Complementarias

O xoves 2 de maio, o alumnado de 4º, 5º e 6º de Primaria dispou unha fermosa competición de baloncesto no pavillón municipal de Becerreá, dentro do programa XOGADE. A competición levouse a cabo durante toda a maña ata o mediodía, acadando un obxectivo común: a práctica dun deporte en equipo como fomento de valores saudables, sociais e de superación persoal.

O martes 21 de maio desprazámonos ata o CPI de Pedrafita do Cebreiro para asistir a unha sesión de contacontos, organizada pola editorial Kalandraka. Os nenos e nenas desfrutaron moito nesta actividade. Dar as grazas o CPI de Pedrafita pola invitación e pola atención recibida. Así seguro que voltaremos!

O mércores 15 de maio, desprazámonos ata a vila de Ribadeo e desfrutar das súas paisaxes e xentes.

Ao chegar, paseamos pola praia das Catedrais (tivemos sorte que a marea estaba subindo).

Continuamos o noso percorrido cun emocionante paseo en barco pola ría do Eo e pola ponte de todos os Santos. Visitamos os pobos de Castropol, Figueras e Ribadeo. Ata o patrón deixounos coller o timón!

O martes 7 de maio, ás once da mañá, achegmonos ao Gadis do Polígono do Ceao en Lugo. Alí, durante unha hora aproximadamente, déronnos moitas e valiosas informacións: diferenzas entre a carne vermella e a carne branca, diferenzas entre o arroz integral e o "normal", explicación básica da pirámide dos alimentos...

Aprendemos moito e ben. E por riba, tamén nos deron un agasallo cunha pequena merenda.

Moitas grazas!

Durante dúas horas, Estefanía foi a encargada de realizar unha charla sobre educación sexual aos nenos e nenas de 4°, 5° e 6°.

Nestas charlas falaron sobre o corpo do home e da muller, os seus cambios, as súas dúbidas...

Aprendemos moito!

A semana do 18 ao 22 de marzo, conmemoramos a semana da árbore e da auga. Traballamos nun novo mural no hall do colexio, plantamos unha nova árbore, chamada "wolly" e observamos todas as que temos no noso colexio.

O CEIP As Nogais celebrou a súa semana de Entroido facendo unha homenaxe ás señoras maiores do pobo. Durante toda a semana, cada día, trouxemos distintas prendas de roupa, para finalizar o venres cunha vestimenta "retro".

Tamén fixemos un percorrido polo pobo, acompañados polas familias e polo alumnado da casa niño de As Nogais.

O venres 22 de febreiro, celebramos no colexio o día de Rosalía de Castro.

Os máis pequenos recitaron ao resto do colexio, con grande soltura, unha fermosa poesía da poetisa.

Para ver o vídeo, copia e pega a ligazón no navegador:

O xoves 21 de febreiro celebrouse no pavillón do IES de Becerreá, un encontro dos centros da Comarca dos Ancares ao redor do tenis de mesa (XOGADE). Participaron sobre 70 nenos e nenas de 4º, 5º e 6º de Primaria dos centros: Pedrafita, Courel, Nogais, Navia, Becerreá, Cervantes e Baralla.

Desfrutaron dun día de competición amigable ao redor das mesas e xantaron xuntos nas instalacións do IES.

O xoves 17 de xaneiro, xunto ao colexio de Pedrafita, visitamos a cidade de Lugo. A visita dividiuse en dúas partes:

Visionado da película "Ralph rompe Internet" nos cines do centro comercial Abella.

Visita ao museo da formiga en San Clodio (Outeiro de Rei).