Skip to Content

Letras Galegas

CONMEMORACIÓN LETRAS GALEGAS

Xov, 19/05/2022 - 15:34 — admin

Ao longo de varios días estívose conmemorando o Día das Letras Galegas con diversas actividades sobre Florencio Manuel Delgado Gurriagán.

  • Genially elaborado polo equipo de DLG. (Enlace ao Recinova nº 52)
  • Unidades didácticas.
  • Retrato de Florencio Delgado en forma de crebacabezas.
  • Exposición do mural das Letras Galegas.

(Premer nas imaxes para velas no seu tamaño orixinal)
  • Exposición no ximnasio de "Galicianas. Mulleres galegas facendo historia". (Ver na galería)
  • Dramatización, tamén no ximnasio, do conto "Corre corre, cabaciña" (Eva Mejuto e Andre Letria) por parte do alumnado de 6º, con acompañamento musical do mestre de Música e coa canción do mesmo conto como remate final.

 

LETRAS GALEGAS 2022

Xov, 12/05/2022 - 11:47 — admin

Bo día!

Dende o Equipo de Dinamización da Lingua Galega, queremos deixarvos esta nova actividade interactiva con biografía, vídeos e xogos relacionados con Florencio Manuel Delgado, o homenaxeado no día das Letras Galegas 2022.

Esperemos que gocedes da actividade.

Un saúdo

 

 

LETRAS GALEGAS 2021

Mér, 12/05/2021 - 18:46 — Anónimo

Bo día!

Dende o equipo de Dinamización da Lingua Galega, en colaboración co equipo de Biblioteca, queremos deixarvos unhas presentacións e xogos relacionados con Xela Arias, a homenaxeada no día das Letras Galegas 2021. O material que está nos enlaces foi realizado por diferentes autores, todos eles compañeiros mestres que coma nós traballan polo fomento do uso do galego.

Queda tamén á vosa disposición a actividade interactiva que deseñamos con toda a nosa ilusión.

 Un saúdo!

P.D.: tamén podedes visitar o Blog da Biblioteca, onde atoparedes poemas recitados por mestres e persoal do noso cole!

 

- Biografía Xela Arias (Primaria)

- Biografía Xela Arias (Infantil)

- Biografía e Xogos Xela Arias

- Xogo Xela Arias (Primaria)

- Xogo Xela Arias (Infantil)

- Fichas Xela Arias

 

 

RECINOVA LETRAS GALEGA 2020: RICARDO CARBALLO CALERO

Dom, 17/05/2020 - 00:22 — Anónimo

LETRAS GALEGAS 2020

Ven, 15/05/2020 - 09:43 — Anónimo

HOMENAXE A RICARDO CARBALLO CALERO

Ricardo Carballo Calero, ou Carvalho Calero, naceu no ano 1910 en Ferrol, e morreu en Santiago de Compostela no 1990. Realizou os seus estudos universitarios en Santiago onde se licenciou en Dereito e en Filosofía e Letras.

Entre outras cousas, ingresou na Real Academia Galega no ano 1958, foi mestre, e profesor na Universidade de Santiago de Compostela converténdose no primeiro catedrático de Lingüística e Literatura Galegas.

Ricardo Carballo Calero foi un notable poeta, dramaturgo, narrador e ensaísta, e publicou unha morea de obras.

 

 

Como veciño de Ferrol, na nosa cidade consérvanse anacos da súa vida, e levan o seu nome rúas e edificios importantes. A súa casa atópase na rúa San Francisco no barrio de Ferrol Vello.


Queredes coñecer máis sobre a súa vida? O equipo de DLG elaborou unha presentación de google na que tamén se inclúen enlaces a videos e actividades interactivas elaboradas noutros centros. Premede na seguinte ligazón:

Unha viaxe pola vida de Ricardo Carballo Calero

(Unha vez aberto o documento premer en "Iniciar Presentación")

Máis recursos na aula virtual.

LETRAS GALEGAS 2019

Xov, 09/05/2019 - 22:14 — admin

No CEIP Recimil xa comezamos coa celebración das Letras Galegas 2019, rendéndolle homenaxe ao escritor Antonio Fraguas Fraguas (Recinova nº 40) e aproveitando a ocasión para que todos os nosos alumnos e alumnas desfruten utilizando a nosa lingua.

Dende o Equipo de Dinamización da Lingua Galega do centro, puxemos en marcha dúas actividades:

- A creación dun mural conmemorativo coa participación de todos os cursos, que traballaron para crear marabillosas poesías sobre diferentes animais da nosa fauna: os arroaces, a píntega, a bubela, a curuxa... converténdose en grandes poetas e poetisas.

- Por outro lado, durante esta semana facemos un concurso de adiviñas que está tendo gran participación por parte dos nenos e nenas. Cada día un novo enigma os espera na entrada. Quen se fará co premio?

Moita sorte a todos, e que viva a nosa lingua.

Fotos na galería, no álbum "Letras Galegas 19".

RECINOVA Nº 40: ANTÓN FRAGUAS

Xov, 09/05/2019 - 22:10 — admin

LETRAS GALEGAS 2016-Manuel María

Sáb, 14/05/2016 - 01:54 — admin

Pulsa aquí para ver la imagen a tamaño completo

O alumnado do C.E.I.P. Recimil fixemos un intercambio de lectura de poesías de Manuel María. As poesías foron: A pita choca, O carro, O caracol, A roda roda, O lobo, O sol, O meu burriño, O muíño, O arco da vella, Poemiña para namorar, O chifre, O lume novo, A lúa, O meu barco, O grilo, O meu año.

Tamén decoramos os debuxos das poesías, as cantamos...

Desfrutamos moito facendo actividades todos xuntos: maiores e pequenos.

Memorias dun neno labrego

Mér, 23/05/2012 - 16:49 — Anónimo

Os días 15 e 16 de maio de 2012 e para conmemorar o día das Letras Galegas, o alumnado de primaria do colexio realizou a lectura do libro de Xosé Neira Vilas, "Memorias dun neno labrego". A lectura tivo lugar na biblioteca para grande satisfacción de Zongalo Quirico.

LETRAS GALEGAS 2011

Mér, 11/05/2011 - 21:31 — admin

 

Os equipos de Actividades Extraescolares, Dinamización da Lingua Galega e Biblioteca preparon as seguintes actividades, coa participación todos os alumnos/as do centro:

 

  • "A ESCOLA: UNHA MIRADA ATRÁS". Unha exposición que, co permiso de Zongalo Quirico, transformou a Biblioteca unha escola das de antes con libros antigos, cadernos de actividades de rapaces e rapazas que hoxe xa son mestres/as, pais ou avós, instrumentos musicais, obxectos de laboratorio, fotografías, xogos doutra época (mesmo algunhas pezas do museo do xogo popular que tan amablemente nos cedeu para a ocasión o CEIP de Esteiro).  Pódese ir desde aquí á noticia publicada na prensa sobre esta exposición.

  • EXPOSICIÓN DE CARTEIS SOBRE LOIS PEREIRO

    , autor ao que está adicado o día das Letras Galegas deste ano.
  • CICLO DE CURTAMETRAXES EN GALEGO.
  • XOGOS POPULARES. Levaranse a cabo no patio do colexio. Birlos, carreiras de sacos e xogos con paracaídas para todos. Ademais para o alumnado de Educación Infantil: saltar á comba e para o de Educación Primaria: camiñar en zancos, petanca e tiro da corda.

Distribuir contido


by Dr. Radut