Moi boas,

Comezan a chegar cousiñas do noso novo proxecto e queremos compartilas para ver se vos animan e vos dan ideas... vamos chicos, xa queda un día menos!!!!!

Paula 5º

Antía 5º

Carla 5º

Xián 6º optou por facer unha masa de pan doce, de seguro que desfrutou moito comendo as xoias máis ricas!

 SANTI 5º

IZAN 5º

CARLOS 5º

DANIELA 5º

 Nacho 6º

Seguide así!

Aquí vos deixo máis mensaxes de ánimo para todos!!!

Unha aperta enooooooorme para todos!

Xa con moitas gañas de vervos...

Seguide mandando máis... necesitamos estas mensaxes máis que nunca!!!!!!!

O pasado 9 de marzo,  no CEP Carlos Casares gozamos duns obradoiros sobre grandes científicas pioneiras da man de Ciencia en movemento.

Así, tivemos a oportunidade de descubrir como o labor de moitas científicas se veu ensombrecido, e en moitos casos arrebatado polos seus compañeiros, cando ser home era un mérito dentro do curriculo vitae.

Así, xunto con  Ana e Suso viaxamos ao longo do tempo e do espazo coñecendo a  numerosas mulleres pioneiras, algunhas sobre as cales nos gustaría deixarvos por aquí algunhas curiosidades. 

Comezamos este traxecto moi lonxe de aquí, chegando ata o século IV, e coñecendo a Hipatia de Alexandría, reputada científica, filósofa e mestra; que entre moitísimas outras descubertas, inventou un hidrómetro para medir a densidade dos líquidos, e co que puidemos experimentar en diferentes fluídos.

E volvendo á idade contemporánea , descubrimos a Rosalind Franklin, a muller que obtivo as primeiras imaxes do ADN desvelando a  súa estrutura da dobre hélice, traballo que aproveitaron os seus compañeiros (Watson, Crick e Wilkinds) e que lles valeu un premio Nobel. 

Non moi lonxe de Rosalind Franklin, atopábase Hedy Lamarr quen decidiu dar un salto a América, converténdose nunha estrella de Holliwood cunha vida digna de película. Franklin actuou en numerosísimas películas e combinou a súa faceta artística coa científica, sendo a descubridora da primeira versión do que hoxe en día coñecemos como WIFI.

Paralelamente, na outra punta da costa estadounidense, atopamos ás calculistas traballando na NASA, un grupo de mulleres encargadas de realizar diferentes cálculos matemáticos. Entre estas destaca Katherine Jonnson, responsable de operacións tan importantes como as que permitiron a chegada do Apolo XI á lúa. Existe un filme sobre ela, Figuras ocultas, que recomendamos ver en familia para coñecer a historia destas fantásticas mulleres.

Mención especial revisten as pioneiras galegas, entre as que destaca Ángeles Alvariño, a primeira muller científica cun buque oceanográfico e descubridora de moitísimas especies mariñas; ou Begoña Vila que na actualidade traballa no sensor  Fine Guidance Sensor para o telescopio espacial James Webb, que será o sucesor do Hubble e o Spitzer. 

Alén de achegarnos a estas mulleres e moitas outras pioneiras,  tamén tivemos a oportunidade de experimentar a pequena escala fenómenos como a transmisión das ondas, a distancia entre a Terra e a Sol, o fin do astro solar... así como analizar e reflexionar sobre moitas cuestións que abranguen ao noso planeta e a nós como especie humana. E sobre todo tivemos unha estupenda ocasión para bombardear a preguntas a Ana e Suso, que moi gustosos satisfacían a nosa curiosidade científica. 

Aproveitamos para deixarvos por aquí algúns recursos recomendados por Suso e Ana para achegarnos máis ás pioneiras e á ciencia, e que nos veñen fenomenal estes días para comentar en familia:

-  Un vídeo moi interesante de Javier Santaolalla sobre as singularidades da lúa: https://www.youtube.com/watch?v=vZZSyVyo3dQ

-  Unha banda deseñada elaborada pola Universidade de Sevilla que recolle a vida de cinco investigadoras do pasado e do presente, e que se pode descargar de xeito gratuíto no seguinte enlace: http://institucional.us.es/cientificas/sdm_downloads/comic-resolucion-media/

 Por último, deixamosvos un vídeo resumo e un enlace por se queredes ver as fotos do obradoiro: https://photos.app.goo.gl/1FVTEHMmXRaVEGM5A

POR FIN CHEGOU O GRANDE DÍA!!!!! DESFILAMOS COS NOSOS TRAXES POLAS RÚAS DE SALVATERRA XUNTO CO CRA A LAGOA E O CEIP DE LEIRADO ATA O PARQUE DA CANUDA. 

DEPOIS A ANPA DEUNOS O BOCATA DE NOCILLA QUE ESTABA MOI BO, QUEIMAMOS A MECA QUE ESTE ANO FIXO O NOSO COLE E ACTUAMOS. 

MIRADE QUE GUAPOS ÍAMOS!!!!!!! 

 Durante esta última semana tivemos que alternar disfraces con murais de Rosalía. O día 24 de febreiro é o día de Rosalía  pero... estamos de vacacións de entroido.  A pesar de andar apurados cos disfraces quitamos un pouco de tempo para conmemorar o Día de Rosalía. Traballamos sobre a proposta de Escritores e escritoras en Lingua Galega baixo o lema ERRANTES POLO MUNDO.

Os alumnos/as buscaron debuxos e trouxeron fotos relacionados coas migracións en todos os seus aspectos (a soidade de quen fica, a morriña de quen vai, a dor, o medo, ...) e despois puxeron como pé de foto versos de Rosalía.

MURAL DE 1º E 2º NIVEL

MURAL DE 3º E 4º NIVEL

Encheron o corredor de fotos e escribiron os poemas  na cara de Rosalía.

Situaron fotos de familiares nos lugares onde se atopan e escribiron os poemas de Rosalía nos barcos. 

ç

 MURAL DE 5º E 6º NIVEL

Fixeron unha exposición de moedas, billetes e  postais dos lugares onde se atopan migrados familiares.

 Boas tardes,

Con motivo do entroido, pedimos colaboración ás familias para rematar os disfraces, os cales xa levaron os nenos e nenas hoxe para casa.

Adxuntamos a imaxe como axuda para a súa elaboración. Aconsellamos non empregar silicona quente porque podería estropear o material. O máis práctico sería coselos ou utilizar silicona fría (no caso de tela).

Lembrade soamente coser ou unir os ombreiros e laterais (deixando un oco para os brazos)

Grazas.

Unha das festas más agardadas no noso colexio é o ENTROIDO. Os nosos  disfraces é un segrego que non vos podemos desvelar ata o día do desfile. Agardámosvos o 21 de febreiro polas rúas de Salvaterra. Para ir facendo boca, partillamos con vós os traballos que fixemos  para decorar as nosas corticeiras. Gústanvos?

O pasado 30 de xaneiro celebrouse o "Día escolar da paz e non violencia". Na clase de Relixión estivemos traballando o conto "A POMBA DONA PAZ". Dona paz é unha pombiña que vive a rentes do ceo , nunha casiña ben linda. Cando amañece vai pasear para ver que cousas pasan no mundo, pero o que viu non lle gustou nada. Todo o que viu foron problemas, inxustizas e abusos; viiu xente que non tiña nada e durmía na rúa e outros moi ricos aos que todo lles sobraba;viu os mares cheos de lixo e as fragas queimadas; viu fábricas onde fabricaban armas e a xente que fuxía das guerras, da fame e as miserias, mulleres maltratadas... por iso decidíu falar con todos os nenos e nenas do mundo para que reflexionasen  sobre todo aquilo que non transmite paz e que deben cambiar.  Gustounos moito este conto. Non esquezades pasar pola biblioteca e lelo.

OS nenos/as de primeiro e segundo fixemos a pomba dona Paz. Mirade que chulas nos quedaron.  os nenos/as de sexto fixemos a nosa propia versión do conto.

O alumnado do 3º ciclo fixemos varios obradoiros de cociña. A mestra Luz foi a nosa Chef e nós cociñamos suculentas recitas seguindo as súas sabias recomendacións. Unha das receitas que máis éxito tivo foi a  das filloas.          

QUE SABOROSAS NOS QUEDARON!!!

A continuación tedes un vídeo dese obradoiro. Collede papel e boli e prestade moita atención se queredes aprender a cociñar estas filloas. De seguro que deleitaredes  aos vosos familiares e amigos.