raúl.jpg

  • O lucense convértese no primeiro peninsular en entrar no corpo de baile do Ballet Mariinski

Hai muros difíciles de derrubar e valados imposibles de saltar. Lugo, cidade que sabe de murallas que defenden territorio e que ao mesmo tempo pecha visibilidade, forneceu un home ao máis alto da danza mundial; o Ballet Mariinski, St. Petersburgo (Rusia).

Raúl Ferreira é o resultado de sí mesmo e tamén do feito colectivo. O seu traballo diario, adicación e perseverancia colocouno onde quería estar: cos grandes. Nada cae por casualidade no difícil mundo da arte no noso país e menos no campo da “minoritaria?” danza clásica. Un dato: a Consellería de Educación xestiona un único conservatorio profesional de danza, o CDAN Lugo, fronte a sete de música. O audiovisual e o teatro son sectores consolidados cunha industria asentada en maior ou menor medida. É por iso que o salto de Raúl trascende moito máis alá do feito persoal.

Por si fora pouco, o “noso veciño” entra na institución dancística clásica máis importante do mundo, logo de dous anos de formación na “Academia Vagánova de Ballet”, berce de grandes bailaríns e bailarinas onde cada ano compiten 3000 candidatos para 60 prazas. O Ballet Mariinski é unha compañía na que traballan máis de dúascentas persoas entre bailaríns, solistas, coreógrafos, maestros, equipo médico, equipo técnico, etc… (unha industria en sí mesmo) sin esquecernos do seu monumental teatro e a súa indiscutible orquestra. É a referencia mundial que aúna tradición e historia e na que están impregnados as Pávlovas, Semiónovas, Barýshnikovs, Nuréyevs e un logo etc.

Ademáis, é o primeiro bailarín de toda a península ibérica en formar parte do seu corpo de baile. Pensade nas cidades máis importantes da nación española ou da república portuguesa, pois ben, non atoparedes un caso Raúl. El é o caso.

Logo do lóxico “subidón” que causou a nova nos que o tratamos, vén o tempo da análise e aí é onde hai que agradecer a todo o persoal docente e non docente do CDAN Lugo –profesores e profesoras baixo cuxo maxisterio asentou “o Raúl” unha sólida base nos dez anos como alumno do centro. Coa súa directora -Isabel Méndez- á cabeza e que logo de 15 anos, cos erros e acertos propios da novidade na xestión dun centro único na rede de conservatorios da Xunta, pero con tesón, amor e moita adicación presenta uns resultados que xa quixeran para sí moitas cidades do país; da nada contamos cunha “Semana da Danza” consolidada, máis de 3000 persoas que asisten cada ano ás representacións organizadas polo Conservatorio, exalumnas que xa xestionan as súas propias academias logo de graduarse, ou que están a recibir premios nacionais e internacionais na súa carreira profesional, ben como intérpretes ou como coreógrafas. Sin deixar de citar ás alumnas que acceden aos conservatorios superiores de máis sona do estado español e que volverán á terra como profesionais, si o permiten as administracións públicas.

Diciamos antes que esto non é froito da casualidade, é o resultado de sementar e sachar, de perseverar e de moito traballo, así é como o ten que ver a sociedade, en especial a Consellería de Educación que non debe esperar máis en facer realidade unha necesidade cultural e educativa no país; unha rede de conservatorios de danza que iguale, cando menos, á de conservatorios de música.

Así o dicimos, a peito descuberto, “que nos quiten o bailao”. Temos danza para derrubar muros e saltar valados imposibles.

Viva Raúl, viva o CDAN e que viva Lugo!

Onte foi un día importante para a comunidade educativa do CDAN. Esther Latorre Fernández, graduada en Grao Profesional na especialidade de Danza Contemporánea no noso conservatorio subía á escea do Palau de les Arts de Valencia -como integrante da equipa Maduixa Teatre- a recoller unha merecidísima recompensa na Gala dos Premios MAX, o de Mellor espectáculo de rúa por MULÏER, un espectáculo que vén sendo unha homenaxe a todas as mulleres que durante séculos e séculos de opresión loitaron e seguen loitando para manter vivo o seu eu salvaxe, e que reclaman o seu dereito de bailar e correr libremente polas rúas e prazas da nosa sociedade.

O espectáculo -do que forman parte outras catro bailarinas, xunto con Esther- conta ademáis cunha dificultade engadida; as intérpretes danzan sobre zancos e recibíu tamén o Premio á Mellor composición musical para espectáculo escénico ao compositor Damián Sánchez. 

A montaxe pretende investigar os límites físicos coa danza e o equilibrio, o movemento e a poesía ou a forza e as emocións. As mulleres son o punto de partida. O espectáculo nace da necesidade de explorar a identidade feminina a través do xogo corporal, facendo fincapé na imaxe, a poética visual e a narración para chegar á sensibilidade do espectador.

Unha intensa xira internacional

Maduixa Teatre partía como favorita, debido ás excelentes críticas recibidas e a outros premios recibidos con anterioridade o que lles posibilita unha xira intensa, tanto pola península como polo estranxeiro. O público galego tivo oportunidade de ver o espectáculo na Praza da Quintana compostelá, o pasado mes de Maio.

Esther Latorre, que durante este curso volveu ao CDAN para impartir un Obradoiro, enche de orgullo á familia cdanística. O mundo das artes escénicas, en concreto da Danza, é moi sacrificado por iso debemos celebrar como se merece os premios e mencións por tan bo facer no campo da arte.

Dende a Ronda das Fontiñas ao mundo enteiro, Esther (a nosa Esther) enche rúas e prazas de beleza danzada, co empoderamento da MULÏER. Unha razón máis para seguir traballando e loitando; pola xustiza, pola danza e pola arte en Xeral.

Esther, BRAVA!!

MULÏER - CIA.MADUIXA from Maduixa Teatre on Vimeo.

O vindeiro venres 2 de xuño, terá lugar a Gala Fin de Curso de Grao Elemental 2017.

Baixo o título "Entre liñas", o profesorado e alumnado das especialidades de Danza Clásica e Danza Contemporánea, deseñaron un espectáculo de Danza que xira arredor da Biblioteca Escolar.

Como vén sendo habitual, a entrada é libre e de balde con invitación, as mesmas poderanse recoller no Auditorio Municipal do Gustavo Freire o mesmo día do espectáculo.

O conservatorio conta novamente co apoio da Concellería de Cultura, Turismo, Xuventude e Promoción da Língua, do Concello de Lugo.

A cita; o Venres 2 de Xuño de 2017, ás 20.30 h. no Auditorio Municipal Gustavo Freire.

"Alicia no país das marabillas", é a temática escollida para a Gala de Clausura do Grao Elemental 2017 que terá lugar o próximo venres día 26 ás 20.30 horas.

Nesta cita tan sinalada, onde o alumnado de grao elemental mostra parte do traballo realizado durante todo o curso, poderanse ver un total de once coreografías compostas polo profesorado.

A entrada é libre e de balde, téndose que retirar as entradas na ANPA ou -si aínda quedan- na billeteira do auditorio o día do espectáculo. 

Pode consultar o programa de man no anexo

O PRAZO DE PRESENTACIÓN DE SOLICITUDES SERÁ O Mércores 23 DE MAIO EN ADMINISTRACIÓN!

 

CONVOCATORIA PREMIO FIN DE GRAO CURSO 2017-18
(ORDE do 10 de marzo de 2009 pola que se regula o procedemento para a obtención de matrícula de honra e premio de fin de grao nas ensinanzas profesionais de música e danza)

ESPECIALIDADE DANZA CLÁSICA

(Xoves 24 de Maio)

TRIBUNAL:

ESPECIALIDADE DANZA CONTEMPORÁNEA

(Xoves 24 de Maio)

TRIBUNAL:

 

CONTIDOS DA PROBA DE DANZA CLÁSICA

CONTIDOS DA PROBA DE DANZA CONTEMPORÁNEA

1.- Interpretación de dous variacións de repertorio clásico a elexir entre tres propostas polo alumno/a, unha por elección do tribunal e outra elexida libremente polo alumno/a.  As variacións propostas deberán ser de dificultade de nivel de sexto curso e alomenos de dous estilos diferentes. Todas elas realizadas en puntas para as chicas. A música a traerá o aspirante.

Criterios de valoración:

- Calidade técnica e correcta execución.

- Coordinación e correcto uso do espazo.

- Musicalidade.

- Capacidade de interpretación e asimilación do estilo.

2.- Realizar unha improvisación ou exercicio de composición coreográfica con unha música elexida polo tribunal de duración non superior a tres minutos. O Alumno/a disporá de 15 minutos tras escoitar a música para preparar esta proba.

Criterios de valoración:

- Aproveitamento do espazo.

- Adecuación da composición coreográfica ao estilo musical.

- Creatividade, orixinalidade e calidade interpretativa.

1.- O alumno deberá elexir e interpretar unha coreografía dentro destas liñas de traballo e coreógrafos propostos a continuación:

a) Jiri Kylian, Mats Ek, Nacho Duato.

b) Akram Khan, Sidi Larbi Cherkaoui, Ohad Naharin.

c) Anne Teresa de Keersmaeker, Angels Margarit.

2.- O alumno interpretará unha coreografía dun estilo e liña coreográfica distinta á elixida e interpretada anteriormente.

Criterios de valoración das coreografías presentadas:

- Calidade técnica e correcta execución.

- Coordinación e correcto uso do espazo.

- Musicalidade.

- Capacidade de interpretación e asimilación do estilo.

3.- O alumno desenvolverá unha improvisación de carácter libre, a elixir entre tres pezas musicais presentadas polo tribunal.

Criterios de valoración da improvisación:

-Dominio do espazo, os ritmos e as dinámicas.

-Dominio do manexo enerxético nos movementos.

-Dominio das calidades de movemento.

-Coñecemento e recursos nos diferentes planos espaciais.

-Sensibilidade artística e musicalidade.

-DURACIÓN DAS PEZAS COREOGRÁFICAS: Non máis de cinco minutos.

-DURACIÓN DA IMPROVISACIÓN: Entre tres e cinco minutos.


 

Máis info no adxunto

 

Distribuir contido