Título | Resumo |
---|---|
SAN VALENTÍN |
Decoración de San Valentín
Na biblioteca hai nova decoración!!! Debido ao mes de San Valentín decorouse a biblioteca con corazóns vermellos, tamén cando colles un libro danche un corazón. Pero só se tes o gusto de ler. Non e só pola biblioteca senón tamén por fóra.
TEXTO: ALBA E GIULIA (5ºA) |
O PREGOEIRO DA VILA - RADIO EXPERIMENTAL #bescolaresgalabertas |
O Pregoeiro da Vila, un programa informativo, realizado pola rapazada de 1º de Primaria. Non vos perdades todas as súas noticias, pois neste mes hai moito do que falar!
Uns pequenos intermedios de anuncios publicitarios aderezan a sesión e seguro que son ben agradecidos. Pois nenas e nenos son conscientes dos cambios que estamos vivindo e saben a quen teñen que acompañar. Aínda que só sexan con verbas e cancións.
Un traballo para informar e mellorar a expresión oral, porque aínda que están aprendendo a ler; a entoación, as pausas, o volume, a pronuncia... é algo que tamén teñen que aprender e a radio é un recurso completo para a lectoescritura.
|
CÁNTALLE A ROSALÍA #EuQuedoNaCasa |
#EuQuedoNaCasa Este luns tiñamos xa organizado o noso karaoke a Rosalía de Castro nos recreos da biblio. E se cantamos desde casa? Cantade baixiño, a berros pola ventá, en parellas, con coreografía... E se queredes compartilo: https://facebook.com/bibliotecacarloslabranha/… @beCarlosLabrana biblio.nicolas.del.rio@gmail.com Aí van as nosas propostas!
|
CLUB DE LECTURA |
O ALUMNADO NUNHA SESIÓN DO CLUBE DE LECTURA.
|
CLUB DE LECTURA - VALORACIÓN DO LIBRO "MATILDA" |
|
PORTAS ABERTAS ÁS FAMILIAS |
AS FAMILIAS XA PUIDERON GOZAR DO SEU ESPAZO PARTICULAR NA BIBLIOTECA E COÑECER O QUE REALIZA O ALUMNADO NELA. DESFRUTARON DE TRES XORNADAS DE PORTAS ABERTAS ONDE RECIBIRON UNHA PEQUENA CHARLA SOBRE O MATERIAL DO QUE DISPÓN CADA SALA, COMO E CANDO SE USA, OS PROXECTOS NOS QUE ESTAMOS INMERSOS, COMO É O TEMPO DE RECREO, OS PRÉSTAMOS AO ALUMNADO E ÁS FAMILIAS... E PARA QUE TAMÉN TIVERAN UNHA EXPERIENCIA PRÁCTICA PASARON POLOS DIFERENTES OBRADOIROS NOS QUE TAMÉN TRABALLA O ALUMNADO: ESCORNABOTS, LEGO, PANTALLAS TÁCTILES, OBRADOIRO DE ESCRITURA...
|
RICARDO CARVALHO CALERO #euquedonacasa #bescolaresgalabertas |
Este ano o Día das Letras Galegas está adicado a Ricardo Carvalho Calero.
Compartimos este vídeo no que podemos coñecer a súa biografía.
Nestas ligazóns poderedes atopar actividades para aprender máis sobre Ricardo Carvalho Calero.
https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
EXPRESIÓN ORAL E ESCRITA EN INGLÉS |
O ALUMNADO DE 3º, 5º E 6º REALIZA DIVERSAS ACTIVIDADES PARA MELLORAR A SÚA EXPRESIÓN ORAL E ESCRITA EN INGLÉS. ESTA É UNHA PEQUENA MOSTRA.
|
Lendo a Antía Yáñez |
A rapazada de 6º de Primaria, despois de botar un ollo ás recomendacións que se fixeron polo día das Escritoras, decidiron aproveitar a hora de ler para empezar có libro de Antía Yáñez titulado Plan de rescate, gañador do premio Agustín Fernández Paz pola igualdade en 2019! E mirade que concentrados están!
|
Voluntariado Obradoiro de manualidades - #euquedonacasa |
Hoxe, na hora do recreo, tocaba Obradoiro de manualidades con reciclados, da man de: Lucía, Lara, Aloe, Carol, Lucía Rodríguez e Alex.
Dende a biblioteca ofertamos as seguintes propostas para quen desexe seguir co obradoiro dende a súa casiña. Algo fácil e motivador: realizar un arco da vella con revistas que peguemos nun papel. Poñer unha mensaxe positiva, por exemplo: Todo vai saír ben! Cando estea seco, pegalo na ventá da casa. Outras opción de deseños con reciclados: Podedes animar con todos os vosos modelos nas ventás das casas e se vos apetece, mandar unha foto a través dos seguintes enderezos: https://facebook.com/bibliotecacarloslabranha/… @beCarlosLabrana biblio.nicolas.del.rio@gmail.com
|
CONCURSO DE DEBUXO E FELICITACIÓNS DE ANO NOVO |
O ALUMNADO PARTICIPOU NO TRADICIONAL CONCURSO DE DEBUXO E POSTAIS DE ANO NOVO. GRACIAS A TODOS POR PARTICIPAR!
|
OBRADOIRO DE MEDO - STEAM |
|
BAILAMOS E PRACTICAMOS INGLÉS "CON MASAKA KIDS AFRICANA DANCING" #EuQuedoNaCasa #bescolaresgalAbertas |
Estes rapaces de Masaka Kids Africana Dancing teñen moito ritmo, non paran! E tamén nos aprenden moitas cousas do coranavirus covid-19, ese bichiño que fai que esteamos na casa. En inglés, claro!
|
MES DA CIENCIA - PATIOS VIVOS E INTERACTIVOS NA BIBLIO! |
Polo Mes da Ciencia, as actividades dos Patios Vivos e dos interactivos da biblioteca, dos Vagalumes de 1º estiveron organizados en torno á ciencia. Nos Patios Vivos fixeron: construción de barcos e comprobaron a súa flotación, creación de papaventos, amasaron terra e a converteron os tortas, plantaron sementes, xogaron ás canicas...
Na biblioteca, nas sesións de interactivos (que pola situación que vivimos non pode celebrarse con familias), reflexionaron e reflexaron algúns dos descobrementos, pero tamén fixeron mezclas de cores, dobraron camisetas, inventaron unha pista para vehículos, compararon pesos, crearon figuras... Na praia voaron papaventos, no Día da Infancia, e tamén aproveitaron a probar o mar, sentir as ondas.
Aquí un vídeo coa experiencia resumida. |
EL LIBRO DE LA SELVA. |
UNHA NOTICIA PROVOCA A EMOCIÓN DO ALUMNADO NAS TERTULIAS. EN GALICIA VIVE UN SEÑOR QUE SE CRIOU ENTRE LOBOS! A VER SE O LOCALIZAMOS... CADA VEZ SON MÁIS AS FAMILIAS QUE COMPARTEN AS TERTULIAS E HAI QUE AMPLIAR O ESPAZO.
|
CRÓNICAS DUN MAR AZUL E NEGRO |
Que vaia a nosa gratitude ás familias e veciños por acompañarnos esta mañá. EMOCIONANTE.
|
FRASES DE CERVANTES NAS PORTAS DAS AULAS |
|
O ALUMNADO DE 4 ANOS VISITOU A BIBLIOTECA PÚBLICA MUNICIPAL |
O VENRES VISITAMOS A BIBLIOTECA PÚBLICA MUNICIPAL, ONDE POIDEMOS DESFRUTAR DUNHA CONTACONTOS! E, COMO NON, ESCOITAMOS A HISTORIA O BIGOTE DE MIMÍ, ESCRITA POR MANUEL MARÍA.
|
CANDELORIA "De festas pola vila" |
A CANDELORIA, UNHA NOVA DATA PARA CELEBRAR, COMO BEN NOS ILUSTRA RAFAEL LÓPEZ LOUREIRO, TEMPO DE APEGOTAS (bromas permitidas que debemos aturar estoicamente) E DE LUZ, CON ENREDOS COMO AS LUMINARIAS. NESTA OCASIÓN ADEMÁIS DO ALUMNADO DE 2º A, TEMOS A PARTICIPACIÓN DAS ALUMNAS DE ANTROPOLOXÍA DE 1º DE BACHERELATO DO I.E.S. PUNTA CANDIEIRA. AGRADECER A COLABORACIÓN DA SÚA PROFESORA ROSANA FREIRE CALVIÑO, DE RAFA POR DOCUMENTARNOS, DE MONTOUTO SOUNDMACHINE POLA MÚSICA E CREATIVIDADE, DE QUIQUE VÁZQUEZ E ANDY BRAÑAS, POLO REXISTRO E DAS BIBLIOTECAS POR ESTAR SEMPRE ALÍ!
|
OBRADOIRO DE POESÍA |
A NOSA VOLUNTARIA, INÉS GARCÍA VERGARA DE 6º A PREPAROU ESTA FERMOSA POESÍA CANTADA PARA CONVIDARNOS A PARTICIPAR NOS PRÓXIMOS OBRADOIROS. DARÁN COMEZO O LUNS 21 DE XANEIRO NO HORARIO DE RECREO. PODEDES PASAR POLA ENTRADA DA BIBLIOTECA CARLOS LABRAÑA A APUNTARVOS! https://drive.google.com/file/d/1zpCm2ch61Sycw1zpmnT3xgRjG1ALnsNu/view?u... |
PROXECTO O CORPO HUMANO |
O ALUMNADO DE 4 ANOS ESTÁ INMERSO NUN PROXECTO SOBRE O CORPO HUMANO. ESTES DÍAS RECIBIRON A VISITA DE TRES FAMILIARES NA NOSA BIBLIOTECA.
A MAMÁ DE LUCAS VEU ENSINARLLES COMO SE COIDAN OS BEBÉS.
COA MAMÁ DE LÍA APRENDERON DISTINTAS PARTES DO CORPO HUMANO.
A AVOA DE NEREA QUE É ENFERMEIRA ENSINOULLES DIFERENTES APARELLOS E O SEU FUNCIONAMENTO. |
24 Febreiro: Día de Rosalía |
Os libros na biblioteca pódense atopar nos andeis pero tamén contamos con unha zona de exposicións temporais onde temos unha pequena selección de libros arredor das diferentes datas especiais que van sucedéndose ao longo do curso. Neste caso, vos ensinamos obras relacionadas con Rosalía escollidas polo equipo da biblioteca para axudar e acompañar as aulas no traballo o día de Rosalía que tivo lugar o 24 de febreiro (e sabemos que houbo actividades ben chulas!) co gallo do nacemento da autora. |
Obradoiro de manualidades! En mans da rapazada! |
O alumnado empodérase e continúa deseñando obradoiros.
Neste caso as artes e o steam son a base da actividade. Realízano dende o comezo, sen saltarse ningunha fase. Xúntanse e definen que levará a actividade, realizan unha lista dos materiais necesarios (será a base de reciclados), deseñan o cartaz para promocionar o obradoiro, fan unhas táboas para que se apunte o alumnado e na data sinalada levan a cabo o obradoiro. Como sempre, ocorren cousas que hai que contar; estas grandísimas persoas non só fixeron todo este traballo, e por certo moi ben realizado, senón que comezan o obradoiro e escoitas a un deles consultar en cal lingua levarán o obradoiro. Conversan e axiña, sen dubidar, din: - en galego. - Nenas, nenos, todos falamos en galego (coméntanlles aos participantes no obradoiro).
Un pracer de rapazada! |
Traballo de investigación polo día da muller traballadora |
Polo día da muller traballadora, buscamos información sobre mulleres galegas relevantes para nós. Cada clase elaborou unhas páxinas sobre a biografía, debuxos, elementos relevantes,... da muller escollida pola aula. O resultado final foi a elabroación dun genial.ly que recolle dun xeito interactivo todo o traballo realizado por mestres e alumnado do centro.
|
DÍA DO LIBRO - XEOGRAFÍAS LECTORAS - CREACIÓN DUN CÓMIC |
O alumnado de 1º crea un cómic coa aplicación Canva. Tras unha conversa grupal do que desexan contar, escollen as fotografías que fan referencia á xeografía da nosa vila. Posteriormente, en pequenos grupos van avanzando na aventura. Durante a semana anterior á escrita fanse dúas pequenas reunións con toda a rapazada para escoitar as súas opinións e telas en conta.
O alumnado avanza na escrita ao seu ritmo, uns con escritura libre total e outros con apoios. Afondan no mundo do cómic: onomatopeyas, diálogos, bocadillos... Aquí a súa creación!
|
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- …
- seguinte ›
- última »