Pola presente infórmase que acaba de ser publicada a listaxe provisional de alumnado admitido para o curso 2024/2025 no CEIP Praia de Quenxe.

Por protección de datos, esta listaxe só se pode consultar presencialmente no tablón de anuncios do centro (no interior das instalacións do colexio) e tamén a través da aplicación AdmisiónAlumnado, para o que será preciso identificarse coa Chave365 ou con certificado dixital.

En todo caso infórmase que TODO O ALUMNADO QUE PRESENTOU SOLICITUDE FOI ADMITIDO. 

PROCEDEMENTO DE ADMISIÓN DE ALUMNADO 

Presentación de solicitude admisión: Do 1 ao 20 de marzo

DECRETO 13/2022, do 3 de Febreiro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na LOE.

ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

• O número de postos escolares ofertados (vacantes) pódese consultar aquí.

• Cada alumno/a só pode presentar unha única solicitude no centro para o que solicite praza en primeiro lugar. A infracción desta norma poderá determinar a perda dos dereitos de prioridade. A solicitude virá acompañada do Libro de Familia

• O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do 28 de febreiro.

• A solicitude terá que estar asinada polos 2 proxenitores ou representantes legais (un asina a solicitude e outro autoriza a consulta de datos). No caso de separación ou divorcio será necesaria a sinatura de ambas/os proxenitoras/es, agás que a custodia estea atribuída, con carácter exclusivo, a un deles. (achegar documentación xustificativa)

• As solicitudes poderán presentarse de forma presencial centro educativo, ou de forma electrónica a través da aplicación admisión alumnado (https://www.edu.xunta.gal/admisionalumnado).

• O alumnado e as familias poderán consultar o estado de tramitación das súas solicitudes a través da mesma aplicación informática utilizando o código de solicitude e o número de DNI da persoa solicitante.

• A notificación electrónica a través do Sistema de notificación electrónica de Galicia Notific@ (https://notifica.xunta.gal) realizarase con respecto aos trámites e actos propios da competencia das xefaturas territoriais, sempre que a persoa elixira esta modalidade como medio de notificación preferente.

• O CEIP Praia de Quenxe está adscrito ao IES Fernando Blanco.

• Publicación das listaxes provisionais de admitidos e non-admitidos: 25 de Abril. A partir do día en que se publique a listaxe provisional hai un prazo de 5 días hábiles para presentar reclamacións.

• Publicación da listaxe definitiva de admitidos e non admitidos: 15 de maio

• Os prazos para a formalización da matrícula serán os seguintes:

Do 20 ao 30 de xuño para o alumnado de educación infantil e primaria. 

Do 23 de xuño ao 7 de xullo para o alumnado de ed. secundaria e bacharelato

• O CEIP PRAIA DE QUENXE conta con servizo de Comedor de Xestión Indirecta da Consellería de Educación e con servizo de Transporte Escolar (DECRETO 132/2013, do 1 de agosto, polo que se regulan os comedores escolares dos centros docentes públicos non universitarios dependentes da consellería con competencias en materia de educación).

 Por que elixir o CEIP PRAIA DE QUENXE? Máis información AQUÍ

Os impresos pódense descargar aquí debaixo en adxuntos. Tamén estarán a súa disposición na secretaría, dirección e conserxería do centro.

Norma

ORDE do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24 (códigos de procedemento ED330B, ED330G e ED330H).

Destinatarios/as

• Fondo Solidario: alumnado matriculado en 3º, 4º, 5º e 6º de EP e en 1º, 2º, 3º e 4º da ESO.

O alumnado de 5º e 6º de Ed. Primaria do CEIP Praia de Quenxe está incluído no proxecto educación dixital (E-DIXGAL) no curso 2023/2024, polo tanto, este alumnado está excluído da participación no fondo solidario de libros de texto e das axudas para adquirir libros de texto. Non obstante, SI poderán solicitar a axuda para adquirir material escolar cando reúnan os requisitos establecidos nesta orde.

• Axudas para adquirir libros de texto: alumnado matriculado en 1º e 2º de EP, así como as axudas que pode recibir o alumnado incluído na disposición adicional primeira  (discapacidade ≥ 65%) e na disposición adicional segunda  (necesidades específicas de apoio educativo –NEAE-).

• Axudas para adquirir material escolar: Todo o alumnado matriculado en EP, ESO

 Forma de Presentación das Solicitudes

Na convocatoria actual, igual que no curso anterior, os cidadáns poderán realizar a solicitude accedendo a aplicación Fondolibros (https://www.edu.xunta.es/fondolibros), e unha vez que teñan cubertos todos os datos deberan gardala, obtendo así o número de solicitude, e posteriormente poderán optar polas seguintes formas de presentación:

• Presentación no centro no que o alumno/a estea matriculado para o curso 23/24: Neste caso imprimirán a solicitude (Anexos I e II) e presentaranos no centro (debidamente asinados), xunto coa documentación correspondente. 
  
• Presentación en Sede Electrónica. 
  

Importante: Non esquecer que todos os membros da unidade familiar distintos do solicitante teñen que asinar as autorizacións que figuran no anexo II (este anexo aparece na última páxina da solicitude, no caso da presentación presencial, e como un documento anexo no caso de solicitudes presentadas pola Sede Electrónica).

A solicitude será única para todos os fillos que estean admitidos no mesmo centro docente para o curso 2023/24. Se estivesen admitidos en centros docentes distintos, presentarase unha solicitude en cada un dos centros. No caso de que a solicitude se tramite por vía electrónica empregando a aplicación Fondolibros, será necesaria a presentación dunha solicitude por cada alumno/a aínda que estean admitidos no mesmo centro.

Documentación Obrigatoria

• Anexos I  e  II
• Copia do Libro de Familia ou documento equivalente onde figure o alumno e os demais membros computables da unidade familiar
• En caso de separación ou divorcio, deberán achegar ademais a sentenza xudicial e/ou convenio regulador onde conste a atribución da custodia do/da menor.
• Excepcionalmente, poderase acreditar o número de membros computables utilizando algún dos seguintes medios:
• 1º. Certificado ou volante de convivencia.
• 2º. Informe dos servizos sociais ou do órgano equivalente do concello onde resida a familia.
• Certificado do grao de discapacidade do/da alumno/a ou calquera membro da familia cando non fose expedido pola Xunta de Galicia.
• Documentación xustificativa da situación de violencia de xénero no ámbito familiar. 
• Resolución administrativa ou xudicial acreditativa da situación de acollemento ou certificado do centro de menores para o alumnado en situación de tutela ou garda da Xunta de Galicia

A documentación que se xunte coa solicitude poderá presentarse por vía electrónica ou presencialmente no propio centro docente. As persoas interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia presentada. . En todo caso, os documentos deberán ser válidos e eficaces no momento da súa presentación, e reflectir a situación persoal, familiar e económica en 31 de decembro de 2021, agás cando unha sentenza de separación ou divorcio posterior a esa data atribúa a custodia exclusiva a unha das persoas proxenitoras e nos casos de violencia de xénero en que se aplicará o disposto na lexislación específica

 PRAZOS

O prazo para presentar as solicitudes iniciarase o día seguinte ao da publicación desta orde no Diario Oficial de Galiza e rematará o día 21 de xuño de 2023 incluído.Aconséllase presentalas o antes posible.

Obrigas das persoas beneficiarias.

As persoas beneficiarias de libros procedentes do fondo solidario do centro ou de axudas para adquirir libros de texto terán as seguintes obrigas.

• Devolver os libros de texto e o material reutilizable adquirido coas axudas para libros de texto ou recibido do fondo solidario no curso 2022/23. Está excluído desta obriga o alumnado beneficiario de axuda para adquirir libros de texto de 1º e 2º de EP, o alumnado de EE ou cunha discapacidade igual ou superior ao 65 %, sempre que os libros ou o material adquirido non se poidan reutilizar.
• A falta de devolución dos libros de texto será causa de exclusión da participación no fondo solidario e das axudas para adquirir libros de texto e material escolar no curso 2023/24.

• Conservar en bo estado os libros de texto e o material reutilizable recibido do fondo solidario ou adquirido coas axudas para libros de texto no curso escolar 2023/24 e devolvelos ao rematar este no mes de xuño.
• Destinar o importe do vale para libros a adquirir, única e exclusivamente, os libros de texto que indique o centro en que estea matriculado o alumnado.
• Destinar o importe do vale para material, única e exclusivamente, a adquirir o material escolar que necesite.

ANEXOS:

Anexos I e II: Solicitude

CÁLCULO RENDA PER CÁPITA FAMILIAR

ORDE FONDO LIBROS