O pasado 23 de novembro, o alumnado de Educación Infantil ao completo puido desfrutar da lectura teatralizada de Daniela Pirata, de Susanna Isern. A actividade, encaixada no Programa Lectura e Familias, foi levada a cabo por Geles, nai dunha das propias alumnas de Infantil. Grazas ao seu talento, á caracterización e ao apoio da pizarra dixital, foi quen de mergullar á rapazada neste fantástico mundo de piratas no cal a igualdade é un piar fundamental.