Skip to Content

Curso 2014-2015

Boas Vacacións!!!

15/07/2015
Atlantic/Bermuda

 

 

Rematou o curso!!!

Boas vacacións para tod@s!

E non esquezades voltar o 10 de setembro!

Excursión ao Rexo

15/07/2015
Atlantic/Bermuda

E xa case rematando o curso 2014-2015, os mais pequechos e pequechas do cole vivimos unha xornada inesquecible no ecoespazo "O Rexo" en Allariz.

O coidado e respecto medioambiental foron os fíos condutores da nosa visita.

 

O FESTIVAL

15/07/2015
Atlantic/Bermuda

Con moitas cousas que celebrar, as Letras Galegas 2015, o 40 aniversario do Colexio, a proximidade da fin de curso, preparamos e realizamos o Festival 2015.

Pasámolo moi ben coas cancións, os bailes, o teatro... E rematamos cun xantar de convivencia de toda a comunidade educativa do CEIP "San Marcos" e con xogos deportivos.

          

V Convivencia CCENDL Terra de Celanova - Baixa Limia

13/07/2015
Atlantic/Bermuda

Participamos na V Convivencia da Coordinadora Comarcal de Equipos de Normalización e Dinamización Lingüística Terra de Celanova -Baixa Limia.

Este ano tocou visitar as terras de Padrenda. Fabulosa andaina nun marco natural espectacular. O vindeiro curso mais!

 

Excursión a Mazaricos

13/07/2015
Atlantic/Bermuda

Unha ocasión mais achegámonos ata Mazaricos, na comarca do Xallas, para distrutar das moitas actividades do centro multiaventura Naturmaz.

E de novo, foi todo un éxito! Acabamos de rematar e... xa queremos repetir!!!

 

 

Letras Galegas 2015

07/07/2015 09:55
Atlantic/Bermuda

A Semana de Letras Galegas estivo chea de actividades.

Estivemos presentes nos XX Encontros de Teatro Escolar e Amateur de Bande. Alí presentamos a obra "Os Tres Curmáns".

Realizamos o festival do colexio e recordamos o 40 aniversario do centro. 

Presentamos a revista do centro "Reflexo XIX", e non podía faltar a nosa homaxe ao escritor das Letras 2015, Xosé Fernando Filgueira Valverde. Xa é outro compoñente na nosa galería de ilustres escritores e escritoras.

 

Deporte Escolar II

07/07/2015
Atlantic/Bermuda

Unha nova entrega de competicións deportivas deste curso.

Nesta ocasión, turno para o bádminton.

Estivemos a competir duramente no encontro realizado no CEIP "Rogelio García Yáñez" en Ramirás.

Aquí temos a dúas campionas e un campión!

Presentación Traballos Labores Tradicionais CCENDL Terra de Celanova - Baixa Limia

07/07/2015 09:37
Atlantic/Bermuda

O CEIP "San Marcos" foi o anfitrión para a presentación de traballos realizados durante o segundo trimestre do curso por alumnos e alumnas dos centros con participación activa na Coordinadora Comarcal de Equipos de Normalización e Dinamización Lingüística Terra de Celanova - Baixa Limia.

A mostra, coma en anteriores ocasións, é itinerante e percorrerá tódolos centros participantes.

 

Día da Árbore 2015

06/07/2015
Atlantic/Bermuda

Realizamos unha visita ao Complexo Medioambiental do Alto do Rodicio.

Alí recupérase a fauna salvaxe que sofre algún accidente ou percance.

Despois de recibir a atención veterinaria e coidados, téntase reincorporar de novo á vida salvaxe.

Cegoñas, aguias, bufos, cabalos, raposos... e o espectacular lobo!

 

 

 

 

 

 

 

 

 

XOGOS TRADICIONAIS 2015

06/07/2015 12:37
Atlantic/Bermuda

Nunha nova ocasión recibimos a visita de Lito, quen non pode faltar a súa cita anual co obradoiro de xogos tradicionais que realiza o Centro de Cultura Popular Xoaquin Lourenzo.

Unha vez mais, grazas Lito, e ata o ano!

Xogos de mesa, a ra, a chave... e moitos mais!!!

 

 

Distribuir contido


by Dr. Radut