Skip to Content

Portada

Admisión alumnado

 

Reserva praza IES Chamoso Lamas

Desde o 11 de xaneiro, e ata o 8 de febreiro, está aberto o prazo de Reserva de praza para o alumnado de 6º curso que desexe continuar os seus estudos no IES CHAMOSO LAMAS. Dito alumnado, deberá presentar no noso centro:

  • ANEXO I debidamente cumprimentado, ou ANEXO I en liña.
  • Formulario de previsión de matricula.
  • Fotocopia do DNI.

A reserva adquirirá carácter vinculante e será incompatible coa presentación de solicitude noutro centro, salvo renuncia expresa e por escrito presentada no centro antes do inicio do prazo de presentación de solicitudes de admisión (01 de marzo de 2021).

Se non desexa solicitar praza en dito instituto, pero presentou o ANEXO I,  deberá facelo constar por escrito no IES CHAMOSO LAMAS antes do inicio do proceso de Admisión. Posteriormente deberá solicitar praza noutro centro entre o 1 e o 20 de marzo, entregando o ANEXO II, debidamente cumprimentado, no centro que desexe continuar os seus estudos.

O resto do alumnado, desde Ed. Infantil ata 5º Ed. Primaria, que este ano estivo matriculado no noso centro, ten Reservada praza de oficio no centro polo dereito de Permanencia. Se decide solicitar praza noutro centro ten que achegarnos unha copia da solicitude de admisión entregada nese novo centro.

 
 

DOCUMENTOS RESERVA DE PRAZA PARA

O CHAMOSO LAMAS

 DESCARGA

Reserva de praza. Do 11 de xaneiro ao 8 de febreiro. ANEXO I.

   

Renuncia á reserva de praza no Chamoso Lamas

Circular enviada ás familias

 

 

SOLICITUDE DE PRAZA

Desde o día 1 de marzo, e ata o 22  do mesmo mes, está aberto o prazo de solicitude de praza no noso centro para novo alumnado ou procedente doutros centros educativos (a partir do día 20 de marzo Sede Electrónica non admitirá a presentación de solicitudes para este procedemento.

O procedemento está regulado polo Decreto 254/2012, a Orde do 12 de marzo de 2013 que o desenvolve, a Orde de 25 de xaneiro de 2017 que a modifica (Ordes refundidas) e a Orde do 18 de decembro de 2020 pola que se modifica a Orde do 12 de marzo de 2013.

 DOCUMENTOS

 DESCARGA

Solicitude de praza no centro do 1 de marzo ao 22 de marzo. ANEXO II.

 

Solicitude en liña na web da Consellería de Cultura e Educación. ANEXO II en liña.

ANEXO II

en liña

Tríptico informativo dos servizos do cole

 


  • Lista definitiva de a de admitidos. (14 de maio)

 

 MATRÍCULA

 

O alumnado admitido deberá formalizar a matrícula entre o  20 e 30 de xuño. Poden adiantar a súa formalización ao 1 de xuño na secretaría do centro.

 

 DOCUMENTOS

 DESCARGA

Formalización de matrícula. Do 20 ao 30 de xuño. Requisitos necesarios.

 

Documentación que acompañará á matrícula.

 

Solicitude de lingua materna en Ed. infantil

 

Autorización para usar as imaxes do alumnado con fins educativos.

 

Elección relixión ou valores

Solicitude de praza fóra de prazo de matrícula
(Entrégase en Inspección Educativa)

 

 

 

 

Luns 2 de novembro día non lectivo

 

NOTA INFORMATIVA

COMUNICAMOS ás familias que o vindeiro luns 2 de novembro é día non lectivo polo que non haberá clases. Retomaremos as clases o martes 3 de novembro.

Este festivo está autorizado pola Consellería de Educación en base ao artigo 7 da ORDE do 25 de xuño de 2020 pola que se aproba o calendario escolar para o curso 2020/21 nos centros docentes sostidos con fondos públicos na Comunidade Autónoma de Galicia.

Boborás, 29 de outubro de 2020

 

O director

Javier Álvarez

Pagamento telemático do recibo do comedor

Preme na seguinte ligazón para ver os pasos a seguir para facer o pagamento mensual de comedor telemáticamente.

NOTA INFORMATIVA

A adaptación a este curso tan atípico e delicado está a complicar en exceso as labores docentes e de garda do alumnado en servizos como o comedor escolar.

Debido á situación excepcional pola Covid-19 e por falta de recursos de espazo, atendendo a criterios de adecuación e de seguridade, agradecemos ás familias que, no caso de que sexa posible, recollan ás 14:30 h ós fillos e fillas que coman no 1º turno de comedor.

As familias que teñan fillos/as nos dous turnos non estarían afectadas por esta nota informativa.

 

Boborás, 25 de setembro de 2020.

FIN DE CURSO

Co motivo do FINAL DE CURSO, dende o colexio queremos informarvos do seguinte:

  • As notas publicaranse en Abalar o venres 19, ás 11:00 h.
  • Os/as alumnos/as que teñen libros do fondo de libros deberán entregalos en bo estado os días 17, 18 e 19 de xuño (xa vos avisa cada titor/a o día correspondente a cada curso).
  • Eses mesmos días (17, 18 e 19) tamén se vos entregarán os materiais dos vosos fillos/as que aínda están no cole.
  • Tamén deberedes devolver os libros da biblioteca escolar que tendes en préstamo nas vosas casas.
  • Non obstante, senón podedes eses días, non dubidedes en poñervos en contacto co centro para buscar outro día.

LISTAXE PROVISIONAL DE ADMITIDOS PARA O CURSO 2020-21

Todo o ALUMNADO NOVO que presentou a solicitude de admisión dentro do prazo previsto, FOI ADMITIDO para o vindeiro ano escolar 2020/2021.

No archivo adxunto podedes ver o listado, tanto para 4º de E.I. como para 1º de E.P.

 

 

O PRAZO PARA FORMALIZAR A MATRÍCULA SERÁ DO 1 AO 10 DE XULLO DE 2020

RECOLLIDA DE MATERIAIS E DEVOLUCIÓN DE LIBROS DA BIBLIOTECA

Queridas familias, o equipo de profesorado do centro quere comunicarvos os seguintes aspectos:

  • As familias que estades tramitando a axuda dos libros podedes traer os libros da biblioteca que tendes en préstamo nas casas. Na entrada do cole hai habilitadas unhas caixas para cada curso, onde debedes depositalos libros, xa que teñen que estar en cuarentena durante 15 días.
  • Tamén podedes traer as mochilas viaxeiras as familias que a teñades nas vosas casas.
  • Respecto aos materiais dos alumnos/as, habilitamos unhas datas para que veñades a recoller os seus materiais. Nas seguintes fotos podedes ver as datas. De todos modos, se algunha familia non puidera  vir nesas datas, intentaríamos solucionalo doutro xeito.

 

        AO ALUMNADO DE 5 ANOS XA VOS ESPECIFICARÁ A VOSA TITORA O DÍA QUE PODEDES VIR A RECOLLER O VOSO MATERIAL

 

 

FONDO SOLIDARIO DE LIBROS DE TEXTO

 FONDO SOLIDARIO DE LIBROS DE TEXTO E AXUDAS PARA A ADQUISICIÓN DE LIBROS DE TEXTO E MATERIAL ESCOLAR PARA O CURSO ESCOLAR 2020-2021

 

Segundo a Orde do 12 de maio do 2020 (DOG 19 de maio de 2020) pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21.

DESTINATARIOS

Ø  FONDO SOLIDARIO DE LIBROS DE TEXTO

Para alumnado de 3º, 4º e 6º de Educación Primaria.

O alumnado de 5º de Educación Primaria queda pendente, xa que o centro solicitou o Proxecto E-Dixgal (libros dixitais).

Ø  AXUDAS PARA ADQUIRIR OS LIBROS DE TEXTO

Para o alumnado de 1º e 2º de Educación Primaria.

Ø  AXUDAS PARA ADQUIRIR MATERIAL ESCOLAR

 Para todo o alumnado de Educación Primaria (de 1º a 6º).

A contía da axuda para adquirir material escolar destinado ao alumnado matriculado en Educación Primaria con renda (exercicio fiscal do ano 2018)  per cápita familiar igual ou inferior a 6.000 € será de 50 €.

FORMA DE PRESENTACIÓN

Ø  As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal.

Ø  Presentación no centro: opcionalmente, poderanse presentar as solicitudes presencialmente nos centros docentes.

Ø  A solicitude será única para todos os/as fillos/as.

 

DOCUMENTACIÓN A PRESENTAR

Ø  ANEXO I e ANEXO II (debidamente cubertos e asinados polos dous proxenitores ou titores legais)

Ø  Copia do libro de familia ou documentación equivalente onde figure o/a alumno/a e os membros computables da unidade familiar.

Ø  En caso de separación ou divorcio, deberán achegar a sentencia xudicial ou o convenio regulador onde conste a atribución da custodia do menor.

Ø  Fotocopia do DNI ou NIE dos membros computables da unidade familiar (cando non autoricen a consulta telemática).

Ø  Renda familiar: achegarán copia da declaración do imposto sobre a renda das persoas físicas correspondente ao exercicio 2018, cando non autoricen a consulta telemática.

 

PRAZO: REMATA O 19 DE XUÑO DE 2020

 HORARIO DO CENTRO: DE 10 A 13 H

CAMBIO HORARIO

 

A comunidade educativa do CEIP NOSA SEÑORA DE XUVENCOS

quere comunicar a todas as familias que nos concederon a xornada

continua para o vindeiro curso.

 

O novo horario será de 9:30 h a 14:30 h (setembro e xuño

incluidos) e o comedor será de 14:30 h a 16 h (con recreo incluído)

Distribuir contido


by Dr. Radut