O alumnado de 4º de ESO traballou no cálculo de precipitacións medias en distintas áreas mediante os polígonos de Thiessen, unha técnica utilizada en meteoroloxía para estimar as áreas de influencia das estacións onde se recollen as precipitacións e poder así calcular a media de forma ponderada dacordo a estas áreas.

O resultado deste traballo estivo dispoñible durante a Semana da Ciencia do centro, e crearon carteis nos que se explicaba tanto a forma na que se definen estes polígonos como casos prácticos de cálculo coa axuda de datos recollidos na propia páxina de Meteogalicia.