Guía do Alumnado

    • A publicación contén información relativa ao Centro así como a relacionada cos estudos que nel se imparten
    • Unha ferramenta de información para o alumnado así como para o resto da comunidade educativa

O Conservatorio Profesional de Danza de Lugo, vén de publicar a "Guía do Alumnado" (no adxunto, en pdf). Un documento de interese para toda a comunidade educativa, xa que nel se inclúe, non só os datos do Centro ou os estudos que nel se imparten, senón tamén información de interese como o relativo a becas, promocións, faltas, etc.

Segundo as responsables da publicación, "a guía non é só información, é ademáis consulta. Durante todos estes anos vimos comprobando como hai uns temas de interese sobre os cales pregunta o alumnado e súas familias. Esas consultas están agora accesibles neste documento. Aí é onde as familias poden informarse sobre becas, matriculacións, promocións, etc..."

Servizos que ofrece o centro, como a biblioteca, teñen cabida tamén nesta publicación, onde ademáis o alumnado poderá resolver temas como as promocións, validacións (Ver Adxunto abaixo), así como informarse das faltas de asistencia ou dos dereitos e deberes do alumnado.

Na "guía" inclúese tamén o calendario escolar para o curso 2017-18 e os horarios dos cursos e das titorías.

Esta publicación vén sumarse á información que o Cdan publica asiduamente nas redes sociais e na web, así como a que realiza o equipo docente e non docente do Conservatorio.

Distribuir contido