Chegaron á biblioteca e xa están expostos no andel de novidades os libros da colección da editorial Combel especialmente dirixida aos primeiros lectores. A vaca, o cabalo, a ovella e outros animais da granxa resultan sempre moi atractivos para os nenos e nenas destas idades. Os libros, de pasta dura, e moi manexables combinan bonitos debuxos con fotografías de cada animal. Ademais, para os nenos con máis interese e curiosidade, inclúen un apartado con información máis detallada de cada un deles. Animádevos a coller emprestado o voso favorito!
