O alumnado de 5º está ao pé da noticia ainda confinado. Na primeira reportaxe de investigación, a nosa intrépida reporteira Paula Martín amósanos o milagre da vida emplumada.
A nosa segunda reportaxe vén da man de Alejandra que nos fala dunha interesantísima actividade que se realiza no Centro de Alto Rendemento canino situado na "veigha" de Tollo.
Na seguinte reportaxe, a nosa corresponsal Daniela mergúllanos nos segredos da Natureza eoutro milagre de vida, desta vez, peluda.
E unha última reportaxe de rabiosa actualidade a cargo da nosa reporteira Natalia coa axuda inestimable do becario da chupeta.
Dende a redacción destes Diarios Confinados agradecemos a colaboración e boa disposición das persoas entrevistadas: Venida, a xefa das quícaras; Marta, Samuel e Kay, o coitado do can que deu todo e máis, do parque canino; á comunidade canina de Figueiró; aos avós e o pequenete que xa non saben que facer por saír da casa (ollo!!! que hai que andar con coidado) e, como non, ás persoas que están detrás das cámaras que son parte moi importante nesta actividade.
Cando abrades este adxunto ides atopar unha morea de enlaces que vos levarán a un montón de xogos de atención, memoria e concentración. Botades un ollo?
EmpezamosMAIO, o mes da primavera e das flores. Celebramos a fin do inverno, o reverdecer das plantas, o comezo do ano agrícola, a alegría de ver o sol brillando no horizonte e“florecen” tradicións como “OS MAIOS”. Sabedes a súa orixe? Ou como se celebra? En que zonas?
Con estes enlaces botámosvos unha man para saber un chisquiño sobre esta celebración:
Os primeiros cursos de Primaria (vale, se queredes os maiores tamén) tedes esta actividade.
E como remate final: MÚSICA.
Empezamos con esta interpretación da Agrupación Musical de Goián da obra “Beltane” composta por Andrés Álvarez, veciño de Goián e ex alumno do noso cole. Pechade os ollos e deleitádevos escoitando.
Por que pensades que a chamou así? Como é ese calendario celta?
Que vos parece pasar un ratiño "estruxando" o cerebro? Deixámosvos estas actividades para que fagades mates dun xeito divertido.
Empezamos por un ENCRUCILLADO para os maiores do cole no que teredes que aplicar os vosos coñecementos coas operacións. É moi sinxelo. Lede ben as instrucións e veña, a dalo todo!!!!
Se o que queredes é lembrar os NÚMEROS ROMANOS, velaí van dúas actividades...
Ou podedes crear o voso propio tableiro para xogar. Estas son as instrucións.
E, como non podía faltar, o SUDOKU que é un xogo xaponés que se inventou na década dos 70 do século pasado. Consiste en encher unha cuadrícula con números ou imaxes que non se deben repetir nin na mesma liña nin na mesma cuadrícula. Que vos parece xogar a estes de seis por seis. Como se fai? Lembrade que non se pode repetir nen o mesmo número nen a mesma imaxe na mesma liña nin no cadro.
Para os máis maiores
Para os máis pequenos temos estes de animais e flores.
O día de hoxe celebramos o Día doPlaneta Terra. Sabedes o que isto significa? Como influimos nós na súa saúde? Cal tería que ser o noso papel como "persoas humanas" e habitantes deste planeta? Que podemos facer para axudar ao noso planeta?
E vós, cal pensades que é a historia dunha bolsa de plástico? Se pinchades na imaxe, podedes velo.
Ou se queredes ser expertos e expertas na reciclaxe, aquí están os Bolechas.
A NATUREZA fálanos...
A AUGA fálanos...
A TERRA FÁLANOS, ESCOITÉMOLA!!!!
Propoñémosvos plantar a semente dun froito ( pode ser unha lentella, chía, cabaza...) nunha "maceta" feita con material de refugallo que teñamos pola casa (un vaso de iogur, unha lata, un brick de leite...). Coidarémola e esta será unha das maneiras coa que escoitaremos á Terra.
Quero axudarvos a enredar neste tempo na casiña. Anímosvos a que participedes nalgunhas das propostas que vos irei enviando. Lembrade SORRIR, SORRIR MOITO!!!!
E SE COMEZAMOS CUNHA CANCIÓN…?
Cando xa non sexamos aves enxauladas…
Para quen estades gardando bicos, cara quen correredes, a quen botades de menos…?
