O programa piloto de voluntariado da Biblioteca, creado co obxectivo de fomentar a implicación do alumnado nas actividades do día a día da mesma, está a ter unha gran acollida. Dende que comezou a funcionar, os axudantes están xa a colaborar na organización de fondos, selado de libros, reetiquetaxe de exemplares,...

O curso próximo, o programa collerá peso ao incrementarse as responsabilidades coa decoración da biblioteca en datas sinaladas, a elaboración de cartelería e a organización de concursos e xogos. Desta maneira, a biblioteca gañará peso dentro dos tempos de descanso da escola. Permitirá tamén a formación dun grupo colaborativo que dea resposta a diferentes inquedanzas ao redor da lectura.