Queridas familias:

Para min é todo un orgullo ser a mestra dos vosos fillos e fillas; sabede que desde xa os quero moito  e  teño  a cada un deles no meu corazón.

Este primeiro trimestre é o máis difícil para eles e elas, xa que son moitos os cambios: un novo espazo,  novas persoas que os coidan, novos compañeiros e compañeiras... moitas situacións distintas ás que adaptarse. Pero pouquiño a pouco o imos logrando e cada día é máis fácil que o anterior. 

Estamos a aprender as normas da aula: non correr dentro da aula porque se caemos podémonos golpear con algo ou con outro neno ou nena e farémonos moito dano, estar un  tempiño sentados traballando ou  merendando, obedecer aos  profes, non pegar, controlar  esfínteres, comunicar ao profesorado calquera necesidade que teñamos, etc....

Tamén estamos aprendendo sobre escola: as súas distintas dependencias, o persoal que traballa nela, as rutinas diarias ... Deste xeito, a adaptación dos pequenos e pequenas será máis fácil e rápida.

Sabede que calquera dúbida que teñades, podédesme mandar unha nota nun papel ou na axenda escolar na mochila do voso fillo ou filla, pero por favor, avisádeme, para que eu a busque, e eu avisareivos cando vaian notas da miña parte; xa escribín algunhas notas e algunhas axendas

Un saúdo 

Mónica