Skip to Content

Actualidade

GALEG@ DO MES DE ABRIL

Ola familias,

dende o Equipo de Dinamización da lingua galega traemos unha nova proposta para o mes de abril. Imos traballar OS BECHOS!

E para iso traémosvos un xogo no que debedes atopar diferentes bechos agochados nas imaxes, mais antes debedes de dicir o seu nome en galego. Seredes quen de identificalos?

 

https://view.genial.ly/65fc1b84342e7400142d84bf/interactive-content-os-bechos
 
 
 
 

ADMISIÓN ALUMNADO

Todo o alumnado que presentou solicitude de admisión, en prazo,para o vindeiro curso 24-25 foi admitido.

Poden consultar as listas na secretaría do centro en horario habitual.

 

                                                                                      A dirección

FESTIVO LOCAL

Lembrámosvos que mañá, día 19 de marzo, é festivo local e polo tanto o noso centro permanecerá pechado.

Un saúdo.

ENQUISA PARA AS FAMILIAS

En liña co programa PROA+, o noso centro está a elaborar un Plan estratéxico de mellora. Polo tanto, faise necesario a recollida de información por parte de todos os membros da comunidade educativa.

Pedimos a colaboración das nosas familias para cubrir unha pequena enquisa dirixida a elas. O prazo para isto será desde o 15 de marzo ata o 2 de abril. Poden acceder á mesma a traves da seguinte ligazón:

 

ENQUISA FAMILIAS

 

Moitas grazas pola vosa colaboración.

 

A dirección.

ADMISIÓN ALUMNADO CURSO 2024-2025

As familias interesadas en escolarizar aos seus fillos e fillas no noso centro, poden presentar a súa solicitude de admisión dende o 1 de marzo de 2024 ata o 20 de marzo de 2024.

Documentos a presentar:

  • Solicitude de admisión: anexo II cuberto.

              SOLICITUDE DE ADMISIÓN CASTELÁN

              SOLICITUDE DE ADMISIÓN GALEGO

  • Orixinal e copia do libro de familia ou DNI do alumno/-a, ou sentenza de separación no seu caso.
  • Se xa estivo escolarizado: certificado de matrícula.

 

 

Poden presentar a documentación na secretaría do centro en horario de 9:05 a 11:00 e de 12:00 a 13:00 horas de luns a venres.

 

Se as familias dispoñen de Chave 365 ou Certificado Electrónica, e así o consideran, esta solicitude poder ser presentada por sede electrónica na aplicación admisión alumnado a través da seguinte ligazón:

ADMISIÓNALUMNADO

 

Para máis información poden consultar nas seguintes ligazóns web:

Decreto de admisión

Orden de admisión

ADMISIÓN ALUMNADO DE 6º NOS IES

TODO o alumnado de 6º que solicitou praza nos centros IES Sofía Casanova e IES Concepción Arenal está ADMITIDO.

O seguinte paso será formalizar a matrícula no instituto correspondente no mes de xuño en prazo.

 

A dirección.

XORNADAS DE PORTAS ABERTAS

Jornada puertas abiertas de Fani Montero

GALEG@ DO MES DE FEBREIRO

Ola familias!

Como xa puidestes ver comeza o mes máis divertido! O mes do Entroido!. Nesta ocasión, os nosos nenos e nenas están traballando vocabulario sobre os doces típicos galegos. Polo que aquí vos deixamos un xogo de memoria para que non os esquezades!

 

Queremos aproveitar ademais para dar a noraboa aos/ás Galeg@s do mes de xaneiro: Adonay, Romeisa, Islam, Iyad, Hanae, Douea, Avril e Adam! Tamén á nosa profe Marta, que foi a Galemestra do mes

 

CHEGOU O ENTROIDO!

Saúdos familias. 

O Meco chegou ao Ángela Ruíz con moitas ganas de pasalo ben. Deixounos os seus mandatos para que a vindeira semana sexa moi divertida para todos e todas.

Atendede ben:

LUNS: o luns colle unha prenda e dálle a volta, vai vestido así como se non te deras conta.

MARTES: o martes vai molar un montón, trae calcetíns diferentes enriba do pantalón.

MÉRCORES: se o mércores no cole queres entrar, algo pintado na cara debes levar.

XOVES: e xa para rematar esta semana singular, un pixama bonitiño terás que levar.

 

Ide preparando todo, non vaia ser que se enoxe!

 

IMPORTANTE: RESERVA DE PRAZA PARA O INSTITUTO

Abriuse o prazo para a reserva de praza nos centros de educación secundaria.

O alumnado de 6º curso de Educación Primaria que desexe reservar praza nalgún dos dous institutos aos que estamos adscritos (IES Concepción Arenal e IES Sofía Casanova), terán que presentar a solicitude de reserva no noso centro entre os días 15 de xaneiro e 5 de febreiro (ambos incluídos).

Tamén poderán facer a reserva de xeito telemático premendo no seguinte enlace.

 

https://www.edu.xunta.gal/admisionalumnado/

 

 

Distribuir contido