Hoxe como broche final despois de traballar durante todo o curso dentro do proxecto NamorARTE, tivemos unha charla por videoconferencia coa pintora Marta Cabaleiro. Os nen@s de terceiro charlamos con ela sobre o traballo e as súas obras. foi moi interesante e motivador e, dende o Centro, queremos agradecerlle a súa implicación co alumnado.
Alumnos e alumnas de 2º, 5º e 6º de EP participaron no concurso organizado pola ANPA para promover o respecto e a convivencia. Neste vídeo podedes ver unha mostra das "Frases pola convivencia" realizadas.
O Boletín Oficial da Provincia (BOP) publica o 8/06/2021 a convocatoria de becas de comedor, adquisición de material escolar e actividades extraescolares para o alumnado dos centros docentes públicos e concertados sostidos con fondos públicos de educación infantil (2º ciclo) e de educación primaria obrigatoria para o curso 2021/2022. Polo tanto, a partir do 9 de xuño, ábrese un prazo de 10 días hábiles para presentar as solicitudes.
No 2º ciclo de educación infantil, na educación primaria e na educación especial, a impartición efectiva de clases realízase do día 9 de setembro de 2021 ao 22 de xuño de 2022, ambos inclusive.
Días non lectivos:
- 11 (ensino) e 12 de outubro (Pilar).
- 1 de novembro (Santos).
- 6 (Constitución) e 8 de decembro (Inmaculada).
- Do 22 de decembro de 2021 ao 9 de xaneiro incluído (Nadal).
- Do 28 de febreiro ao 2 de marzo incluído (Entroido).
Orde do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2021/22. O prazo remata o 22 de xuño (incluído)
Nota informativa: O Centro participará no proxecto de educación dixital (E-Dixgal) para 5º e 6º no curso 2021/22. O alumnado matriculado neses cursos está excluido da participación no fondo solidario de libros de texto e poderá solicitar a axuda para adquirir material escolar cando reúna os requisitos establecidos na orde.
As nenas e nenos de 5ºA estudan o relevo de Galiza a través dunha canción. Cada quen escolle o ritmo ou música de fondo para cantala, aquí tedes un exemplo:
E aquí podedes escoitar unha recopilación das distintas cancións:
O alumnado do CEIP Ramón Cabanillas traballa a arte galega a través do Proxecto de Centro "NamorARTE en galego". Neste espazo atoparedes as obras de arte que os pequenos e pequenas artistas foron facendo ao longo do curso.
Hoxe, 18 de xuño, realizouse a entrega de premios aos gañadores/as do concurso organizado pola ANPA. Aquí tedes a galería de fotos. 
As nenas e nenos de 5ºA estudan o relevo de Galiza a través dunha canción. Cada quen escolle o ritmo ou música de fondo para cantala, aquí tedes un exemplo:
