Título | Resumo |
---|---|
ÁLBUM DA INAUGURACIÓN DA BIBLIOTECA | |
EXPOSICIÓN INSTRUMENTOS DE REFUGALLO |
O ALUNADO DE 4º, 5º E 6º DE EDUCACIÓN PRIMARIA, DA MAN DO SEU MESTRE DE MÚSICA, ALEJANDRO MIGUÉLEZ, DESEÑARON UNHA EXPOSICIÓN DE INSTRUMENTOS DE REFUGALLO.
A INTENCIÓN ERA IMPLICAR A RAPAZADA E AS FAMILIAS NA REALIZACIÓN DUN INSTRUMENTO MUSICAL QUE SOARA E NO QUE OS SEUS MATERIAIS TIVESEN UN SEGUNDO USO. ESTA ACTIVIDADE ENMÁRCASE DENTRO DO PROXECTO "CONTRA O CAMBIO... EU CAMBIO. E TI?" CONVIDAMOS A TODA A VILA A GOZAR DESTA EXPOSICIÓN, ALOXADA NA NOVA SALA DA BIBLIOTECA CARLOS LABRAÑA. PODEN ACUDIR TÓDOLOS DÍAS EN HORARIO DE 16:00 A 18:00 HORAS, SALVO O MARTES.
|
SAMAÍN "De festas pola vila!" |
O alumnado de 2º A e a alumnado de Antropoloxía de 1º de Bacherelato documentados por Rafael López Loureiro, dramatizan nesta ocasión o Samaín na Biblioteca Carlos Labraña. |
AULAS AO AIRE |
As aulas de cinco anos, comprometidas co proxecto do Coidado do medio que propón este ano a biblioteca, este curso dispoñen dun pequeno espazo ao aire libre no que poder estar en contacto ca natureza. Coa mesma intención de coidar o medio que nos rodea vai o primeiro traballo do curso escolar: preparar bolsiñas de tea para as merendas, reducindo así o uso de materiais plásticos. Dentro de todo o proceso de traballo os nenos e a nenas aprenderon o que son os tintes naturais, libres de tóxicos e productos químicos, e así tinxiron as cintas de tea con té. O resultado final foi este.
|
OBRADOIRO DE ROBÓTICA - STEAM |
O ALUMNADO XA COMEZOU A GOZAR DOS OBRADOIROS DE ROBÓTICA NESTE TERCEIRO TRIMESTRE. ESTADE ATENTOS A CANDO VOS TOCA! Unha pequena mostra da semana pasada...
|
DÍA DAS BIBLIOTECAS ESCOLARES |
Celebramos o día das bibliotecas escolares (24 de outubro) coa creación do novo espazo de cociña na nosa biblioteca creativa que nos permita unha aprendizaxe competencial moi significativa. Realizamos un obradoiro de galletas e decoración inspirado nos cómics. Completamos o traballo coa elaboración das receitas e cómics, abarcando así unha serie de aspectos curriculares importantes de varias áreas: matemáticas, linguas, ciencias... A nosa biblioteca segue crecendo!!!
|
SAN XOÁN "De festas pola vila!" |
O alumnado de 2º A e de 1º de Bacherelato despiden o proxecto "De festas pola vila!" coa celebración do San Xoán. Unha data cargada de aromas e flores e que deixa pegadas, lazos e emocións en todos os que nel participaron. |
TEMOS ALGO QUE CELEBRAR... |
Queremos compartir a nosa ledicia. A biblioteca da escola vén de recibir por segundo ano consecutivo o recoñecemento da Dirección Xeral de Centros polos seus traballos por proxectos do curso pasado. "Crónicas... Atalaia do Museo Mares de Cedeira" e "De festas pola Vila", foron galardonados en dúas das modalidades do concurso de traballos por proxectos das bibliotecas escolares no 2017/2018. PARABÉNS A TODOS E TODAS OS QUE FIXÉSTES POSIBLE ESTES TRABALLOS. |
MAIO |
Cores, fitas e flores fixeron relucir a ledicia infantil nun festival organizado pola compañía de ópera do I.E.S. Punta Candieira. Os fondos recadados fan que estén un pouquiño máis preto de Berlín. Ledos. Neste "Tempo de maias" o proxecto "De festas na vila" (que se enmarca no currículo cedeirés da biblioteca escolar) xermolou o pasado venres no auditorio nunha mostra na que se deu a coñecer o traballo que os integrantes do proxecto LÓVA levan realizado ao longo do curso. Inmersos nun exemplo de colaboración entre bibliotecas escolares, os nenos e as nenas da escola sentíronse grandes por poñer en pé unha representación da festa do maio da man das alumnas de Antropoloxía de primeiro de Bacherelato. A música, o baile tradicional, o xogo e o entusiasmo acordaron á primavera do seu sono do inverno. Vaía se son grandes... Inmensos!! (Referencias como esforzo compartido, actitudes de respecto, desenvolvemento emocional e social... non son necesarias. Estaban diante dos ollos de calquera afortunado que formara parte do público ese día. Para reflexionar.) |
SEMANA DO MEDIO AMBIENTE - CADERNO DE NATURALISTAS #euquedonacasa #bescolaresgalabertas |
O respecto e coidado do medio ambiente comeza cando nos achegamos a coñecelo. Presentamos os cadernos de naturalistas realizados polo alumnado de 5 anos nas súas Aulas ao aire.
PAXARIÑOS PIADORES, CASIÑA DO MEU CONTENTO
(Preparando un día de clase nas aulas no aire)
Carmen: -Que levante a man o que algún día, paseando, escoitara o canto dos paxaros... Alba: -Seguro que moitos levantaron a man. Verdade, Carmen? Carmen: -Si, muller... se os puidese ver, seguro que había tantas mans levantadas como cando preguntamos quen quere falar na asamblea da escola... pero aí vai outra: (poñemos o reclamo dun paporroibo) Carmen: -Que levante a man o que seipa que paxariño está cantando Alba: -Que levante a man o que sepa o nome do rei dos paxaros... Carmen: -Esa non sei eu se a saberán... Alba: -Seguro que moitos de vosoutros levantastes a man unha vez, dúas... ou se cadra tres, pero pequenos naturalistas, asegurámosvos que despois do día de hoxe, se abrides ben eses ollos tan atentos que tedes, e afinades con precisión o oído, porque xa sabedes que "o que non atende non aprende", se cadra, algún día paseando recoñeceredes o cantar dalgún paxariño.
Pois para empezar, imos contarvos unha fábula, que sabemos que vos gustan...
O Rei das Aves
Houbo unha vez, hai moito tempo, en que todos os paxaros do mundo se reuniron porque querían nomear un gobernante , e así, xuntáronse nunha asamblea para decidir quen de todos sería o Rei das Aves. - O Rei das Aves terá que ser aquel que poida voar máis alto, que para iso son os paxaros! -dixo unha águia (que xa se vía no máis alto do podium con coroa e todo). E así foi como empezou unha gran competición por ver quen acadaba o posto máis alto. Os paxaros voaron, esforzáronse moito... batían as ás con todas as súas forzas para poder chegar moi arriba... Así son as competicións... Os voitres e as águias eran os primeiros, os mellores, ata que unha delas empezou a subir, un águia enorme, fermosísima... unha águia real! Chegou máis alto que ningunha outra. Foi daquela cando ao verse gañadora, chamou polos demáis paxaros para anunciar que ela sería a raíña, pois estaba por enriba de todos eles... Pero meus pequenos naturalistas... a águia sinteu que algo lle rebulía no medio das súas ás. Por entre aquelas plumas enormes foise asomando un paxariño, coma un chisco, coma un faragulliño de pan dos que quedan na mesa despois da merenda... e sen pensalo nin esforzarse, púxose na cabeza da rapiña, e berrou: O rei son eu! O rei son eu!
E así foi como o tuí, o máis pequeno de todos os paxariños, se fixo o Rei das Aves e os Paxaros...
E agora, a actividade de hoxe. Seguro que tedes ben gardado o voso caderno de naturalistas. Veña...rapidamente a buscalo, que hoxe imos facer máis páxinas. Aprenderemos os nomes de catro paxariños que podedes atopar en Cedeira, e algunhas cousas de cada un deles. Non tedes que escribir todo... cada un o que poida.
O PAPORRUBIO
O paporrubio, tamén chamado paporroibo, peizoque ou richinó, é un paxariño solitario e moi territorial, que non acepta a presenza doutros conxéneres, ata o punto de zouparse contra a súa propia imaxe se a ve nun espello ou nun vidro. Fundamentalmente insectívoro, libra aos nosos campos de moita bichería, razón pola que sempre se lle ve arredor das xentes que traballan nas terras. Residente durante todo o ano na nosa bisbarra, no inverno chegan grandes cantidades do norte de Europa.
O paporrubio ten un cantar moi especial. Aquí tedes o seu son:
"O peizoque Roque" é un conto de Dores Tembrás que ten como protagonista a este paxariño. "O peizoque Roque pescuda palabras polo bosque. Palabras que saben, que abrigan, que recenden. Verbas de luz e de música que alimentan a vida"
O MERLO
O merlo e a merla son ben diferentes. O merlo é negro e a merla é parda. Paxaros moi comúns e abondosos son coñecidos de todos polo seu melodioso e potente cantar á caída da tarde. Estes paxaros comen de todo: insectos, grans, froitos... e aínda que teñen o plumaxe negro, moitos deles teñen abondosas plumas brancas, chegando algún deles a ser completamente branco. De aí naceu o famoso dito: "Eres máis raro ca un merlo branco".
"A merla de trapo", un conto de Antón Cortizas. Unha historia de fadas pero que non ten fadas. É a historia de Antonia, unha costureira que salva a un merlo de ferro dun estorbo no peteiro que lle impedía cantar. O merlo pouco a pouco entristece,e Antonia cose unha merla de trapo para que lle faga compaña...
O MARTÍN PESCADOR
Puidera ser o máis famoso paxariño da nosa contorna. As súas cores rechamantes, a súa voz metálica, e o seu voar en liña case a ras das augas, cautivan a atención de todo aquel que o ve por primeira vez. Gusta de pousarse nalgunha póla alta á beira dos ríos, dende a que asexa os peixiños que nadan na auga, para zouparse rapidísimo e conseguir algo para comer. O Martín pescador, tamén chamado Picapeixe na zona de Ourense é o paxaro que dá nome á asociación de pais e nais dos nenos e nenas da escola de Cedeira: a ANPA "Picapeixe".
A PÍLLARA DAS DUNAS
Paxariño emblemático dos nosos areais, agora mesmo en Galicia está en perigo crítico de desaparición. Por isto a píllara das dunas foi nomeada ave do ano 2019. O seu niño, extremadamente discreto é moi difícil de percibir para os ollos humanos, pero non tanto para o olfato dos cans que pasean polas praias.
Sodes capaces de atopar o niño de píllaras nesta fotografía? Para a súa protección e sobrevivencia existe un plan de protección oficial da Xunta de Galicia:
E despois de toda esta información, xa estades preparados e preparadas para facer as novas páxinas do noso caderno de naturalistas. Cada un pode apuntar a información que vexa máis interesante. Aquí van as nosas páxinas:
E para que os debuxos sexan máis fáciles de facer, deixámosvos os paxariños paso a paso:
A tomar nota, pequenos naturalistas!
As fotografías que acompañan esta entrada pertencen ao arquivo particular do mestre e naturalista Rafael López Loureiro. Nas súas palabras.... "Eu quedo no niño"
Mil gracias.
Podedes seguir aprendendo nas Aulas ao aire:
- Caderno de naturalistas "Eu quedo no niño"
- Animaliños que nos visitan... / Caderno de naturalistas "As vosas bolboretas"
- Bichiños
- Xente de auga e de terra / Caderno de naturalistas "Grandes exploradores"
https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
RECOMENDACIÓNS LECTORAS - NADAL |
AQUÍ TEMOS UNHA SELECCIÓN PARA LER, XOGAR E ARGALLAR SÓS OU EN FAMILIA.
|
XEOLOXÍA E LENDAS! |
CONTINUANDO CO PROXECTO INTERCENTROS O ALUMNADO DO IES PUNTA CANDIEIRA, OS VAGALUMES E TODO O ALUMNADO DE 4º DE PRIMARIA,REALIZARON UNHA SAÍDA DIDÁCTICA PARA PROFUNDIZAR NO COÑECEMENTO XEOLÓXICO DA CAPELADA. ALÍ PUIDERON APRECIAR AS FORMACIÓNS XEOLÓXICAS DO PALEOZOICO, DA MAN DO XEÓLOGO FRANCISCO CANOSA. ASÍ MESMO REALIZARON UN OBRADOIRO DE FIGURIÑAS DE PAN (SANANDRESIÑOS) E LENDAS CON JORGE BELLÓN EN SAN ANDRÉS DE TEIXIDO. |
POESÍA - CAIXIÑAS FRUTAIS - ANTONIO RUBIO |
O ALUMNADO DE SEGUNDO ESTÁ TOTALMENTE INMERSO NO MUNDO DAS RIMAS, DEIXÁNDO VOAR A SÚA IMAXINACIÓN CREAN AS CAIXIÑAS FRUTAIS, BASEADAS NAS POESÍAS DE ANTONIO RUBIO.
|
ROMANCE DO SAMAÍN - 5 ANOS A |
SAMAÍN from PERCEBÍN LECTOR on Vimeo. |
IMPRESORA 3 D - PRIMEIROS CONTACTOS CO ALUMNADO | |
FUSA GUILLÉN #bescolaresgal #bescolaresgalabertas #DíaDasEscritoras |
Os Vagalumes de 1º C subiron ben alto a unha escritora da nosa vila, Fusa Guillén (escritora, dramaturga e unha incansable promotora de cultura). Tendo como base a exploración do nome e apelido da escritora, o descompuxeron e descobreron e compuxeron outras palabras, que xuntas fixeron poesía. Tal vez, unha poesía menos rimada ou un tanto absurda. Pero poesía, poesía das verbas, das súas verbas. Quique Vázquez, puxo a súa voz para narrar palabras de Fusa. un anaco dun conto que leva por nome "A caixa crebacabezas xaponesa". Quixeron conmemorar este día non só tendo na memoria a Fusa Guillén, senón tamén, facendo arte, escrito e natural. Servíronse dunha laranxeira con máis de 100 anos de historia que está ao pe do Concello de Cedeira. No alto instalaron as súas poesías, para que voen, para quen desexe lelas, velas ou collelas.
|
OBRAS AMPLIACIÓN DA BIBLIOTECA CARLOS LABRAÑA |
CARA UN ESPAZO CREATIVO. AS OBRAS DE AMPLIACIÓN DA BIBLIOTECA XA COMEZARON! |
MIND DESIGNER |
O ALUMNADO DE 1º DE PRIMARIA TRABALLA NO ESPAZO ARGALLEIRO CO MIND DESIGNER.
|
SAN ANDRÉS " De festas pola vila!" |
Este proxecto intercentros e interniveis nace das Bibliotecas Escolares de Cedeira e será levado a cabo por dúas aulas: unha de primaria de 2ºA e outra de Antropoloxía de 1º de Bacherelato. O obxectivo é artellar un calendario como eixo vertebrador para situar as festas máis representativas da vila e a partir del estudar as estacións, os meses, os días... Baixo o amparo do currículo que destaca a transmisión do noso patrimonio artístico e cultural imos tecendo redes de colaboración e participación das familias e difetentes axentes sociais. Nesta primeira festa de San Andrés temos que agradecer a Jorge Bellón, un artesán de pés a cabeza!
|
RECREOS E REALIDADE AUMENTADA! |
NOS RECREOS O NOSO ALUMNADO ACUDE Á BIBLIOTECA PARA LER, PENSAR E CREAR, REALIZANDO DIFERENTES ACTIVIDADES NAS QUE UTILIZAN AS NOVAS TECNOLOXÍAS. SOMOS UNHA BIBLIOTECA CREATIVA E POLO TANTO... UNHAS VECES ENTRAN E LEN...
E SE O QUEREN LEVAR, COLLEN O SEU CARNÉ E PODEN DISPOÑER DO LIBRO OU DA PELÍCULA POR QUINCE DÍAS. SE É NECESARIO O VOLVEN A RENOVAR. OUTRAS E OUTROS ENTRAN A COLOREAR E SACARLLE PROVEITO Á REALIDADE AUMENTADA COS IPADs...
CON IMAXINACIÓN E UNHA MESA DE LUZ, ALGÚNS CREAN CONTOS FERMOSOS... E SEMPRE HAI QUEN QUE PODE REPRESENTAR ESAS HISTORIAS, NO RECUNCHO DE DISFRACES... NA DIVERSIDADE ESTÁ O GUSTO E POR ISO TEMOS PEQUENOS E PEQUENAS CREADORES DE MUNDOS STEM CON LEGO, NA ZONA DE ROBÓTICA... AS PANTALLAS, PERMITEN ESCRIBIR A VARIAS PERSOAS Á VEZ, E XOGAR XUNTOS NO NOSO MUNDO DIXITAL. SE O QUE QUEREMOS É BAILAR, POIS TAMÉN...
E MOITAS, MOITAS COUSAS MÁIS... QUE NUNHA BIBLIOTECA CREATIVA CALQUERA PODE INVENTAR!!
|
VISITA ANDREA MACEIRAS |
|
O ALUMNADO DE 5º PROMOCIONA OS SEUS LIBROS FAVORITOS |
|
PROXECTO CORRESPONDENCIA |
O alumnado de 3º A, os Vagalumes, inician un proxecto de correspondencia con nenas e nenos dun centro de Viveiro. Durante todo o curso escolar comunicaránse de diversas maneiras. Neste primeiro trimestre utilizaron a carta. Máis detalles no blog dos Vagalumes
|
DESPEDIDA INTERACTIVOS COAS FAMILIAS |
OS GRUPOS INTERACTIVOS COAS FAMILIAS NA BIBLIOTECA REMATAN POR ESTE CURSO. |
SEMANA DA ALFABETIZACIÓN EN MEDIOS E INFORMACIÓN |
DENTRO DA MATERIA DE LIBRE CONFIGURACIÓN: APRENDER A INVESTIGAR (QUE O ALUMNADO DE 4º E 6º DE PRIMARIA LEVAN A CABO NAS TITORIAS) TIVEMOS UNHAS SESIÓNS ESPECIAIS ONDE RAMÓN LOUREIRO, ESCRITOR E PERIODISTA NA VOZ DE GALICIA, VEU ACHEGARNOS A SÚA PROFESIÓN. ESTAS SESIÓNS ESTÁN ENMARCADAS NA CELEBRACIÓN DA SEMANA MUNDIAL DA ALFABETIZACIÓN EN MEDIOS E INFORMACIÓN A PROPOSTA DA UNESCO.
|
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »