O luns día 11 de setembro comezan as clases en educación primaria. O horario lectivo durante este mes de setembro será de 9:50 a 14:30 horas. Coma sempre, a saída dos autobuses terá lugar ás 15 horas.

No caso do alumnado da ESO o comezo das clases será o venres 15 de setembro. O horario será o mesmo que en primaria durante todo o mes de setembro.

Bo curso a tod@s!!

Última hora!!

Este traballo feito polo alumnado de 1º e 3º da ESO do CPI Tino Grandío resultou premiado pola Federación de Asociacións de Persoas Xordas de Galicia(FAXPG) dentro do Concurso Escolar de cancións para o día da LSE. Noraboa a tod@s.

Que o desfrutedes!

CAL É A SÚA FINALIDADE?

A avaliación individualizada de terceiro curso de educación primaria ten como finalidade comprobar o grao de dominio das destrezas, capacidades e habilidades do alumnado en expresión e comprensión oral e escrita, cálculo e resolución de problemas en relación coa adquisición da competencia en comunicación lingüística e da competencia matemática.

Esta avaliación ten carácter informativo e orientador para os alumnos e alumnas e familias, equipos docentes, centros e Administración educativa.

QUE COMPETENCIAS SE AVALÍAN?

 -Competencia en comunicación lingüística

-Competencia matemática.

EN QUE CONSISTEN AS PROBAS?

Estarán constituídas por:

-Cadernos  de alumnado para cada unha das competencias

-Cuestionarios  de contexto para o alumnado e as súas familias

Estase a celebrar unha nova edición da Feira do Libro no CPI Tino Grandío. Os fondos recadados serán destinados á excursión a Cantabria, os días 19, 20 e 21 de xuño.

No Tino Grandío continuamos coa celebración das nosas letras. Nesta ocasión, o alumnado de ESO ofreceunos un fermoso recitado con versos da nosa poeta máis universal: Rosalía de Castro. Grazas a tod@s.