arquivo
Tags: Intercambiamos faladoiros entre "sentinelas" e "veciñas".
Sesión de intercambio de actividades de animación á lectura dos libros "Sentinelas do Silencio e "Unha veciña de película"": carteis e teatro/radio.
Na sesión de Sentinelas destacamos os parágrafos e expresións como "persoas con capacidades diferentes", gustounos como expresión da diversidade humana. Rematamos tamén os carteis para o noso cole. Despedímonos do libro "Sentinelas do silencio" pero todas e todos os membros do Club seguiremos sempre sendo sentinelas do silencio polo noso compromiso coa natureza.
Final do libro...
Na sesión de "Unha veciña de película" falamos de Alice Guy, considerada a primeira directora de cine dunha película de ficción (1873-1968) e na que está inspirada a protagonista do libro, Alice.
Despois, en grupos, escolleron unha escea cinematográfica das que aparecen no libro para facer unha dramatización narrada da mesma. As películas escollidas foron: O pequeno ditador, O cáliz da vida eterna e O mago de Oz. Falamos das personaxes que interveñen nesas esceas e o seu carácter para telo. Heinzel autoritario, a valente AliceJones, a bondade da bruxa boa Alice do Norte, a despistada Elsie Dorothy... Despois dalgún ensaio un grupo gravou a súa dramatización na radio e os outros dous grupos gravárono en vídeo. Cando os teñamos montados xa volos ensinamos! De momento aí van unhas fotos.
Tamén se entregaron os novos libros escollidos coas súas respectivas guías de lectura.
Faladoiro "Irene a porteira" e "A botella de lentellas"
No faladoiro do libro de Leticia Barbadillo "A botella de lentellas" falamos sobre o protagonista e a súa familia, as comidas que nos fan os nosos familiares e que son as mellores, se cociñamos na casa, que historias das orellas nos gustaron máis e ata nos dou tempo para contar as nosas "desfeitas na cociña" coas que botamos unhas gargalladas!
No faladoiro do cómic elixido polas faragullas "Irene a porteira" de Xulia Pisón e Óscar Losada falamos sobre a historia que garda: a curta vida dunha futbolista e ambientado na Coruña nos anos 20. O libro deu tamén para falar diferentes temas como a igualdade, a deportividade, a valentía, as inxusizas, os cambios e progresos históricos... Resultou un faldoiro moi participativo e enriquecedor.
Ademais, vendo o éxito do cómic e que as Bibliotecas Escolares adican este curso escolar a esta temática decidimos seguir coa banda deseñada mercando novos e variados materiais neste formato. Repartímolos entre os membros do Club e na vindeira sesión seguro que nos sorprenden coas súas aportacións... Continuará!
Nova sesión de "Milfollas de papel"
Nesta reunión do club de lectura de adultas "Milfollas de papel", estivemos falando sobre o libro de Priscila Vela "Piezas sueltas". Sairon moitos temas como a infancia, a felicidade, a creatividade, o presente e pasado e Loris Malaguzzi e as escolas Regio Emilia co seu centro de recursos Remida e co seu poema "As cen linguaxes do neno".
Ao final, cada unha ensinou e explicou as pezas soltas que decidiu traer e o porqué da súa escolla. A mesa encheuse de botóns, pedras, cristais pulidos polo mar, rollos de papel, chapas... e outros tesouros que pasarán a formar parte do noso novo espazo de Createca para cobrar unha e mil vidas.
Antes de irnos repartimos os novos libros que imos ler e a súa guía, neste caso tócalle a quenda a "Infancia, cerebro y juego" de María Couso. Grazas de novo ao CRA de Culleredo por prestárnolos!
CLUB DE LECTURA DE PERSOAS ADULTAS CEIPP VICENTE OTERO VALCÁRCEL de Teacher Marta
Obradoiros relacionados con "Irene a porteira" e "A botella de lentellas"
Na sesión do club de lectura deste luns 4 de febreiro, os que limos "A botella de lentellas" de Leticia Barbadillo, fixemos as nosas propias botellas. Estreamos a nova Createca amasando, condimentando, fritindo e como non... comendo! Cada orella, coas súa forma e textura, inspirounos posibles novas historias para poder escoitar. E ti, comiche orellas este Entroido? Que historias escoitaron? A verdade é que pasamos unha tarde ben entretida chea de aventuras, cociña e convivencia. Aquí tedes un vídeo do proceso.
Mentras tanto, na sesión "Historias en cómic" cada participante compartiu a banda deseñada que lles tocara ler. Deron a súa opinión e fixeron reseñas orais. Algúns prepararon ademais un cartel para contalo, outros un xogo de tarxetas, presentacións... Descubrimos así varias das novidades de cómic que temos na nosa biblio das que analizamos as ilustracións, as cores, o estilo...
Obradoiro de radio
O mércores 6 de marzo e o xoves 7 de marzo, as alumnas e os alumnos de 4º de Educación Primaria recibiron unha formación sobre o funcionamento da radio na biblioteca con Luís Losada de Radio Espora.
Aquí podedes ver algunhas imaxes deste obradoiro.
Maletas de lectura para as casas, listas!
Xa temos listas as maletas viaxeiras para familias! Esta é unha iniciativa impulsada pola biblioteca escolar dentro do programa "Lectura e familias" e que pretende fomentar a lectura no fogar tanto con libros pensados para os nenos/as como para os adultos/as. A continuación deixámosvos unha explicación máis pormenorizada da maneira de solicitalas así como os materiais que conteñen.
Programa do 8M de 5ºC
O alumnado de 5ºC de Educación Primaria elaborou un programa de radio sobre a orixe do 8M. Ademais, contaron as historias de varias mulleres que loitaron polos seus dereitos e destacaron en diferentes disciplinas como, por exemplo, a escritura.
Animámosvos a que escoitedes este programa!
O noso xornal "Todos e todas contamos"
Para conmemorar a Semana da Prensa (do 4 ao 8 de marzo) o equipo de Biblioteca e o equipo TIC propuxemos a elaboración dun xornal dixital con diferentes seccións (noticias, axenda cultural, recomendacións lectoras...) relacionado coa temática do noso PDI "Todas e todos temos unha historia que contar".
Animámosvos a que o vexades!!
Día da Narración Oral
O mércores 20 de marzo celebrouse o día da Narración Oral. As nenas e os nenos de Educación Infantil gozaron de contos lareteiros que nos trouxo Marisa Irimia. Historias compartidas grazas ao Concello de Carral.
