Igualdade

O día 11 de febreiro conmemórase o día Internacional da Muller e da Nena na Ciencia.

Para celebralo, o 10 de febreiro recibimos a visita de Pedro Brandariz para falarnos da figura de Ángela Ruiz Robles, máis coñecida como "Doña Angelita", unha muller precursora no seu tempo e que inventou, entre outras cousas, o libro mecánico, antecesor do libro electrónico.

O 25 de novembro foi o día contra a violencia de xénero porque hai moitas mulleres que sofren maltrato. Todos os cursos quixemos cantar a canción "La puerta violeta", de Rozalén e tamén fixemos un mural moi chulo que nos representa a todos/as e co que queremos expresar o noso rexeitamento á violencia contra as mulleres.

1. O mural. Premer na imaxe para ver as fotos na galería.

2. A canción. Lista de reprodución con vídeos nos que o alumnado canta ou interpreta con xestos algúns fragmentos.

J.G.R., 6ºB

O 25 de novembro, no CEIP Recimil plantamos pensamentos: literal e figuradamente.

Plantamos pensamentos e tamén compartimos os nosos.

Falamos dos nosos pareceres, dalgunhas vivencias, de como nos gustaría que fosen as cousas, etc, e decidimos que para loitar contra a violencia, as inxustizas, a dor, ... debiamos plantar sementes de amor, sementes de paz, de comprensión, de tolerancia, agarimo, respecto...

Este días botamos unha chea de sementes bonitas porque isto é cousa de todos e todas.

Plantamos valores e sentires que imos coidar.

Porque todo o que se coida, medra.

Di NON á violencia de xénero.

Premer na imaxe para acceder ao álbum da galería.

O luns, 25 de novembro, celebrouse o Día contra a Violencia de Xénero. No Recimil pegamos unhas follas cunha mensaxe nunha árbore moi fermosa.

Algunhas das frases son:

• Non é non.
• Non ao maltrato ás mulleres.
• A miña vida ten valor, o meu corpo non ten prezo.
• Se doe, non é amor.
• No amor non todo vale.
• Non lle digas que a queres e despois a maltrates.
• Trátaa ben como che gusta que te traten a ti.

Valeu a pena. Aprendemos a non usar a violencia.

E lembrade: sempre hai que respectar aos demais. Seyni, Antón e Héctor (5°A)