros para primaria, que iremos rotando polas aulas das tres escolas e tamen por unha ludoteca familiar que quedará da biblioteca da Sede. A partir de agora, incluiremos como actividade unha mochila viaxeira de xogos, para que ademais de disfrutar na escola podamos levalos para á casa. Valoramos a importancia e os aprendizaxes educativos, cooperativos e en equipo que se aprenden a través do xogo.

Deixamos un vídeo con algúns dos momentos vividos nas diferentes aulas este curso.

ludocra da xoaniña rosalía de Vanesa Carballo Leal

A VACINA DA PAZ

Nas escolas do CRA este curso para celebrar o día da PAZ, creamos unhas vacinas moi orixinais. Cada escola, falou sobre os violentovirus, debuxáronos e puxéronlle un nome. Unha vez temos o virus, os científicos e científicas do CRA analizan os compoñentes que deben ter as vacinas para acabar con cada un dos virus. Unha vez creada, informamos as nosas familias da Campaña de vacinación, administramos a vacina e dámoslle unha tarxeta cun código QR, que poden descargar para ter o certificado de vacinación. Foi unha actividade que motivou moito ao alumnado e a campaña de vacinación foi todo un éxito, participación do cen por cento da comunidade educativa.

PREME NO PDF para ver os compoñentes das VACINAS.

Entre todas as escolas fixemos un MANIFESTO POLA PAZ. 

 

DÍA DA ÁRBORE

 PREME NA IMAXE PARA VER O VIDEO.

ACTIVIDADES PARA CONMEMORAR O 8 DE MARZO.

Para celebrar o Día da muller, como non podía ser doutro xeito, fixemos uns óscars de cine para agasallar a esas mulleres valentes e fortes que temos ao noso arredor. Cada nen@ elexiu a quén lle quería dar ese premio. Deixamos este pequeno video para que vexades o bonitiñas que nos quedaron.

 

 E así de bonitas quedaron os oscars para agasallar as mulleres da escola de San Cristovo.

 Tamén elaboramos con material de refugallo un adorno moi especial que levamos polos establecementos da vila para agasallar a tódalas mulleres que coidan das súas tendas, negocios e establecementos para que saiban que valoramos todo o seu esforzo e traballo. Aprendemos facendo e poñemos a nosa aprendizaxe ao servizo da comunidade que nos rodea.