EDL. Actividades anuais 18-19


  

EXPOSICIÓN DE CABAZAS

 

 

 

O SAMAÍN


Na noite do 31 de outubro comeza o ano novo celta. O samaín é a súa festa na honra dos defuntos, marcando o paso do outono o inverno.  
Nesta noite, un pobo con fondas crenzas relixiosas relacionadas coa inmortalidade e cunha preocupación natural polos queridos defuntos expostos ao frío e á escuridade do inverno, buscou e atopou un mecanismo de reparación: preparar alimentos e agasallos por parte dos parentes vivos aos parentes mortos.

O próximo 31 de outubro, na celebración do Samaín, o alumnado poderá vir disfrazado acorde coa proposta realizada polo Equipo de Dinamización Lingüística: bruxas, bruxos ou meigas, meigos coa creatividade propia de cada familia.
As cabazas e os froitos de outono acompañarán a celebración. Poderán decorarse sen baleirar co obxecto de que a súa durabilidade sexa maior. A partir do 26 de outubro comezaremos esta exposición.


...SE QUERES SABER MÁIS SOBRE O SAMAÍN

 

 


 

CASTELAO MAXISTRAL

A derradeira lección do mestre

EXPOSICIÓN: CIDADE DA CULTURA


 

O óleo «A derradeira lección do mestre» representa o pranto desconsolado de dous nenos ante o cadáver fusilado do seu mestre. Castelao quixo render homenaxe a outro insigne nacionalista, Alexandre Bóveda, xulgado sumariamente e executado polo bando franquista, levando o seu rostro ao do cadáver do cadro. No seu transfondo, a obra reproduce unha realidade que tivo lugar na Galicia da posguerra, a da persecución dos mestres republicanos por parte das autoridades franquistas.

O cadro é unha obra de dous metros de altura que, a pesar da súa transcendencia, non formara parte ata agora de ningunha exhibición ou mostra, máis aló de decorar estancias do Centro Galicia. Precisamente, esta histórica mutualidad foi vendida a finais do pasado a unha compañía sanitaria privada tras máis dun século ao servizo -nos seus comezos- dos emigrantes galegos e os seus descendentes.