Resultado de imagen de labanCoincidindo coa celebración da Semana da Danza da edición 2017, o Conservatorio de Danza convoca o Concurso Coreográfico adicado desta vez a RUDOLF VON LABAN (1879-1958) para o alumnado do Conservaotorio de Danza de Lugo.

 RUDOLF VON LABAN (1879-1958) Estableceu un conxunto de principios e conceptos sobre o movemento coa finalidade de servir como guía de investigación e de reflexión. Desta forma, o individuo, a partir duns temas específicos, explora y familiarizase co movemento, chegando a descubrir a sua propia técnica e elaborar a sua propia linguaxe corporal.

Aspectos do movemento a partir dos que traballa:

TEMPO: rapidez- lentitude e os cambios entre elas (aceleración e desaceleración).

PESO: forte- lixeiro. Os factores tempo e peso dan a cualidade dinámica ao movemento.

ESPAZO: o relaciona tanto co modo no que nos movemos como coa dirección na que o facemos.

FLUXO: factor que penetra en todo o movemento e lle da a sensación de ser detido ou suxeitado.

A Labanotacion

Tamén creou un sistema para lembrar e anotar os movementos, desprazamentos, e motivos por medio de símbolos. 

Técnica do Icosaedro

É o método que empregou para entender os puntos de proxección Do corpo, permitindo unha maior precisión no movemento, a partir

Das posibilidades direccionais que lle daba esta figura xeométrica. 

Fonte: http://www.biografiasyvidas.com/biografia/l/laban.htm

http://rudolfvonlaban-ispasalta.blogspot.com.es/

Foi un coreógrafo e investigador do movemento, considerado un dos teóricos máis influintes na danza moderna.

A danza expresiva, libre, creativa Buscaba novas formas de expresión a través da relación entre espazo, movemento e ritmo e da actuación do intérprete, na que éste debíase concentrar ao máximo porque «todo movemento exterior é consecuencia doutro interior». Para iso chegaba incluso a prescindir do acompañamento musical. 

BASES CONCURSO COREOGRÁFICO 2017

1. OBXETO DO CONCURSO

O conservatorio Profesional de Danza de Lugo convoca, como ven sendo habitual na Semana da Danza, o Concurso Coreográfico, co fin de desenvolver a creatividade dancística e coreográfica do noso alumnado. Este ano ,o personaxe homenaxeado será o coreógrafo e teórico da danza RUDOLF VON LABAN.

2. DATA E LUGAR DE CELEBRACIÓN

VENRES 28 DE ABRIL no AUDITORIO GUSTAVO FREIRE DE LUGO.

As horas de ensaio e actuación se comunicarán unha vez remate o prazo de inscrición.

3. PARTICIPANTES

-Poderán participar todos os alumnos do Conesrvatorio dentro das seguintes categorías:

I CATEGORÍA: 1º E 2º DE GRAO ELEMENTAL. O número de intérpretes participantes por peza será de 8 como máximo e 3 como mínimo.

II CATEGORÍA: 3º E 4º DE GRAO ELEMENTAL. O número de intérpretes participantes por peza será de 8 como máximo e 3 como mínimo.

III CATEGORÍA: GRAO PROFESIONAL. O número de intérpretes participantes por peza será de 8 como máximo e 2 como mínimo.

-Non se admitirán pezas con un so intérprete.

4. INSCRICIÓN

Prazo de inscrición e entrega de músicas na conserxería do centro: ate o 14 de abril 2017 inclusive

*non se admitirá ningunha inscrición nin entrega de música fora de prazo. 

Para inscribirse cada grupo deberá axuntar unha ficha da peza, na que se inclúa: o nome do grupo, o título da proposta coreográfica, o curso e a categoría á que pertencen, os nomes dos intérpretes, a duración, a música, o argumento e unha breve explicación de por qué elixiron facer esa peza. Deberá estar todo redactado en GALEGO, incluído o título.

* Non se admitirán fichas de coreografías que non teñan algunha vinculación co personaxe homenaxeado

5. COREOGRAFÍAS

- As coreografías presentadas non deberán exceder dos 3 min.

- Os alumnos e alumnas inscritos deberán ensaiar fóra do horario de clase. Na conserxería do centro poderán ver as aulas coas horas libres para ensaiar. Os ensaios comenzarán a partir do luns 23 de xaneiro.

 - As coreografías deberán ser creadas,preparadas e ensaiadas exclusivamente polos propios alumnos/as.

 - Poderán ser eliminadas da convocatoria coreografías nas que no proceso de creación e ensaio inflúan terceiras persoas ,profesores ou bailaríns profesionais.

 - No está permitido o emprego de purpurina, confeti ou elementos que non deixen en perfecto estado o espazo escénico para a actuación seguinte.

 - PRÉSTAMO DE VESTIARIO: Os alumnos poderán solicitar vestiario ou atrezzo do centro. (ver información na ficha de inscrición).

 6. XURADO

 O xurado estará formado por 5 persoas, sendo profesorado e pianistas do centro así coma un representante do ANPA.

 7. PREMIOS

 - Dous premios por cada categoría:

1. Premio á mellor Interpretación.

2. Premio á mellor Coreografía.

No proceso de selección valorarase : a orixinalidade, creatividade, interpretación, técnica, uso do espazo, elección musical, musicalidade, grado de dificultade e posta en escena.

-Un Premio á coreografía máis votada polo público asistente.

O INCUMPRIMENTO DALGUNHA DAS BASES PODERÁ DESENCADENAR NA DESCALIFICACIÓN DOS CONCURSANTES.

 Organiza: DINAMIZACIÓN DE ACTIVIDADES COMPLEMENTARIAS CDAN LUGO

A Rede de Conservatorios de Galicia acaba de obter o certificado de calidade 9001-2015, de AENOR, un selo que acredita a formación artística dos futuros profesionais da música e da danza. Deste xeito os CMUS que integran a rede -de Santiago, A Coruña, Ferrol, Lugo, Ourense, Pontevedra e Vigo, e o Conservatorio de Danza de Lugo- convértense nos primeiros en acadar este recoñecemento de calidade das ensinanzas que imparten.

O conselleiro de Cultura, Educación e Ordenación Universitaria, Román Rodríguez, participou esta mañá, xunto co director de AENOR en Galicia, Martín Pita, e o director xeral de Educación, Manuel Corredoira, na entrega das certificacións do sistema de xestión de calidade segundo a norma ISO 9001.

Na súa intervención, Román Rodríguez puxo en valor o traballo que desenvolven os Centros Profesionais de Música e de Danza en Galicia e subliñou que este certificado estimula a mellora da súa calidade e o camiño cara a excelencia.

O conselleiro lembrou que a profesionalización das ensinanzas musicais e de danza teñen como finalidade proporcionar ao alumnado unha formación artística de calidade e garantir a cualificación dos seus futuros profesionais. Unha cualificación que -segundo recalcou- é froito do traballo do día a día dos Conservatorios, e que se traduce en resultados coma que un dos premiados en Galicia cos Premios Extraordinarios de Ensinanzas Artísticas Profesionais, obtivese o primeiro Extraordinario Nacional.

En Galicia estase rexistrando un incremento da matrícula nos conservatorios (máis de 4.000 matriculados nos centros oficiais) e demais centros autorizados, o que amosa o interese que espertan as ensinanzas musicais na comunidade autónoma.

No acto de hoxe, ademais do director do Conservatorio Profesional de Música de Santiago, José Luis Quintas, que actuou como anfitrión, tamén participaron os directores do CMUS de Xan Viaño, en Ferrol; do Conservatorio de Música da Coruña; do Xoán de Montes de Lugo; do Conservatorio Profesional de Danza de Lugo, do Conservatorio Profesional de Música de Ourense; do Manuel Quiroga de Pontevedra, e do Conservatorio Profesional de Música de Vigo.

  • A ex-alumna, Esther Latorre Fernández visita o CDAN para participar dun obradoiro-faladoiro

Graduada en danza contemporánea polo Conservatorio Profesional de Danza de Lugo e en Maxisterio de educación física pola USC, Esther Latorre formou parte da Jove Companyia de Dansa Gerard Collins (Valencia) baixo a dirección de Mamen García durante dous anos, interpretando pezas de coreógrafos como Gustavo Ramirez, Amaury Lebrun, Carmela García. Logo trasladase a Portugal xunto á Companhia de dança do Norte (NORTH DANCE COMPANY) baixo a dirección de Pedro Pires para participar na produción 'BARULHOS NOSSOS'.

Xa no ano 2016 comeza a traballar coa compañia valenciana MADUIXA TEATRE, coa cal se atopa actualmente interpretando 'MULÏER' (Premi Moritz Millor Estrea de Carrer 2016). Foi galardoada co premio a mellor intérprete en danza contemporánea pola súa peza 'ALIQUAM', coa cal gaña diversos premios en certames coreográficos, entre os cales destaca a invitación ao Anton Bruckner Privat Universität für Musik, Tanz und Schauspiel en Linz, Austria.

Foi premiada tamén no Festival internacional de danza contemporánea SÓLODOS EN DANZA 2016 coa peza ´MAPA´ xunto ao bailarín Hugo Pereira.

OBRADOIRO DE CREACIÓN "TRABALLANDO DESDE O MAPA"

No obradoiro traballarase a partir de varias secuencias de acción, desde a creación de material propio e individual (baseado no método de creación e pensamento da súa última peza, "MAPA". Trátase de movemento a partir de liñas, puntos e segmentos que cobrarán sentido ao longo da súa interpretación, dando significado á historia individual dese deseño. A iso sumarémoslle frases coreográficas para a preparación do corpo, inclusive fragmentos de repertorio da peza. levará a cabo un traballo bastante físico.

"(...) intercepta a liña. Continúa, estás dentro." (SINOPSE DA PEZA) 

MULÏER - CIA.MADUIXA from Maduixa Teatre on Vimeo.

No día de onte celebrábase no CDAN o Día Escolar da Non Violencia e a Paz, recoñecido pola UNESCO en 1993. Nesta data lémbrase a necesidade da educación para a tolerancia, a solidariedade, o respecto aos Dereitos Humanos, a non violencia e a paz. A temática escollida para esta ocasión xiraba arredor do título "Fronteiras: o que nos une e o que nos diferenza". Baixo esta idea realizáronse actividades de Aula, de debate, reflexión e concienciación, ademáis dunha mostra coreografíca e dun mural de debuxos.

Na previa á mostra, da cal participaron grupos dos graos elemental e profesional de ámbalas dúas especialidades, a directora suliñou a necesidade da celebración así como a importancia da "convivencia, para poder ser felices todos sin pisar a felicidade dos demáis".

A presentación correu a conta de dúas alumnas de grao elemental, que introduxeron cada unha das creacións cunha frescura e ilusión propia da súa idade, e na cal non faltaron os sorrisos e a felicidade de poder expresar un desexo tantas veces repetido e que se lles nega a moita xente no resto do mundo; "Vivir en Paz".

 

 

O diario "El Progreso" recollía desta maneira a xornada. (video de Sebas Senande publicado na versión dixital do xornal)

O titular ben podería ser o dun spot publicitario de nadal, mais o que acontence é un feito importante para a colectividade dancística galega e máis no concreto para a comunidade educativa do CDAN.

Raúl Ferreira cursou Grao Elemental e Grao Profesional na especialidade de Danza Clásica no noso centro. Ao igual que o resto de alumnado, esto implica 10 anos dun plan de estudos que ás veces resulta difícil de compatibilizar cos estudos de réxime xeral. Agora atópase en San Petersburgo realizando un curso de excelencia na prestixiosa Academia Vaganova de Ballet. Ferreira, que pisa as táboas que antes pisaron personaxes que marcaron o devir do ballet a nível mundial, está a recibir a máxima formación á cal pode aspirar un bailarín de ballet clásico.

Nunha sociedade como a nosa, onde a arte non só é minoritaria, senón que ademáis está a sofrir os inmerecidos recortes no ámbito educativo e social, o caso de Raúl é a constatación dun feito; o amor pola arte e pola danza -cunha forte carga de traballo, compromiso e constancia-, no que están implicados alumnado, profesorado e familias. É un sopro de ar fresto, unha mostra para sentírmonos orgullosos da labor realizada.

Onte, o centro que lle abríu as portas hai máis de dez anos recibíuno con amor e estima. El correspondeu co agradecemento en forma de clases, consellos e anécdotas do seu periplo vaganoviano. Frente del, o alumnado e profesorado con quen convivíu, aprendeu e compartíu. Atento, orgulloso, agradecido.

Non faltou a empatía, a felicidade e a alegría. Como antes fixeran Iris Pintos e Esther Latorre -bailarinas e coreógrafas contemporáneas recoñeciñas e premiadas polos seus traballos e saídas tamén do CDAN-, Raúl volveu a casa para compartir, para mostrar e para divulgar.

Polos ollos do alumnado que onte participou deste encontro, podemos asegurar que o camiño está sementado e que terá novos froitos. Toca continuar na senda, respectar os ciclos e seguir coa labor. E como no anuncio do turrón, que volvan os froitos a casa. A quen lle amarga un doce?.

Distribuir contido