Hai uns días que xa estamos de volta á rutina...e para comezar este novo curso, fixémolo cós nosos tesouros máis prezados do período estival.

O xoves 21 de xuño celebramos o festival fin de curso no CEIP As Nogais.

Para comezar, o alumnado de 4º, 5º e 6º representou unha obra teatral de creación propia: "Clínica As Nogais".

Seguidamente, as nenas de 5º e 6º puxeron en práctica as súas dotes artísticas realizando un baile coa canción "Tu cintura".

Aínda vai pouco tempo, cando comezábamos esta nova aindaina en setembro...e xa chegamos ao mes de xuño, e con el  a fin das clases e do curso 2017/2018. Esperamos que este tempo de lecer serva para xogar, desconectar, traballar un pouquiño e desfrutar do verán. De xeito especial, dicímoslles ata pronto a Zaira, Ainara e Daniela, que para o vindeiro ano comezarán outra etapa no Instituto de Becerreá. Moita sorte. Ata setembro...

Durante todo o curso escolar, levouse a cabo o proxecto Terra, enmarcado dentro do Plan Proxecta. Na seguinte fotografía poderedes ver un resumo das actividades:

Para finalizar o curso...todo o alumnado do centro desprazouse ata o concello de Xermade para visitar o parque eólico de Sotavento. Alí puideron comprobar multitude de experiementos, entrar dentro dun aeroxerador, realizar o seu propio papaventos...

Para celebrar a semana das Letras Galegas no CEIP As Nogais, propuxemos a actividade de elexir mediante unha votación a palabra máis fermosa. Cada neno e nena escribiu unha palabra e despois procedeuse a unha votación segreda.

finalmente, a palabra "máis fermosa" é...

O mércores 22 de maio, Ramón, un axente formador da Garda Civil, visitou aos nenos e nenas de 4º, 5º e 6º coa finalidade de charlar sobre o acoso escolar e os perigos da era dixital na que vivimos.

Unha charla moi interesante e ben plantexada, na que os nenos e nenas descubriron os perigos dun mal uso das tecnoloxías, estratexias a aplicar ante un caso de acoso e sobre todo ao tratar cós compañeiros dun xeito respectuoso e afectivo, sen danalos.

O martes 15 de maio, Mercromina Teatro de Títeres chegou ás Nogais. Unha actuación para nen@s e maiores chamada "a familia unida", donde Ton e o seu teatro puxeron en escena esta obra de creación propia.

Ao final do espectáculo, Ton ensinounos como realiza o seu traballo no teatrillo...onde amosounos moitas sorpresas...

O xoves 10 de maio, aproveitando o bo tempo, o alumnado do colexio realizou unha camiñata polo pobo. Visitaron os diferentes servizos (farmacia, correos, perruquerías, panadarías... etc). A andaina resultou moi divertida e formativa!

O xoves 26 de abril, os nenos e nenas de 4º, 5º e 6º desprazáronse ata Becerreá para participar nun torneo de tenis de mesa, organizado polo Xogade, xunto cós colexios de Pedrafita, Navia de Suarna, Cervantes e Becerreá.

Os participantes desfrutaron dun día de xogo lúdico, onde amosaron as súas destrezas no tenis de mesa. Ao final do evento entregáronse uns trofeos e xantamos todos xuntos.