Lenda da pía de San Martiño

Nun lugar do monte do pobo de Porto chamado Prado novo, hai unha pía de pedra na que segundo a lenda, era onde bebía o cabalo do señor San Martiño, e está situada a uns cincuenta metros dunha gran cruz de pedra onde se pensa que en tempos houbo unha capela en honor a San Martiño.

     Na actualidade, na capela de Porto hai un autorrelevo de pedra con un gran valor artístico, coa imaxe do citado santo a cabalo, e que se pensa que  foi traído do monte ó quedarse todo en ruínas.

     Segundo a lenda, transmitida de xeración en xeración, a auga da choiva caída na pía ten propiedades curativas, e moita xente do lugar e dos arredores, van alí cheos de fe a lavarse con esa auga para que lle desaparezan as verrugas, co compromiso de que durante un ano non se volva pasar polo lugar. Se a promesa non se cumpre, non hai curación.