Entroido 12
 |
O vindeiro 17 de febreiro celebraremos o Entroido no noso centro cun desfile polo interior do recinto ás 11:30 h. Ese día o alumnado virá disfrazado da súa casa. Neste curso, ao estarmos a desenvolver no centro o proxecto de Voz Natura “Árbores por todas partes” queremos facer una proposta para integrar a festa do Entroido no proxecto e tentar de darlle, dese xeito, un enfoque ecolóxico. A proposta para ese día, que ten un carácter totalmente voluntario, sería traer algún disfraz en relación coas árbores, bosques, natureza, reciclaxe… dun xeito o máis amplo posible de maneira que poidan vir disfrazados tanto de árbores, flores, follas, animais, persoaxes de contos dos bosques (pitufos, Carapuchiña vermella, Shrek, fadas, elfos, gnomos, princesas e príncipes varios,…) e todo o que se vos poida ocurrir ao respecto. Tamén vos comunicamos que ao longo da semana do 17, e entre o luns e o xoves, realizaremos un Meco no centro que ditará as correspondentes ordes de Entroido para que cada día o alumnado traia unha prenda que se irá sumando ao longo da semana á súa vestimenta. As ordes de cada día poderanse consultar día a día tanto nos taboleiros das entradas así como na páxina web do centro.
O alumnado de Ed. Infantil o xoves día 16 realizará unha festa-degustación de produtos típicos do entroido que se celebrará no Salón de Actos.
|
|||||||||||||
|
|
||||||||||||||
