Curso 2021-2022

Atendendo á normativa en materia de avaliación vixente para este curso:
-    ORDE do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en educación infantil, educación primaria, educación secundaria obrigatoria e bacharelato.
-    ORDE do 25 de xaneiro de 2022 pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia.
As familias do alumnado terán dereito a unha avaliación obxectiva, o procedemento para a reclamación está na web do centro, no apartado para as familias, atendendo aos pasos da Orde do 2 de marzo de 2021.
A promoción nos curso de 1º e 3º será automática atendendo á Orde do 25 de xaneiro de 2022. No caso do alumnado de 2º o profesorado titor emitirá un informe sobre o grao de adquisición das competencias de cada alumna ou alumno, indicando, de ser o caso, as medidas de reforzo que se deben prever no ciclo seguinte.
A avaliación será atendendo á Orde do 25 de xaneiro de 2022:
-    A avaliación da aprendizaxe do alumnado levarase a cabo tomando como referentes para a valoración do grao de adquisición das competencias e do logro dos obxectivos da etapa os criterios de avaliación e, de ser o caso, os estándares de aprendizaxe que se recollen no Decreto105/2014, do 4 de setembro, polo que se establece o currículo da educación primaria na Comunidade Autónoma de Galicia. No que xa se basean as programacións elaboradas ao comezo do curso.
-    Será continua e global, e terá en conta o seu progreso no conxunto dos procesos de aprendizaxe. PARA A NOTA FINAL DO CURSO, farase unha media aritmética entre as das tres avaliacións.
-    Valorarase o desenvolvemento das competencias clave atendendo aos estándares de aprendizaxe das diferentes áreas que se relacionan cunha mesma competencia, os cales conforman o perfil desa competencia.
-    Na avaliación atenderase á diversidade, empregando os principios xa incluídos nas programacións que recollen medidas para que o procesos educativo, incluíndo os asociados á avaliación se adapten ás circunstancias do alumnado con necesidade específica de apoio educativo, de acordo coa Orde do 8 de setembro de 2021 pola que se desenvolve o Decreto 229/2011, do 7 de decembro.

As nais, os pais, os/as titores/a legais e os/as acolledores/as do alumnado deste centro de ensino, que desexen, ao longo do curso 2021-2022, colaborar de xeito altruísta nas tarefas de atención e apoio aos escolares usuarios do comedor escolar, poderán apuntarse nas listas de admisión.

O prazo para presentar solicitudes permanecerá inicialmente aberto ata o día 8 de setembro de 2021, podéndose reabrir un novo prazo, de ser o caso, ata o 22 de decembro de 2021.

Durante o curso escolar 2021-2022 só se contará coa colaboración das persoas que figuren anotadas nestas listas.

Nos documentos adxuntos está o anuncio da apertura para presentarse como colaborador/a de comedor escolar e a ficha que haberá que cubrir e entregar no centro.

PRAZO DE PRESENTACIÓNENTACIÓN

• O alumnado de educación infantil e primaria admitido no centro deberá formalizar a matrícula do 28 xuño de  de xuño ata o 9 de xullo ambos incluídos, segundo o previsto no artigo VI da Orde do 12 de marzo de 2013 pola que se regula o procedemento para a admisión do alumnado no segundo ciclo de educación infantil, educación primaria, educación secundaria obrigatoria e bacharelato en centros docentes sostidos con fondos públicos.

• CON CITA PREVIA (988 48 41 46 / 644 82 00 15) Entregarase na secretaría do centro a documentación que a continuación se relaciona.

• Os Impresos pódense descargar, cubrir e imprimir nas ligazóns que, ao efecto aparecen nesta páxina. TAMÉN SE ACEPTAN POR EMAIL.
  

DOCUMENTACIÓN A PRESENTAR

SE XA SE ENTREGARON ALGÚN DOS DOCUMENTOS NA RESERVA DE PRAZA, NON É PRECISO VOLVER TRAELOS:

• Impreso de formalización da matrícula. VER ANEXOS
  

• Fotocopia libro de familia.

• Certificación de empadroamento expedida polo Concello. (Só no caso de non autorizar á Consellería de Cultura, Educación e O.U, para que poida consultar os datos de residencia do solicitante).
  

• Fotocopia da tarxeta de prestación sanitaria.

• Fotocopias dos Documentos Nacionais de Identidade dos pais ou titores legais e do alumno/a en caso de telo.

• No caso de separación ou divorcio, copia da sentenza xudicial e/ou do convenio regulador onde conste a custodia do alumno/a.

• Informe médico no que conste que, desde o punto de vista sanitario, o alumno/a se atopa en condicións de matricularse nun centro ordinario.

• Manifestación expresa do pai/nai ou titor/a legal da vontade de que o alumno/a reciba ou non ensinanzas de relixión. ANEXOS

• Impreso para a informatización de datos persoais, familiares e outros. ANEXOS

• Dúas fotografías do alumno/a tamaño carné.
  

• Cuestionario sobre a lingua materna, para as familias do alumnado que se matricule do 1º ano do 2º ciclo de Educación Infantil. ANEXOS
  

ACCESO AOS DOCUMENTOS PARA CUBRILOS E LOGO IMPRIMILOS

• Formalización da matrícula (en galego, si lo desea en castellano, solicítenlo).
  

• Opción sobre o ensino ou non da Relixión.

• Informatización de datos persoais, familiares e outros.

• Cuestionario sobre a lingua materna para as familias do alumnado de Educación Infantil.