Saúdos familias. 

O Meco chegou ao Ángela Ruíz con moitas ganas de pasalo ben. Deixounos os seus mandatos para que a vindeira semana sexa moi divertida para todos e todas.

Atendede ben:

LUNS: o luns colle unha prenda e dálle a volta, vai vestido así como se non te deras conta.

MARTES: o martes vai molar un montón, trae calcetíns diferentes enriba do pantalón.

MÉRCORES: se o mércores no cole queres entrar, algo pintado na cara debes levar.

XOVES: e xa para rematar esta semana singular, un pixama bonitiño terás que levar.

Ide preparando todo, non vaia ser que se enoxe!

Estimadas familias, o vindeiro xoves, aproveitando o festival, despedimos o trimestre. A xornada lectiva será de 9:00 a 14:00 como é habitual. A partires das 14:00 o centro permanecerá pechado (só aberto o servizo de comedor) e NON haberá actividades extraescolares.

Retomaremos de novo as clases o 8 de xaneiro.

Desexamos que pasedes unha felices festas.

A dirección.

IMPORTANTE. Os días 6, 7 e 8 de decembro, coincidindo coas festividades nacionais, serán considerados NON LECTIVOS, e polo tanto o centro permanecerá pechado, retomando a súa actividade o luns 11 de decembro.

A dirección.

Ola familias!!

Temos noticias de Zóngalo Quirico. Escribiunos unha carta de despedida porque voou lonxe deste cole en busca de novas aventuras. Ao final deste texto atópase unha foto da carta por se a queres ler, pero temos a orixinal na biblioteca do cole, por se che interesa lela en papel. Di que nos botará moito de menos e fainos unha proposta interesante: renovar a mascota da biblio! Quen se atreve a realizar un deseño para ser elixida a nova mascota? Pode ser o que ti queiras: unha persoa, un animal, un obxecto falante, un monstruito, un personaxe totalmente inventado... Imaxinación ao poder! Debuxa nun folio tamaño A4. Entrégao na biblio ou á túa profe cando o teñas listo e entre todos faremos unha votación e sairá elixido o gañador ou a gañadora...

Moita sorte! COMEZAMOS!!!

Biblioteca CEIP Ángela Ruíz Robles

Achégase a noite máis terrorífica do ano...e dende o CEIP Ángela Ruiz Robles xa nos estamos preparando para celabralo por todo o alto. 

Dende o Equipo de Dinamización da Lingua Galega, propoñemos unha nova temática para este mes de novembro, baseada no Samaín. Para ir quentando motores, deixámosvos un vídeo explicativo desta festividade, así como un Scape interactivo. Deberedes estar moi atent@s á información do vídeo para poder resolver os misterios do Scape... Atrevédesvos?