Moi boas a todos,

A próxima semana a adicaremos a cubrir as nosas seccións da revista. Como xa dixemos son varias as seccións a cubrir en 5º, así que algunhas as dividimos en grupos para que non teñades que redactar todos tódalos artigos, parécevos? Estas son as seccións:

1. PATIO INCLUSIVO: ISABEL, JULIA, IZAN, ANTÍA, ADRI FERREIRA

Faremos unha redacción explicando un pouco en que consiste, porque se fixo, descripción de como é, e o podemos rematar cun debuxo e unha opinion persoal 

Cada un que faga a súa redacción e a profe Luz encargarase de xuntar todas ou coller o mellorciño de cada casa para a publicación.

2. AUTORA (CHUS PEREIRO): XIÁN, DANIELA, CARLA, SANTI, AINOA.

Falaremos da vida da autora, e en relación ao libro, resumo e opinión persoal (se nos gustou ou non, que parte foi a mellor, se o recomendaríamos...) e un debuxo ou manudalidade sobre algo do libro ou unha personaxe.

Cada un que complete todas as partes que xa seleccionarei as mellores partes de cada un para a publicación.

3. DÍA DE ROSALÍA: PAULA, ADRI RODRIGUEZ, CARLOS, EMMA E ISABELA

Como xa explicamos este ano adicouse aos errantes na actualidade. Así que, ademais de saber un pouco da vida de Rosalía e porque se lle adica ese día, especificaremos que sabemos dos errantes e faremos unha comparación dos errantes do pasado e da actualidade.  

No caso de Isabela (que non estivo ese día) pode contarnos en primeira persoa como é a súa experiencia en relación á emigración.

4. XUBILACIÓN DE PILAR: TODOS

Neste caso tócanos a todos traballar un pouquiño, e cando digo todos é TODOS, familias incluídas!!!

Seremos periodistas por un día.

Imos entrevistar ás mamás e papás da casa, seguro que moitos foron alumnos de Pilar e poden contar moitas cousas. Este é o momento de preguntar o que sempre quixeches saber... como era mamá ou papá na escola, anécdotas, trastadas (que seguro as hai)

O primeiro que ten que ter moi claro un bo periodista é o cuestionario. Pensade nas preguntas, cantas máis, mellor. Mandádemas a correxir ou preguntádeme se non se vos ocorren...

Cando teñades as preguntas claras e escritas nun folio, procedede a entrevistar ás familias. Se non foron alumnos de Pilar, seguro que poden aportarnos algunha opinión ou palabras de agradecemento.

Se tendes fotos antigas tamén estarían xenial!

Podemos rematar o artigo con frases de agradecemento para ela por parte tamén de vós.

Ánimo

Unha aperta enorme para a minifamilia de 16 e para as súas familias!!!!

Ángela

Ola a tod@s!!! Como estades? Espero que pasarades unha feliz aínda que diferente Semana Santa todos. Aquí vos deixo o libro de Mamasiña, que medo! en formato pdf para que o rematedes de ler, xa que nos quedaramos pola metade antes de este estado de alarma. Os encargados de cubrir a sección da autora, podedes apoiarvos no libro para ilustracións, debuxos...Unha aperta enorme para a miña pequena familia de 16!Ángela

Moi boas chic@s!!! como van eses ánimos?? Ide contanto como o levades, anécdotas que vos pasen estes días, en que pasades as horas para que non vos sexa pesado o encerro... seguro que inventástedes xogos novos en familia!

Que tal vai esa visita virtual ao castro?? Recordade mandar as actividades antes do venres!!! E se tendes dúbidas, preguntade que para eso estamos aquí.

Respeto ao concurso de fotografía... falta xentiña por mandar a foto e a descripción. Para facilitar as correcións, o concurso de fotografía mandádeo a 2.ciclo.carlos.casares@gmail.com , asunto: profe Nerea que é quen está correxindo esa tarefa.

Grazas

Déixovos máis mensaxes de ánimo que siguen chegando

Un saúdo,

Ángela.

BO DÍA A TODAS/AS.

HOXE ENVÍOVOS A PROPOSTA DO ENSAIO VIRTUAL DA OBRA DE TEATRO. SE PREMEDES NA IMAXE TENDES UNHAS PAUTAS PARA TRABALLAR. BO ENSAIO. ESPERO OS VOSOS VÍDEOS!!

Vimos hoxe desde Radio Saltamontes cun programa que emitimos o 13 de febreiro, día mundial da radio.

Este programa foi pilotado polo alumnado de 5º e 6º curso e xirou en torno á diversidade. Que palabra tan bonita e enriquecedora verdade? E resulta que hai tanta diversidade como cousas podemos ver, tocar, sentir… pero no noso programa centrámonos en 3 eidos fundamentais.

En primeiro lugar falamos da diversidade cultural, e máis especificamente da diversidade lingüística. En Galicia isto da diversidade lingüística sóanos un chisquiño, pero ademais este ano grazas ao Proxecto Rush, tivemos a oportunidade de coñecer a riqueza lingüística doutros puntos de Europa. 

En segundo lugar, falamos sobre as familias diversas, porque familias hai moitas, case tantas como casas. No primiero trimestre tivemos a sorte de contar cunha exposición no centro titulada “Familias no hay más que muchas” da que aprendemos un montón sobre outros tipos de familias.Con relación a este tema, aproveitamos para recomendarvos desde aquí o libro “Familiario” de Marian Pérez-Duarte, e que aquelas familias socias da rede de bibliotecas de Galicia, poderedes desfrutar desde a súa app gratuíta eBiblio.

Por último e para rematar o programa, falamos da diversidade sexual, un termo que vén a dicir que existen moitas maneiras de sentirse e de expresarse, e que o máis importante e estar agusto con cada un/ha de nós, e por suposto, respectar sempre as preferencias dos demais.

Esperamos que vos guste moito o programa e que aprendades tanto coma nós aprendemos traballando nel.

BOA ESCOITA!

Moi boas,

Comezan a chegar cousiñas do noso novo proxecto e queremos compartilas para ver se vos animan e vos dan ideas... vamos chicos, xa queda un día menos!!!!!

Paula 5º

Antía 5º

Carla 5º

Xián 6º optou por facer unha masa de pan doce, de seguro que desfrutou moito comendo as xoias máis ricas!

 SANTI 5º

IZAN 5º

CARLOS 5º

DANIELA 5º

 Nacho 6º

Seguide así!

Aquí vos deixo máis mensaxes de ánimo para todos!!!

Unha aperta enooooooorme para todos!

Xa con moitas gañas de vervos...

Seguide mandando máis... necesitamos estas mensaxes máis que nunca!!!!!!!

O pasado 9 de marzo,  no CEP Carlos Casares gozamos duns obradoiros sobre grandes científicas pioneiras da man de Ciencia en movemento.

Así, tivemos a oportunidade de descubrir como o labor de moitas científicas se veu ensombrecido, e en moitos casos arrebatado polos seus compañeiros, cando ser home era un mérito dentro do curriculo vitae.

Así, xunto con  Ana e Suso viaxamos ao longo do tempo e do espazo coñecendo a  numerosas mulleres pioneiras, algunhas sobre as cales nos gustaría deixarvos por aquí algunhas curiosidades. 

Comezamos este traxecto moi lonxe de aquí, chegando ata o século IV, e coñecendo a Hipatia de Alexandría, reputada científica, filósofa e mestra; que entre moitísimas outras descubertas, inventou un hidrómetro para medir a densidade dos líquidos, e co que puidemos experimentar en diferentes fluídos.

E volvendo á idade contemporánea , descubrimos a Rosalind Franklin, a muller que obtivo as primeiras imaxes do ADN desvelando a  súa estrutura da dobre hélice, traballo que aproveitaron os seus compañeiros (Watson, Crick e Wilkinds) e que lles valeu un premio Nobel. 

Non moi lonxe de Rosalind Franklin, atopábase Hedy Lamarr quen decidiu dar un salto a América, converténdose nunha estrella de Holliwood cunha vida digna de película. Franklin actuou en numerosísimas películas e combinou a súa faceta artística coa científica, sendo a descubridora da primeira versión do que hoxe en día coñecemos como WIFI.

Paralelamente, na outra punta da costa estadounidense, atopamos ás calculistas traballando na NASA, un grupo de mulleres encargadas de realizar diferentes cálculos matemáticos. Entre estas destaca Katherine Jonnson, responsable de operacións tan importantes como as que permitiron a chegada do Apolo XI á lúa. Existe un filme sobre ela, Figuras ocultas, que recomendamos ver en familia para coñecer a historia destas fantásticas mulleres.

Mención especial revisten as pioneiras galegas, entre as que destaca Ángeles Alvariño, a primeira muller científica cun buque oceanográfico e descubridora de moitísimas especies mariñas; ou Begoña Vila que na actualidade traballa no sensor  Fine Guidance Sensor para o telescopio espacial James Webb, que será o sucesor do Hubble e o Spitzer. 

Alén de achegarnos a estas mulleres e moitas outras pioneiras,  tamén tivemos a oportunidade de experimentar a pequena escala fenómenos como a transmisión das ondas, a distancia entre a Terra e a Sol, o fin do astro solar... así como analizar e reflexionar sobre moitas cuestións que abranguen ao noso planeta e a nós como especie humana. E sobre todo tivemos unha estupenda ocasión para bombardear a preguntas a Ana e Suso, que moi gustosos satisfacían a nosa curiosidade científica. 

Aproveitamos para deixarvos por aquí algúns recursos recomendados por Suso e Ana para achegarnos máis ás pioneiras e á ciencia, e que nos veñen fenomenal estes días para comentar en familia:

-  Un vídeo moi interesante de Javier Santaolalla sobre as singularidades da lúa: https://www.youtube.com/watch?v=vZZSyVyo3dQ

-  Unha banda deseñada elaborada pola Universidade de Sevilla que recolle a vida de cinco investigadoras do pasado e do presente, e que se pode descargar de xeito gratuíto no seguinte enlace: http://institucional.us.es/cientificas/sdm_downloads/comic-resolucion-media/

 Por último, deixamosvos un vídeo resumo e un enlace por se queredes ver as fotos do obradoiro: https://photos.app.goo.gl/1FVTEHMmXRaVEGM5A

POR FIN CHEGOU O GRANDE DÍA!!!!! DESFILAMOS COS NOSOS TRAXES POLAS RÚAS DE SALVATERRA XUNTO CO CRA A LAGOA E O CEIP DE LEIRADO ATA O PARQUE DA CANUDA. 

DEPOIS A ANPA DEUNOS O BOCATA DE NOCILLA QUE ESTABA MOI BO, QUEIMAMOS A MECA QUE ESTE ANO FIXO O NOSO COLE E ACTUAMOS. 

MIRADE QUE GUAPOS ÍAMOS!!!!!!!