Premer na imaxe para acceder ao Blog da Biblioteca, aparecen as lecturas recomendadas para o Día Internacional da Eliminación da Violencia contra a Muller.
No seguinte adxunto podes descargar un PDF cunha selección de libros elaborada dende a biblioteca con motivo do Día Internacional da Eliminación da Violencia contra a Muller.
No Blog da biblioteca temos unha nova publicación, moi interesante, que nos permite acceder a diversos enlaces con libros, contos e bibliotecas enteiras virtuais. Hai para todos os gustos e idades. Animádevos a curioseala!
Tamén,Os Bolechas celebran as Letras Galegas e o seu autor, Pepe Carreiro dedica un novo volume da colección "As miñas primeiras Letras Galegas" a Ricardo Carvalho Calero, ofrecendo un entretido conto co que o lector ou lectora vai descubrindo quen é o personaxe de quen se fala ao tempo que goza dunha aventura típica desta divertida familia galega. En atención á situación excepcional que vivimos por mor da Covid-19 e ás especiais circunstancias en que se celebra este ano o Día das Letras Galegas, a editorial Bolanda, coa colaboración da Secretaría Xeral de Política Lingüística, pono á nosa disposición no Portal da Lingua.
Premendo na imaxe podedes ver o conto de "As pitas baixo a choiva" de Ricardo Carvalho Calero, escritor ao que se rinde homenaxe este ano no día das Letras Galegas.