Aínda que o día amanece nubrado, a choiva parece ser que nos deixou. Hoxe o día promete. Ás 9:30 partimos cara os Picos de Europa e logo pola tarde, visita a San Vicente de la Barquera. Diario dos/as alumnos/as de 6º A chegada aos Picos de Europa foi moi emocionante, xa que atopamos neve nestes meses de primavera. Para comezar a visita subimos no teleférico de Fuente Dé, a vista era moito mais bonita que dende abaixo.
Ao chegar ao cumio optamos por facer unha guerra de bolas de NEVE.
Fixemos un xogo para escoitar o son da natureza contando minutos mentalmente. Á baixada decidimos comer alí, xa que logo visitariamos Potes. Fixemos unha paradada no Monasterio de Santo Toribio de Liébana, famoso por ter a relíquia dun anaco de madeiro da cruz de Cristo.
Entramos no clausto do mosteiro, no cal se atopaba a fonte dos desexos. Algúns botamos moedas na fonte. No pobo de Potes aproveitamos para mercar algúns "souvenires".Tamen vimos ríos coas súas pontes, explicáronnos que as pontes eran a razón do seu nome. Baixando de Potes, atravesamos polo desfiladeiro da Hermida por donde parecía que as enormes paredes naturais de pedra ían caer sobre nós.
Logo visitamos o pobo natal do famoso cantante David Bustamante, chamado San Vicente de la Barquera, alí vimos un castelo e unha igrexa bastante antigas e fermosas, ainda que tivemos que subir bastante, pero mereceu a pena.
Cando chegamos ao albergue había tres grupos máis, un de Madrid, outro de Zaragoza e outro máis de Galicia. Os nenos procedentes de Zaragoza son discapacitados (Síndrome de Down). Unha vez nas habitacións, aseámonos como todos os días, baixamos ao comedor para cear, e os profesores felicitáronnos polo noso bo comportamento. Na velada de hoxe disfrutamos todos xuntos entre risas e xogos. Como de costume ao rematar subimos ás habitacións, xa que mañá nos espera un longo día. Texto escrito por María Jacobs, Catarina da Silva (alumnas de 6ºA) e Sara Romero (alumna de 6ºB)
|
|||