O clube de lectura do CPI Tino Grandío comeza a súa adaina neste curso 2016/2017. E faino coas primeiras xuntanzas programadas para estes días. Concretamente, a de ESO celebrarase o mércores 6 de outubro, e a de 6º de Primaria terá lugar o mércores 19.

No caso do grupo de adultos a data escollida é na derradeira semana de outubro. Nesta ocasión, o título escollido é: Donde aúllan las colinas, do autor lucense Francisco Narla. Aproveitamos esta ocasión para animar a tódalas familias a que se unan a este clube de lectura. Para calquera dúdida ao respecto, podedes chamar ao teléfono do centro: 982870363. A persoa de contacto é Silvia. Grazas a tod@s.

Hoxe 12 de setembro comezou no CPI Tino Grandío o curso 2016/2017. Por iso queremos darlle-la benvida a tódolos nenos e nenas que forman parte desta comunidade educativa, especialmente aos que se incorporan por primeira vez. Benvida a: Alba, Sofía, Suevia, Ares, Manuel, Dana, Aroa, Brian...

Benvida tamén aos profesionais, aos que permanecen e aos que se unen neste curso.

Benvida a tódolos alumn@s que, o xoves 15, comezaronn as súas clases na ESO. Daquela estamos case tod@s. E entre tod@s, poñeremos o máximo empeño en crear espazos onde cada persoa atope tódalas oportunidades para medrar cada día.

BENVID@S!!

Revista Pallares 2016

Deixámosvos unhas fotos da viaxe da ANPA ó Museo do Ferrocarril de Monforte de Lemos.

Hoxe 1 de xuño inaugúrase no noso centro un Mercado Solidario de produtos aportados polo alumnado. Todo o recadado será doado a ACNUR (Axencia da ONU para os refuxiados). Grazas a tod@s os que fixeron posible este proxecto, e a tod@s os que colaboran coas súas aportacións.

Como ben sabedes, o horario do mes de xuño é diferente ao do resto do curso.

• Entrada: 09:50
• Xantar:14:30
• Saída dos autobuses: 15:00

O vindeiro 2 de xuño ás 10 da mañá teremos connosco a un representante de ANUR que nos falará das accións que levan a cabo a prol dos refuxiados. Este acto enmárcase dentro dunha campaña de recollida de fondos no noso centro, a través dun Mercado Solidario que permanecerá aberto do 1 ao 20 de xuño, no horario do recreo.

Enlace a toda a información

O pasado 5 de maio fomos a Outeiro de Rei, patria de Manuel María de Hortas. Alí, na súa casa, na sede da Fundación que leva o seu nome, achegámonos a esta figura senlleira da nosa cultura. Este ano 2016 é o ano de Manuel María, pero nós pedimos e queremos que tódolos anos sexan anos para lembrar, para escoitar, para ler, para estudar...a este xigante das nosas letras. Grazas Manuel María por todo o que nos deixaches, por todo o que loitaches e por todo o que nos aprendeches... por todo, grazas.

Cada 3 de maio celébrase o Día Mundial contra o Acoso Escolar. Dende o noso centro rexeitamos calquera tipo de violencia, ese día e tódolos días do ano.
Ademais do traballo que día a día fan os docentes nas aulas, a través da educación en valores, levamos a cabo actuacións específicas como o TEI, Programa de Titoría entre Iguais na ESO, que capacita aos alumnos/as para detectar situacións de acoso escolar e mediar.

Máis info en:
http://www.lavozdegalicia.es/noticia/sociedad/2016/05/02/dia-mundial-contra-acoso-escolar-clase-me-llaman-margi/00031462203062086915575.htm