Orientación

Comezamos coas charlas para familias deste curso!

A charla deste primeiro trimestre tratará sobre como establecer normas e poñer límites para mellorar as relacións familiares e darlles seguridade e estabilidade aos nosos fillos/as. Silvia Santos, psicologa do concello de Vilanova, será a encargada de facilitarnos estratexias e métodos para conseguilo.- A charla será o martes 21 de novembro ás 19:00 h no centro.

O MEC acaba de publicar a convocatoria das becas para o próximo curso, destinadas ao alumnado con necesidades específicas de apoio educativo.

O prazo para solicitalas comeza o día 8 de maio e remata o 20 de setembro.

Se tedes calquera dúbida, consultade co departamento de orientación do centro.

Dende o centro queremos sumarnos á conmemoración do Día Mundial do Autismo, comprendendo e dando visibilidade ás persoas do espectro autista, promovendo a súa participación  e a igualdade de oportunidades na sociedade.

Esta semana quixemos visibilizar e dar protagonismo ás persoas invidentes e para iso contamos coa visita de Marian, traballadora da ONCE, que explicou aos rapaces e rapazas como é o seu día a día, as dificultades que atopa debidas á perda de visión e coñecer as estratexías e medios que empregan as persoas con esta discapacidade para normalizar as súas vidas. Como dixo Marian "empregamos distintos camiños para chegar á mesma meta".

Tamén realizamos un obradoiro con materias emprestados pola ONCE que permitirón aos nenos e nenas poñerse na pel das persoas cegas, realizar diferentes actividades e xogos sen empregar a visión e coñecer o sistema de escritura en Braille. (Ver fotos)

Inspira STEAM (Science, Technology, Engineering, Arts & Mathematics) é un proxecto da Universidade de Vigo para o fomento da vocación científica-tecnolóxica, especialmente entre as nenas.

Este curso o noso centro participa nesta iniciativa. O venres comezamos a primeira das seis sesións que conforman o proxecto. As nosas mentoras son Silvia e Silvana, as dúas son enxeñeiras, en telecomunicacións e de minas respectivamente. Ao longo das distintas xornadas falarannos do papel que tiveron ata agora as mulleres na ciencia e coñeceremos algunhas das máis destacadas, que a pesar de moitas veces quedar á sombra, tiveron un papel fundamental no desenvolvemento da ciencia e a tecnoloxía. Trátase de crear referentes femininos que inspiren ás nosas nenas nas súas futuras eleccións vocacionais.