Prazos de Matrícula e Probas de Acceso

O pasado xoves fíxose público o fallo do xurado do Concurso de Relatos 2016, organizado polo Equipo de Dinamización da Lingua Galega e a Coordinación da Biblioteca.

Neste apartado iremos publicando todos os traballos premiados, comezando polo gañadora da 1ª Categoría.

  • Gañadora da Primeira Categoría do Concurso de Relatos 2016

Título: A HISTORIA DE NOEL

Autora: ESTEFANÍA LÓPEZ VALLADARES

A HISTORIA DE NOEL

Había unha vez un bailarín moi famoso chamado Noel. Gustáballe bailar desde moi pequeno e cando se foi facendo maior viaxou por todo o mundo para bailar.

As súas actuacións sempre estaban cheas de nenos e nenas.

Cando deixou de bailar non dubidou en dar clases no conservatorio de danza do Polo Norte. Aos alumnos que se portaban ben dáballes agasallos ou lambetadas.

Os nenos empezaron a chamarlle Papá Noel.

Cando se xubilou fíxose moi gordo e mudouse a unha casiña do bosque. Nos arredores había seis renos e decidiu domesticalos. Pero faltáballe un reno guía para repartir os regalos pola noite. Despois duns días encontrou outro reno co nariz vermello que pola noite desprendía luz.

O reno contoulle a súa historia: chamábase Rudolf Nureyev e era un bailarín moi famoso, pero un día unha meiga convertiuno en reno e decidiu ir ao bosque para buscar unha fada bailarina. Cando a atopou explicoulle todo e foron ao palacio, alí atoparon á fada bailarina sabia.

Rudolf preguntoulle:

- ¿Podes anularme o conxuro?

A fada respondeulle:

- Non, pero podo facerte algo especial, tes que bailar a danza das fadas con elas.

Así o fixo e de súpeto o seu nariz volveuse vermello e brillante e tamén podía voar.

Papá Noel púxose a bailar da felicidade porque xa tiña o seu exército para repartir os agasallos aos nenos e nenas que se portan ben.

Distribuir contido