Lembrades a visita de Paula Carballeira para presentar o seu libro "Bruxa e familia"?
Agora, volve a visitarnos nas nosas casas con este conto:
"O Moucho aburrido"
Aburridos coma nós de estar na casa. Pero, sabedes que?
Do aburrimento saen grandes ideas, a imaxinación e a creatividade traballan sen parar. Parámonos a observar o pequeno mundo que nos rodea: escoitar, mirar, ulir, sentir...
Na biblioteca do noso cole temos un recuncho cunha selección de lecturas pola igualdade. Mulleres rebeldes, pioneiras, contos tradicionais con finais diferentes... Seguro que atopades algún do voso interese!
Para celebrar o Día do libro, comezamos cos apadriñamentos lectores nunha xornada de convivencia e lecturas. Os pequechos gozaron da lectura cos seus padriños e madriñas. Ademais, o alumnado de 2º observou ao de 6º para aprender esta labor tan importante pois o vindeiro curso xa serán padriños e madriñas dos máis peques do cole. Como fixo mal día e choveu, quedamos dentro do colexio coupando todos os espazos.
Ao longo de toda a semana degustamos bombón literarios con mensaxes sorpresa: pequenos extractos de libros de diferentes autores e autoras. Os bombóns estaban riquísimos e os textos... tamén!
Para rematar a semana o alumnado de infantil, 2º e 3º asistiron a unha sesión de contacontos en lingua de signos. A eiruga glotona ou A que sabe a lúa? foron os contos escollidos para iniciarnos nesta linguaxe tan fermosa. Aprendemos moitas cousas, ata sabemos aplaudir coas mans. Mirade no vídeo que ben o facemos!