Extraescolares

Xa tiñamos ganas de saír todos xuntos e ter unha xornada de convivencia e lecer. O destino elexido foi o Museo Etnográfico Casa de Patrón en Lalín. Trátase dun museo rural que conta con moitas salas de exposición ao longo da aldea. Puidemos observar como era unha escola do seculo pasado, coñecer os hábitos dos nosos devanceiros e oficios esquecidos. Tamén fixemos un pequeno roteiro e visitamos un castro.

Nas fotos podedes ver o ben que o pasamos!!!!!

Álbum: Curso 2022/2023 -> Casa do Patrón

A escritora e actriz Paula Carballeira estivo no noso centro para desenvolver un obradoiro de tradición oral.

Paula é unha gran contadora de historias e disfrutamos moito escoitando os seus contos e "historias familiares".

Ao remate asinou  exemplares dos seus libros entre o noso alumnado.

(Pincha na imaxe para ver máis fotos)

Álbum: Curso 2022/2023 -> Paula Carballeira

A empresa Valoriza, a mancomunidade do Salnés e o concello de Vilanova puxeron en marcha unha campaña de educación e concienciación sobre a importancia da reciclaxe. Hoxe estiveron no noso cole para sensibilizar aos rapaces e rapazas da importancia de intentar reducir  a produción de residuos e no caso de telos, saber reciclalos para darlles unha segunda vida e evitar problemas medioambientais.

A través de actividades lúdicas, contos e resolución de retos aprenderon a reciclar correctamente os residuos nos distintos contedores e servizos existentes no concello.

(pincha na imaxe)

Álbum: Curso 2022/2023 -> "Cada cousa no seu sitio"

Hoxe conmemoramos o Día da Paz facendo entre todo o alumnado o "Conxuro da Paz".

Cada grupo de alumnos/as buscou os ingredentes necesarios para conseguir este ben tan prezado, a paz: empatía, amizade, paciencia ... Todos foron a parar a unha gran pota na que queceron e así conseguimos a fórmula máxica que propicie a paz, o respecto e a convivencia entre todos nós. (pincha na imaxe para ver máis fotos)

Álbum: Curso 2022/2023 -> Día da Paz