blogue deadmin

  • Carmen Basadre, María Gil Martínez e Berta Figueras presentaron a programación, que terá lugar do xoves 25 de abril ao 14 de maio
  • Espectáculos no Auditorio Municipal Gustavo Freire e danza na rúa compoñen esta programación, consolidada no calendario cultural de Lugo

Lugo ofrece unha primavera máis unha intensa Semana da DanzaA Concelleira de Cultura, Turismo, Xuventude e Promoción da Lingua, Carmen Basadre, xunto á secretaria do Conservatorio Profesional de Danza de Lugo, María Gil Martínez, e unha representante da Escola de Baile Star Dance, Berta Figueras, presentaron este mércores, na Sala de Usos Múltiples do Edificio de Novas Tecnoloxías, a programación da VIII Semana da Danza; que terá lugar do xoves, 25 de abril ao 14 de maio. Inclúe diferentes e variados espectáculos de danza no Gustavo Freire, e representacións de danza na rúa, ademais dun concurso coreográfico e sesións de distintas escolas.

Na presentación, Carmen Basadre amosouse satisfeita de que a Semana da Danza se consolidara xa, con 7 edicións e esta que se vai celebrar, no calendario cultural primaveral de Lugo. Tamén tivo palabras de agradecemento ao Conservatorio de Danza polo traballo que levan feito para con esta expresión artística importantísima, "non polo que representa en si mesmo, senón polo que significa para o desenvolvemento persoal e como sociedade".

Pola súa banda, Marí Gil e Berta Figueras agradeceron o apoio do Concello con esta iniciativa cultural, á que convidaron á cidadanía a asistir e participar.

A programación, toda no Auditorio Municipal Gustavo Freire, é a seguinte:

Xoves, 25 de abril

  • Ás 12:00 horas, representación didáctica para institutos de Pink Unicorns, con La Macana.
  • Ás 18:00 horas, obradoiro para nais, pais e adolescentes con La Macana. Trátase dunha actividade de inmersión artística para familias, aberta a nais, pais, rapaces e rapazas de entre 12 e 18 anos. Precísase convite para particpar, que se repartirán na conserxería do conservatorio de danza a partir do vindeiro martes, 23 de abril.
  • Ás 20:30 horas, Pink Unicorns, de La Macana. Nesta creación sóbense a escena un pai e o seu fillo adolescente, O primeiro, un galego de orixe cubano cunha ampla traxectoria como bailarín e, por outro lado, un rapaz de 14 anos, cheo de gañas de confrontar a súa perspectiva millenial coa do seu querido pai.

Venres, 26 de abril

  • Ás 12:30 horas, Olladas no tempo, representación didáctica para institutos. O alumnado de danza contemporánea do conservatorio de danza un grupo de percusión e clarinete do conservatorio de música Xoán Montes presentan un espectáculo de danza con músiva en vivo.
  • 20h.- Olladas no tempo + Mostra de repertorio– Auditorio Municipal Gustavo
    Freire
    A primeira parte do espectáculo consistirá en un espectáculo de danza contemporánea
    con música en vivo e a segunda nunha selección de variacións de repertorio da danza
    clásica. Os intérpretes son alumnos do Cdan de Lugo e do Cmus Xoán Montes.

Sábado, 27 de abril

  • 11,30-13h.- A contemporaneidade no baile tradicional – Obradoiro con Fran
    Sieira – Aula 6 do Cdan Lugo.
    Actividade de balde, aberta ao alumnado de grao profesional. Inscricións na conserxería
    ata o 23 de abril.
  • Ás 20:00 horas, espectáculo de baile e música tradicional galega, Entre soños, de Fran Sieira Compañía, cun elenco artístico de 3 bailadores: Fran Sieira, Aida Tarrío e Xisco Feijóo, ao son da música do compositor e músico multidisciplinar Anxo Pintos.

Luns, 29 de abril

  • Ás 20:30 horas, Fusión en Danza, coa Escola Tradi Oxeito, Victorial Gil Danza&Escena, Escola de Baile Mercedes Castro, Escola de Danza Teresa Neri e Escola de Danza Star Dance.

Martes, 30 de abril

  • Ás 20:00 horas, Encontro de centros de Danza. Trátase dun acto colectivo de conmemoración do Día Internacional da Danza coa participación de divesos centros de ensinanza de danza clásica e contemporánea de Galicia.

Martes, 14 de maio

  • Ás 19:30 horas, presentación dos traballos coreográficos sobre Anne Teresa De Keersmaeker, crados polo alumnado do Conservatorio de Danza de Lugo.

As entradas son de balde ata completar a cabida, agás as sesións de tarde Pink Unicorns e Entre Soños.

Danza na rúa

Como vén sendo habitual, esta programación tamén inclúe espectáculos na rúa, do 23 ao 27 de abril. Participarán a Escola Palimoco Teatro Danza, Star Dance, Tradi Oxeito, Victoria Gil Danza & Escena, Mercedes Castro, e Gravitty, que amosarán á veciñanza esta arte na Praza de Santa María, en diversos puntos da Praza Maior e no Paseo Vila de Foz, no parque Rosalía de Castro. Máis información en www.lugo.gal

(Nota de prensa de Lugo.gal)

A curtametraxe realizada polo Profesorado e alumnado do CDAN, baixo a organización do Equipo de dinamización da lingua galega e coa colaboración do IES San Xillao está xa na rede a través da canle VIMEO.

MIRarte conta a historia de Lois, que é un adolescente que compaxina o último curso do bacharelato cos esixentes estudos de danza no conservatorio da súa cidade. Ao remate do curso deberá decidirse por continuar o grao superior nas artes escénicas como lle pide seu corazón, ou pola mediciña como lle aconsella parte da familia e do entorno académico. Dualidade entre razón e corazón, nunha fase vital do seu desarrollo persoal nunha sociedade onde o recoñecemento profesional escríbese nun papel a final de mes.

As localizacións da curta tiveron lugar en varios emplazamentos da cidade de Lugo; Conservatorio de Mùsica, IES San Xillao, Cafetería Minuetto e nos exteriores Facultade de Humanidades, río Rato, etc...

No traballo participou o alumnado de elemental e profesional do CDAN, así como alumnado de 1º de Bacharelato do San Xillao e profesorado de ámbolos dous centros.

 

O alumnado do CDAN colabora un ano máis no VII Ciclo de Música Contemporánea de Lugo.

“O obxectivo dos músicos da Xeración do 27 foi, partindoda tradición musical española, incluír a nosa música nasprincipais correntes vangardistas que se desenvolvían poraquela época en Europa. A pesar de todos os atrancos quedeberon superar e do traumático parón tras a guerra civilespañola, que condenou á maioría dos músicos da xeraciónao exilio, as bases creadas por este grupo terán continuidadena coñecida como Xeración do 51”. J.I. González Mozos.

No limiar do s. XX, a creación musical en España estabadominada pola corrente posromántica e nacionalista quelideraban Manuel de Falla, Enrique Granados, Isaac Albéniz eJoaquín Turina. Tras eles, unha nova xeración de composito-res abriuse paso transitando un camiño que os levou cara aospostulados estéticos neoclásicos e modernistas imperantesna Europa de entreguerras. Neste grupo sobresairán nomescoma os de Ernesto e Rodolfo Halffter, Federico Mompou,Roberto Gerhard ou o lucense Jesús Bal y Gay, sendo á vezpredecesores da xeración do 51 dos Cristóbal Halffter, Luis dePablo ou Carmelo Bernaola, creadores vinculados ás vangar-das creativas da segunda metade do s.XX. Paralelamente aisto, tiña lugar en Portugal un proceso similar con composito-res coma Luís de Freitas Branco ou José Viana da Mottapasándolle o testemuño a unha nova xeración con nomescoma Emmanuel Nunes, Luís Tinoco, João Pedro Oliveira,Jorge Peixinho ou Miguel Azguime.

“Quen se aferra a un sistema, faise epígono de quen oinventou. Crear é, ó meu modo de ver, transformar o sistema,como fixo Mozart no seu tempo” Enrique X. Macías.

Foi en Portugal onde o vigués Enrique X. Macías, posible-mente o compositor galego máis importante do último terzodo s. XX, encontrou máis sinerxías e apoios para desenvolvero seu labor creativo. Estas e outras circunstancias da súa vidaserán abordadas na conferencia-concerto “Enrique X.Macías: material – rizoma” a cargo de Paco Yáñez e VertixeSonora Ensemble.Ademais desta actividade, o VII Ciclo de Música Contem-poránea de Lugo “MIHLSons-XXI” contará cunha programa-ción de tres concertos, unha clase maxistral de percusión e oespectáculo de música e danza contemporánea “Olladas noTempo”.

Diego Ventoso Fernández. Dirección artística e coordinación do Ciclo.

(Ver programa no adxunto)

 

Hoxe luns ás 20,30h, teremos un faladoiro sobre os estudos superiores que se imparten no Institut del Teatre de Barcelona. As poñentes da actividade serán Cristina Facco, profesora de danza clásica nese centro e María Pichín, ex-alumna do Cdan de Lugo que na actualidade está a rematar os seus estudos de danza no Institut. 
 
A actividade terá lugar no salón de actos da EOI e está aberta a todo o alumnado a partir de 3ºGP, así como tamén ás súas familias.
 
Ás 18,30h Cristina Facco impartirá unha clase de danza clásica na aula 6 do noso centro para o alumnado de 3º a 6º da especialidade de danza clásica.
 
Festexamos o día da muller con esta fermosa peza de #videodanza realizada por Fernando de Valenzuela Estudio, con coreografía de Alba Felpete, sobre o poema "Compañeras" de MARWAN.
 
#8m #lugo #cultura #videodanza #danza #vellocarcere Cultura e Turismo de Lugo #muller

Compañeras - CDAN Lugo from Cdan Lugo on Vimeo.

Distribuir contido