Skip to Content

                              

Blogues

ENTROIDO 2020

Ven, 21/02/2020 - 20:00 — admin

O xoves 20 celebramos o Entroido no cole. Este ano, como estamos traballando os Xogos Olímpicos, os disfraces estaban relacionados con esa temática.

Antes de facer un percorrido polas rúas de Boborás, cantamos o noso himno dos XOGOS OLÍMPICOS "O PODER DE CRER EN TI", canción versionada de "DANCE MONKEY" de TONES AND I, ademáis do Tiroliro.

Nos seguintes vídeos podedes ver o ben que o pasamos.


 

VOTACIÓNS XORNADA ÚNICA

Xov, 20/02/2020 - 22:00 — admin

Hoxe, 20 de febreiro, tiveron lugar as votacións para o cambio de horario no cole.

A continuación expoñemos os resultados de dita votación:

  • Total votos emitidos na sesión: 90 votos
  • Votos válidos: 90 votos
  • Votos en branco: 0 votos
  • Votos nulos: 0 votos
  • Abstencións: 0 votos

Os vatos válidos son os seguintes:

  • A favor da xornada lectiva en sesión única de mañá: 64 votos
  • En contra da xornada lectiva en sesión única de mañá: 26 votos

En consecuencia, e segundo o establecido, CONSEGUIUSE o acordo favorable do 58% do total do censo das nais, pais ou titores legais do alumnado, un dos requisitos para a imprantación da xornada lectiva en sesión única de maña.

Quedamos a espera do informe favorable de transporte.

Xa vos iremos comunicando as próximas novas.

FORMACIÓN DE RADIO PARA O PROFESORADO

Xov, 20/02/2020 - 14:47 — Leo

O pasado día 4 de febreiro , o profesorado recibiu  no centro , formación en RADIO por parte de  REDE ESPORA .

Como sabedes, este ano fomos seleccionados para participar no programa da Asesoría de Bibliotecas Escolares: RADIO NA BIBLIO.

O primeiro, é que o profesorado reciba a formación necesaria para poder traballar a temática co alumnado.

Nesta primeira xornada Luis Losada, dividiu as 3 horas de formación en dúas quendas:

- Nunha primeira parte teórica,  centrada na importancia da Radio Escolar : consellos e pequenas cousas e recursos para a nosa práctica diaria, exemplos, decálogos, información, formación, e resolución de dúbidas ( que se desenvolveu na Biblioteca do centro)

- A segunda parte da sesión foi máis práctica, onde puxemos a "mesa de misturas " a andar,  utilizamos os micros, fixemos pequenos experimentos para entender e levar á práctica o aprendido. ( que se desenvolveu no noso Espazo Maker ,  como prolongación da nosa biblioteca)

 

Acó vos quedan unhas poucas fotos do momento da formación que recibimos por parte de Luís: 

 

  

 

 

   

 

Queda pendente agora, a segunda parte da formación que irá dirixida ó alumnado,  que van ser os grandes  protagonistas nesta aventura da radio:

Guionizar os programas , preparalos, editalos  para que sexan autónomos e os que dirixan e controlen a mesa , as produccións e creacións... seguiremos informando!!!

 

 

 

NOTA INFORMATIVA

Xov, 20/02/2020 - 12:56 — admin

Queridas familias: queremos comunicarvos que o luns 24, martes 25 e mércores 26 de febreiro son as vacacións de Entroido, polo que non haberá clases.

Regresaremos o xoves 27 de febreiro.

Desfrutade do Entroido.

Un saúdo.

                                                           Boborás, a 20 de febreiro de 2020

                                                            O director

 

                                                            Javier Álvarez

SORTEO MESA ELECTORAL

Lun, 17/02/2020 - 20:00 — admin

O vindeiro martes 18 de febreiro as 16:30 h procederase ao sorteo público das nais, pais ou titores legais que formarán parte da mesa electoral na votación para a xornada única do xoves 20 de febreiro.

En previsión de posibles ausencias, no sorteo designaranse titulares e suplentes.

 

XORNADAS DE PORTAS ABERTAS

Dom, 16/02/2020 - 20:00 — admin

MANDAS DO MECO 2020

Dom, 16/02/2020 - 02:31 — admin

MANDAS DO MECO 2020

 

O luns dezasete

o entroido comeza

e o Meco mándanos

traer flores na cabeza.

 

O martes dezaoito

o Meco segue ordenando

que no pescozo porás

o que ti queiras colgando.

 

O mércores dezanove

nos teus pés traerás

algo que chame a atención

e que diferente os fará.

 

O xoves día vinte

no pobo de Boborás

un montón de deportistas

polas rúas desfilarán.

 

O venres vinte e un

se no cole pensas entrar

trae o disfrace que queiras

moi bonito e orixinal.

CELEBRACIÓN DO ENTROIDO

Ven, 14/02/2020 - 20:00 — admin

 

O xoves 20 de febreiro celebraremos o Entroido no colexio a partir das 14 horas.

Se o tempo o permite, faremos un desfile dende o colexio ata o centro do pobo de Boborás. 

 

Invitamos a toda a comunidade educativa a acompañar ao desfile no seu percorrido. Ao finalizar, unha gran chocolatada  agardaranos no recinto escolar. 

 

Recordámoslles que ese día tamén terán lugar as votacións para o a proposta de cambio de horario para o curso que ven. A mesa estará dispoñible dende as 11:00 ata as 19:00 horas.

 

Aproveitamos para comunicarlles que  as clases reanudaranse  o xoves día 27 de febreiro.

 

chocolate_2Non faltedes!!!

 

Boborás, a 14 de febreiro de 2020.

Resultado de imaxes para: dibujo carnaval

INICIÁNDONOS COS LEDS

Ven, 14/02/2020 - 20:00 — admin

O alumnado de primeiro fixo os seus primeiros circuitos leds. Mirade no vídeo que ben lle quedaron.

11 DE FEBREIRO: DÍA INTERNACIONAL DA MULLER E DA NENA NA CIENCIA

Xov, 06/02/2020 - 13:24 — Leo
 
O 11 de febreiro conmemórase o Día Internacional da Muller e a Nena na Ciencia .
 
Na páxina web 11 de Febreiro  podedes atopar moitísimo material para traballar este tema: actividades, materiais, estatísticas, información sobre mulleres e ciencia, chicas e estudos STEM e un longo etc...
 
Aquí vos deixamos un vídeo, titulado ESE LUGAR que foi eaborado pola Cátedra de Cultura Ciencífica da UPV/EHU. Xa que o 11 de febreiro será o día da Muller e a Nena na Ciencia, e o día seguinte... e os que virán despois..

 

E tamén vos deixamos este vídeo "Yo quiero ser científica" no que 9 mestras da Universidade pública de Navarra (UPNA) son intérpretes e autoras dunha obra de teatro divulgativa na que rescatan a vida e obra de mulleres científicas do pasado:

 
 

E para os máis pequenos, este vídeo gañador do concurso de curtametraxes da Unesco  "Mujeres en la CTI y matemáticas:

Podedes ver tamén a serie de animación "Mujer en la ciencia"

Las ilustraciones y la animación del vídeo de este proyecto son del profesor de bioquímica Iñigo Izal Azcárate y la narración en voz en off corre a cargo de la periodista Eva Lus (Radio Universidad de Navarra). También colabora en esta serie de animación el grupo Women for Science and Technology y diferentes personas expertas asesoran en la elaboración de los guiones de las distintas biografías.
        Las protagonistas de estas historias son la microbióloga Alice Catherine Evans (1881-1975), la enfermera y estadística Florence Nightingale (1820-1910), la bióloga y divulgadora Rachel Louise Carson (1907-1964), la astrónoma Cecilia Payne-Gaposchkin (1900-1979), …

(fonte  https://mujeresconciencia.com/2019/11/19/serie-de-animacion-la-mujer-en-la-ciencia/)

Se queredes seguir "curioseando" deixámosvos un link con libros e películas recopilados en 11defebrero.org. 

Se vos apetece xogar "ó rosco das científicas" non tedes máis que premer AQUÍ 

 
CIENTÍFICAS: O CÓMIC  dende a Universidade de Sevilla e executado pola precisa man da  ilustradora Raquel García Ulldemolins
 
 Outra iniciativa destacable foi a de "Mi científica favorita" 
É unha iniciativa da  Comisión de Género do Instituto de Ciencias Matemáticas (ICMAT) en colaboración coa Unidad de Comunicación del ICMAT e  a Fundación Española para la Ciencia y la Tecnología, e coa asesoría do mestre de educación primaria Roberto Soto Varela.
 
 
 
Podedes descargar este libro de balde, en PDF premendo aquí: MI CIENTÍFICA FAVORITA
 
Desta volta tamén podedes descargar en PDF  "MI CIENTÍFICA FAVORITA 3" 
 
 
 
Outra páxina que non se pode esquecer nesta viaxe de referenciación da muller e a nena na ciencia é MUJERES CON CIENCIA onde poderedes atopar todo tipo de noticias, materiais, actividades relacionadas, coas mulleres e coa ciencia...
 
 
Na biblioteca do cole, fixemos unha pequena escolma cos libros que están na nosa colección relacionados coa materia... 
 
 
 
Distribuir contido


by Dr. Radut