ANPA

 

MANIFESTO FOLGA 24 DE NOVEMBRO DE 2016-CONFEDERACION ANPAS GALEGAS

 

Dende o primeiro momento, antes de que a LOMCE fose nin tan sequera un proxecto definitivo de Lei, esta Confederación posicionouse en contra dunha norma que se anunciaba como excluínte, segregadora, confesional e discriminatoria; entendemos xa dende aquela que unha lei educativa non podía facerse sobre a vontade exclusiva dunha formación política, que desprezaba a experiencia dos profesionais das ciencias da educación, e que ignoraba as achegas que deberían apreciarse tanto dos docentes e o alumnado como das familias, que coñecemos e somos quen de diagnosticar boa parte da problemática que sofre o Ensino Público.

 

Segundo o proxecto se foi materializando en definitivo, e xa logo cando se converteu en Lei aprobada polo partido popular, coa postura en contra de todas as demais formacións políticas, e coa oposición na rúa de todas as formacións sociais, confirmamos que tiñamos razón naquela oposición inicial; porque a Lei publicada é unha aposta  claramente definida  por un Ensino Público no que só caben aqueles que personifiquen o modelo aceptado polo mercado neoliberal, botando fóra a todos aqueles individuos que teñen dereito ao apoio da comunidade para compensar o que as circunstancias vitais non lles deron, ben sexan porque son suxeitos de necesidades especiais, e a súa diversidade os fai merecentes dunha atención específica; ou ben porque son membros de familias que non dispoñen dos medios abondos para compensar economicamente o que un Estado voluntariamente ausente lles nega, malia teren dereito como cidadáns.

 

As reválidas, que foi o acertado nome que o pobo puxo dende o primeiro momento ao que un lexislador covarde pretendeu disfrazar como “probas de diagnóstico”, foron a punta de lanza dunha loita que nunca cesou, e Galiza é o lugar onde esa reivindicación foi máis forte e rotunda.

 

As familias nunca quixemos que os nosos fillos e fillas fosen avaliadas outra vez, logo de que o fixeran os seus mestres e mestras, con exames que viñan de fóra, baseados en currículos que viñan de fóra, e con criterios que viñan de fóra; e por iso negámonos unha e outra vez a que tal cousa ocorrera; e esas negacións foron sempre acompañadas da mesma idea: NON QUEREMOS REVÁLIDAS, NON QUEREMOS A LOMCE.

 

Agora, que temos un goberno feble en Madrid, que o partido que aprobou contra todas e todos unha reforma clasista xa non ten a maioría para continuar, agora observamos unha manobra permanente, nos gobernos e nos medios de comunicación, para nos dicir que xa todo se vai amañar, que xa non vai haber reválidas na secundaria, só unha probas de mostraxe, que non vai haber reválidas no bacharelato, só probas de acceso á universidade; e agora é cando retomamos o discurso do principio, cando dicimos en alto e rotundo: AINDA QUE FAGADES O QUE DICIDES, E TEMOS GRANDES RAZÓNS PARA DESCONFIAR DA VOSA PALABRA, NON ABONDA, NON SON AS REVÁLIDAS, É A LOMCE TODA O QUE NON QUEREMOS.

 

Chegaron ata onde están porque nós, as familias, o alumnado, a sociedade en conxunto, fómolos puxando ata onde están, non é o momento de parar, é o momento de continuar, ata derrubar o que pretende discriminarnos,

 

Polas nosas fillas e fillos, por nós mesmas: DERROGUEMOS A LOMCE. NON É A NOSA LEI. NON A QUEREMOS.

 

MANIFESTO FOLGA 24 DE NOVEMBRO DE 2016-CONFEDERACION ANPAS GALEGAS

Dende o primeiro momento, antes de que a LOMCE fose nin tan sequera un proxecto definitivo de Lei, esta Confederación posicionouse en contra dunha norma que se anunciaba como excluínte, segregadora, confesional e discriminatoria; entendemos xa dende aquela que unha lei educativa non podía facerse sobre a vontade exclusiva dunha formación política, que desprezaba a experiencia dos profesionais das ciencias da educación, e que ignoraba as achegas que deberían apreciarse tanto dos docentes e o alumnado como das familias, que coñecemos e somos quen de diagnosticar boa parte da problemática que sofre o Ensino Público.

Segundo o proxecto se foi materializando en definitivo, e xa logo cando se converteu en Lei aprobada polo partido popular, coa postura en contra de todas as demais formacións políticas, e coa oposición na rúa de todas as formacións sociais, confirmamos que tiñamos razón naquela oposición inicial; porque a Lei publicada é unha aposta  claramente definida  por un Ensino Público no que só caben aqueles que personifiquen o modelo aceptado polo mercado neoliberal, botando fóra a todos aqueles individuos que teñen dereito ao apoio da comunidade para compensar o que as circunstancias vitais non lles deron, ben sexan porque son suxeitos de necesidades especiais, e a súa diversidade os fai merecentes dunha atención específica; ou ben porque son membros de familias que non dispoñen dos medios abondos para compensar economicamente o que un Estado voluntariamente ausente lles nega, malia teren dereito como cidadáns.

As reválidas, que foi o acertado nome que o pobo puxo dende o primeiro momento ao que un lexislador covarde pretendeu disfrazar como “probas de diagnóstico”, foron a punta de lanza dunha loita que nunca cesou, e Galiza é o lugar onde esa reivindicación foi máis forte e rotunda.

As familias nunca quixemos que os nosos fillos e fillas fosen avaliadas outra vez, logo de que o fixeran os seus mestres e mestras, con exames que viñan de fóra, baseados en currículos que viñan de fóra, e con criterios que viñan de fóra; e por iso negámonos unha e outra vez a que tal cousa ocorrera; e esas negacións foron sempre acompañadas da mesma idea: NON QUEREMOS REVÁLIDAS, NON QUEREMOS A LOMCE.

Agora, que temos un goberno feble en Madrid, que o partido que aprobou contra todas e todos unha reforma clasista xa non ten a maioría para continuar, agora observamos unha manobra permanente, nos gobernos e nos medios de comunicación, para nos dicir que xa todo se vai amañar, que xa non vai haber reválidas na secundaria, só unha probas de mostraxe, que non vai haber reválidas no bacharelato, só probas de acceso á universidade; e agora é cando retomamos o discurso do principio, cando dicimos en alto e rotundo: AINDA QUE FAGADES O QUE DICIDES, E TEMOS GRANDES RAZÓNS PARA DESCONFIAR DA VOSA PALABRA, NON ABONDA, NON SON AS REVÁLIDAS, É A LOMCE TODA O QUE NON QUEREMOS.

Chegaron ata onde están porque nós, as familias, o alumnado, a sociedade en conxunto, fómolos puxando ata onde están, non é o momento de parar, é o momento de continuar, ata derrubar o que pretende discriminarnos,

Polas nosas fillas e fillos, por nós mesmas: DERROGUEMOS A LOMCE. NON É A NOSA LEI. NON A QUEREMOS.

 

 

 

 

 

 

COMUNICADO DA PLATAFORMA EN DEFENSA DO ENSINO PÚBLICO

 DE  GALICIA

 

A Plataforma en Defensa do Ensino Público de Galicia tras declarar o día 26 de outubro como xornada de loita contra as reválidas apoiando as mobilizacións da Plataforma en Defensa do Ensino Público Estatal en todo o territorio español, para esixir a súa eliminación inmediata e definitiva, así como a derrogación da LOMCE e a prol da reversión dos recortes quere comunicar o seguinte:

• Manifestar o seu absoluto rexeitamento ás reválidas impostas e instar á administración educativa á anulación do RD 310 /2016 de 29 de xullo polo que se regulan as mesmas.

• Apoiar a xornada de folga educativa convocada para esa data polo sector do alumnado (SE) e polo sector de pais e nais (CONFAPA-Galicia) que promoven un baleirado de aulas en toda a nosa autonomía.

•  Poñer en marcha o seguinte calendario de actuacións conxuntas contra as reválidas en toda a autonomía galega e instar a toda a comunidade educativa á participación na loita contra esta lei infame que restrinxe ó acceso a titular do alumnado; xerando, tamén, incertidume no alumnado, no profesorado e nas familias pola falta de concreción por parte da administración educativa de aspectos clave como os modelos de exame en 2º de BACH, a alteración do calendario de final de curso … Desde a Plataforma en Defensa do Ensino Público levaremos a cabo diversas formas de loita baseadas en mobilizacións, asembleas informativas para toda a comunidade educativa e actuacións en centros educativos das diferentes provincias. A Plataforma en Defensa do Ensino Público de Galicia convoca a toda a comunidade educativa (pais, nais, alumnado e profesorado) a concentrarse contra a LOMCE e as reválidas nas seguintes ciudades:

 

 

A Plataforma en Defensa do Ensino Público de Galicia amosa o seu rexeitamento absoluto á imposición das reválidas e reitera que non deixará de realizar actuacións conxuntas dentro dun marco global de loita pola derrogación da LOMCE e o resto de contrarreformas educativas, así como para lograr a reversión total dos recortes sufridos nos últimos anos. Animamos a toda a comunidade educativa galega a formar parte desta xornada de loita para acadar unha educación de calidade e de equidade.

Facemos un chamamento aos centros e ao profesorado para que as actividades que desenvolvan non supoñan un prexuízo para o alumnado que non asista ese día ás aulas.

 

Santiago de Compostela, 11 de outubro de 2016