LIBROS DE TEXTO 2021/2022
Enviado por delfin o Lun, 14/06/2021 - 10:12Achégase a lista de LIBROS DE TEXTO para o curso 2021/2022.
FELICES FESTAS E FELIZ 2021!!
Enviado por delfin o Mar, 22/12/2020 - 12:13
Desde o CEIP Praia de Quenxe queremos desexarvos un Feliz Nadal.
Adxuntamos AQUÍ un vídeo cos mellores desexos do noso alumnado.
Feliz 2021!
PROCEDEMENTO DE ADMISIÓN
Enviado por delfin o Xov, 07/05/2020 - 13:32Publicado no DOG o acordo sobre o restablecemento do procedemento de admisión de alumnado do 2º ciclo de educación infantil, educación primaria, educación secundaria obrigatoria e bacharelato en centros docentes sostidos con fondos públicos para o curso académico 2020/21
- Restablécese o prazo para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 do mesmo mes.
- Unha vez publicadas as listaxes provisionais do alumnado admitido e non admitido poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.
- Prazo de fomalización da matrícula en Infantil el Primaria: do 1 ao 10 de Xullo
- Os documentos de solicitude pódense descargar máis abaixo, en ADXUNTOS, ou recoller no propio centro.
NOTA: A partir do 11 de maio haberá un membro do equipo directivo no centro en horario de mañá. O horario para a atención ao público será de 10:30 h a 13:30 h de luns a venres. Aconséllase pedir cita por teléfono (881880532)
TRÍPTICO INFORMATIVO CEIP PRAIA DE QUENXE
ENTROIDO: ORDEN DE ACTIVIDADES.
Enviado por Anónimo o Mar, 18/02/2020 - 13:29O venres 21, a organización será a seguinte:
SE CHOVE
10:00 Recibimento na casa da cultura.
10:00 a 10:40 Vestimenta por parte do alumnado de primaria, que infantil xa ven preparado da casa.
10:40 Apertura de portas ás familias, que pasarán ao salón de actos.
11:00 Desfile e actuacións de cada grupo. Levarase a cabo da seguinte forma:
- EScola Infantil municipal.
- Ciclo de Ed. Infantil. Copla "Os pastores de Quenxe".
- 1º e 2º de Ed. Primaria. "Músicos de Corcubión" (Base musical: Xota delira de Xabier Díaz)
- 3º de Ed. Primaria. " O señor da serra".
- 4º e 5º de Ed. Primaria. "Apicultores de Quenxe" (Base musical: Xota de Vilar")
- 6º de Ed. Primaria. "Palillei".
12:00 - 12:10 SORTEO DUNHA BICICLETA a cargo da ANPA Alén
12:10 - 12:45 MERENDA coa colaboración da ANPA Alén. Recordamos que queda totalmente prohibido entrar con comida e bebida nos salón de actos.
12:45 - 13:30 XOGO, TERTULIA E GUATEQUE.
SE NON CHOVE
10:00 Recibimento na casa da cultura.
10:00 a 10:40 Vestimenta por parte do alumnado de primaria, xa que infantil xa ven preparado da casa.
10:40 Desfile polas rúas de Corcubión ata voltar á casa da cultura para facer as actuacións, na mesma orde que a indicada arriba.
Unha vez finalizadas, toca o sorteo e a ansiada merenda, ata que remate a xornada ás 13:30.
Lembrade:
- En caso de marchar antes de que finalice a xornada, é necesario avisar ás titoras e asinar unha autorización.
- É preciso traer tazas ou vasos reutilizables para poder tomar as bebidas ofrecidas pola ANPA.
Agardamos que desfrutedes moito do festival e pasedes un feliz entroido.
Esta actividade realízase coa colaboración do CONCELLO DE CORCUBIÓN
CELEBRACIÓN DO ENTROIDO.
Enviado por Martina o Xov, 13/02/2020 - 12:30
Estimadas familias:
O vindeiro VENRES 21 DE FEBREIRO, o CEIP Praia de Quenxe, xunto coa Gardería Infantil Municipal de Corcubión, celebraremos o Festival de Entroido na Casa da Cultura do Concello, evento ao que INVITAMOS a toda a comunidade educativa.
Para este día precisamos a aportación das familias, como viñemos facendo os últimos anos. Pedimos que cada neno/a aporte uns pouquiños (2 ou 3 unidades) doces de entroido para ese día (filloas, orellas, rosquillas...). Debedes levalos directamente á casa da cultura pola mañá e a ANPA encargarase de organizalos para que todos/as poidades degustalos o día da celebración. Se fose posible, facédeos chegar en envases de usar e tirar ou poñédelles o nome a tódolos utensilios que enviedes para facilitar a devolución.
Queda totalmente prohibido entrar con comida ou bebida no salón de actos da Casa da Cultura.
Si é posible, habilitarase para a degustación a mesma sala empregada durante o festival de Nadal.
Para levar a cabo este programa cóntase cunha redución de xornada autorizada (10:00-13:30).
Ao remate da xornada (13:30h) o alumnado, segundo corresponda, dirixirase ao autobús en compañía do profesorado para asistir ao comedor ou ben poderán marchar cos seus responsables directamente desde a casa da cultura, sempre avisando aos mestres responsables (titores).
En caso de marchar antes de que finalice toda a xornada, é necesario firmar unha autorización de saída.
O horario de comedor será como de costume. E a continuación, haberá servizo de biblioteca.
Na vindeira semana enviaremos o programa co horario e orde de actuacións.
…………………………
ROGAMOS, que as familias se coloquen da oitava fila para atrás e que non invadan o corredor central para non interferir o normal desenvolvemento da actividade. Grazas.
…………………………
Aproveitamos para desexarlles un feliz entroido.
Equipo de mestres do CEIP Praia de Quenxe.
CONVOCATORIA DA ANPA ALÉN
Enviado por Martina o Xov, 30/01/2020 - 00:14Estimadas Familias:
A anpa ALÉN quere sumarse a unir esforzos para reinvindicar un servizo de pediatría de calidade. Temos que estar todas e todos a unha con esta demanda xusta e necesaria
Que non xoguen coa saúde das nosas fillas e dos nosos fillos.
Participade na concentración convocada para este venres en Fisterra.
VENRES 31 XANEIRO
11:00h
PRAZA DO CONCELLO - FISTERRA
Xúntase, no pdf, o orixinal da convocatoria enviado pola ANPA para a súa difusión.
VISITA DO APALPADOR O VINDEIRO XOVES, 19
Enviado por Martina o Mar, 17/12/2019 - 17:54Grazas á mediación e organización da nosa ANPA Alén, o vindeiro xoves, 19 de decembro, recibiremos, tanto na Escola Infantil Municipal como no CEIP Praia de Quenxe, a visita do Apalpador, que traerá sorpresas para todas e todos e ao que poderemos entregar as cartas coas nosas peticións para este Nadal e o ano que entra.
Pola mañá irá pola Escola Infantil Municipal, arredor das 12:00h., e esperámolo no colexio para as 13:10h. aproximadamente. Tódalas crianzas do colexio o recibirán no ximnasio do colexio e lle darán as cartas coas súas peticións.
Tamén este xoves entregaremos os boletíns trimestrais.
Aproveitamos para lembrar que o venres deberedes traer ao festival as vosas tazas ou vasos reutilizables, para contribuir co propósito de residuo 0 que comezou este curso.
Moitas grazas a todos e todas, e un saúdo.
FESTIVAL DE NADAL
Enviado por Martina o Ven, 13/12/2019 - 16:47Estimadas familias:
O vindeiro venres 20 de decembro, ás 10:00h., estaremos agardándovos na casa da cultura para celebrar o festival de Nadal.
As titoras agardarán, xa alí, polo seu alumnado e dous mestres de garda encargaranse de recoller aos usuarios de autobús na Praza Castelao e conducilos ata a Casa da Cultura.
Se alguén quere levar aos nenos/as antes de que remate o festival (13:15h. aproximadamente), deberá asinar a correspondente autorización e avisar á titora.
A orde das actuacións será a seguinte:
1. Presentación da gala: O alumnado de 6º curso, para presentar a función, prepararon unha obra de teatro coa que nos presentarán as actuacións de todo o alumnado.
2. Escola infantil municipal: "Burrito sabanero"
3. Ciclo de infantil: " "Fálame ben baixo"
4. Actuación musical de 1º, 2º, 3º e 4º: "I wanna wish you a merry christmas".
5. 5º Ed. Primaria: Obra de teatro: "O mellor día de Reis de Ana. "
DESCANSO
6.. 1º, 2º, 3º E 4º: Fragmento do musical "O Rei León"
7. 5º Ed. Primaria: Actuación musical "Happy Christmas".
8. 6º Ed. Primaria: "Blues de Nadal".
9. Sorteo de rifas da ANPA.
10. Todo o colexio: "O meu Nadal perfecto"
Atentamente
O equipo de actividades complementarias e extraescolares.
POSTAIS DE NADAL
Enviado por Martina o Mar, 26/11/2019 - 19:17Dende a biblioteca, propóñennos a nova actividade de Nadal. Pedimos a vosa colaboración para reuperar o tradicional envío de postais de Nadal co noso alumnado. Atopareded as instruccións nos daros adxuntos.
CONVOCATORIA DA ANPA ALÉN
Enviado por Martina o Xov, 07/11/2019 - 18:04ANPA ALÉN
Ceip Praia de Quenxe
Estimados pais e nais:
Coa elección da nova directiva acabamos de iniciar outra etapa na ANPA ALÉN. a nosa intención é abrir un tempo novo no que, coa vosa colaboración, poidamos afrontar retos ilusionantes. Precisamos dunha ANPA forte para acometer melloras no día a día da comunidade escolar. Queremos contar con todos e todas para que xuntos poidamos lograr esos avances que, a bo seguro, redundarán nun beneficio común.
Por iso, convocámosvos a unha xuntanza o VINDEIRO MÉRCORES DÍA 13 para que sexades parte deste proxecto. Queremos coñecer as vosas inquietudes, pero tamén dar a coñecer os beneficios que terá o feito de pertencer á ANPA ALÉN. Sabedores dos problemas que moitos e moitas podedes ter para conciliar esta xuntanza coa vosa vida familiar e laboral, optamos por facer dúas convocatorias para que a maior cantidade posible de pais e nais esteades presentes.
As dúas citas serán:
Pola mañá na BIBLIOTECA DO COLEXIO ÁS 09:15h.
Pola tardiña na CASA DA CULTURA ás 20:15h.
Orde do día:
1. Presentación e aprobación da nova directiva e novos Estatutos.
2. Campaña de captación de novos socios da ANPA. Vantaxes do novo carné.
3. EStado de contas da entidade.
4. Obxectivos a conseguir neste curso escolar.
5. Rogos e preguntas.
Sen máis, recibide unha cordial aperta.
ANPA ALÉN
Corcubión, 8 de novembro de 2019
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »