Título | Resumo |
---|---|
Obradoiro de manualidades! En mans da rapazada! |
O alumnado empodérase e continúa deseñando obradoiros.
Neste caso as artes e o steam son a base da actividade. Realízano dende o comezo, sen saltarse ningunha fase. Xúntanse e definen que levará a actividade, realizan unha lista dos materiais necesarios (será a base de reciclados), deseñan o cartaz para promocionar o obradoiro, fan unhas táboas para que se apunte o alumnado e na data sinalada levan a cabo o obradoiro. Como sempre, ocorren cousas que hai que contar; estas grandísimas persoas non só fixeron todo este traballo, e por certo moi ben realizado, senón que comezan o obradoiro e escoitas a un deles consultar en cal lingua levarán o obradoiro. Conversan e axiña, sen dubidar, din: - en galego. - Nenas, nenos, todos falamos en galego (coméntanlles aos participantes no obradoiro).
Un pracer de rapazada! |
LITERATURA PARA A AMIZADE! |
AGASALLANDO POESÍA POLA ONOMÁSTICA DOS NAMORADOS (14 DE FEBREIRO). NOS RECREOS CONTINUAMOS DE OBRADOIROS, RECITAMOS POESÍA E REALIZAMOS QUEBRACABEZAS CON ELAS. AO FINAL CRÉASE UN FERMOSO MURAL.
|
OBRADOIRO DE CARTAS |
CARTAS A PERCEBÍN... Percebín, a nosa mascota da biblioteca, énchese de ledicia coas cartas que recibe do noso alumnado e por suposto responde. Se deciden facelo a través do noso obradoiro de escritura, a carta chega ata a casa da alumna ou alumno participante. Este taller complementa á lectoescritura e evidentemente esta amparado curricularmente, mediante o DECRETO 105/2014, do 4 de setembro, polo que se establece o currículo da educación primaria na Comunidade Autónoma de Galicia.
|
MES DA CIENCIA - PATIOS VIVOS E INTERACTIVOS NA BIBLIO! |
Polo Mes da Ciencia, as actividades dos Patios Vivos e dos interactivos da biblioteca, dos Vagalumes de 1º estiveron organizados en torno á ciencia. Nos Patios Vivos fixeron: construción de barcos e comprobaron a súa flotación, creación de papaventos, amasaron terra e a converteron os tortas, plantaron sementes, xogaron ás canicas...
Na biblioteca, nas sesións de interactivos (que pola situación que vivimos non pode celebrarse con familias), reflexionaron e reflexaron algúns dos descobrementos, pero tamén fixeron mezclas de cores, dobraron camisetas, inventaron unha pista para vehículos, compararon pesos, crearon figuras... Na praia voaron papaventos, no Día da Infancia, e tamén aproveitaron a probar o mar, sentir as ondas.
Aquí un vídeo coa experiencia resumida. |
CARLOS LABRAÑA E OS FURABOLOS! |
|
O INCRIBLE NENO DEVORADOR DE LIBROS #euquedonacasa #bescolaresgalabertas |
Unha representación do conto "O incrible neno devorador de libros". Os nenos e nenas de cinco anos fixemos a nosa versión.
https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
SAMAÍN 2017 - "DE FESTAS POLA VILA" |
A NOSA BIBLIOTECA APOIA A APRENDIZAXE BASEADA EN PROXECTOS, E MÁIS SE TEÑEN QUE VER COA VILA DE CEDEIRA. A COLABORACIÓN ENTRE O ALUMNADO DE 2ºA DO NOSO COLE E AS ALUMNAS DA MATERIA DE ANTROPOLOXÍA DO IES PUNTA CANDIEIRA PERMITIU ACHEGARNOS UN POUCO MÁIS AO SAMAÍN. ESTE TRABALLO É O FROITO DAS XUNTANZAS ENTRE OS EQUIPOS DAS NOSAS BIBLIOTECAS PLAMBE. |
Representando obras |
Seguimos traballando con grandes textos de escritoras galegas... neste caso, a aula de 4ºC acudiu á biblioteca na hora de ler para representar "A casa de había unha vez" escrito por Ana María Fernández.
|
#11F e LegoWeDo |
Hoxe, 11 de febreiro, celébrase o Día internacional da Muller e a Nena na Ciencia que busca lograr o acceso e a participación plena e equitativa na ciencia para mulleres e nenas, lograr a igualdade de xénero e o empoderamento das mulleres. Este ano caracterizouse por movementos coma #NoMoreMatildas que vos deixamos enlazado por se queredes botar unha ollada. Dende a nosa biblioteca realizamos actividades có fin de achegar as habilidades STEAM a todo o alumnado e, neste caso, a rapazada de 5º de primaria achegouse ao recuncho de robótica para traballar có Lego WeDo. |
OS MAIOS #euquedonacasa #bescolaresgalabertas |
Entre marzo e abril sae o cuco do cubil
Certo é que o cuco, despois de pasar o inverno na África Tropical, ven á nosa terra entre marzo e abril e de aí aquela cantiga popular que di:
Levántate maio que tanto durmiches Pasou o cuco e non o sentiches
Mandar que o maio se levante, que desperte, é como pedirlle á natureza que se vista de flores, que xa vai sendo hora despois dos meses do inverno. Xa imos entrando no mes de maio, e aínda non adicamos ningún día para celebralo e por iso hoxe queremos encher as casas de flores. Pero non hai mellor maneira de empezar que aprender algo sobre esta festividade.
O mes de maio, o tempo das flores, anúnciase dende hai moitos anos na tradición popular. Son diversas as manifestacións que atopamos na cultura galega referidas a esta celebración e unha mostra diso podería ser o costume de poñer unha poliña de oliveira do día de ramos nas embarcacións, ou o de colocar arcos de flores nos campos das festas. Algúns deles consérvanse na nosa vila, como pode ser o caso do arco floral que se pon na entrada do adro no campo de San Antonio o día da festa, que aínda que non cadre en maio, podería ser considerado parte das celebracións do “Ciclo de Maio”. Hai anos que vemos que nas escolas se celebra a festa dos maios, normalmente cunha actividade na que se colocan flores sobre unha estructura cónica ou piramidal, un maio figurado ou especie de árbore adobiada con flores e froitos. Podería ser unha das maneiras se estivéramos na escola, pero tamén dende as casas imos celebralo con cantigas e flores. O propio sería percorrer as rúas pedindo un aguinaldo a cambio dunha canción, que nalgún tempo se daba en especies,
“Tire castañas señora Manuela, tire castañas que as ten na mantela”
Esas castañas curadas recibían o nome de Maias, como tamén o recibían as nenas que saían ás rúas coa ocasión de pedir algo a cambio do seu cantar.
Aí van as propostas:
Podemos cantar este poema de Curros Enríquez
decorar o maio de Leandro Lamas ou debuxar un propio
e mesmo facer unha composición floral (quen teña a posibilidade, claro).
Compartide as vosas creacións: https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
Karaoke polos servicios básicos! #EuQuedoNaCasa #bescolaresgalAbertas |
Hoxe toca Karaoke. Que vos parece cantar para agradecer? Gracias a todos e todas: doutoras, enfermeiros, celadoras, anestesistas, persoal de limpeza, caixeiros, tendeiras, panadeiras, mariñeiros, peixeiros, carniceiras, agricultoras, camioneiras, bombeiros, policias... por todo o que estades a facer. Isto vai por vos!
|
JOSÉ AGUSTÍN GOYTISOLO. OBRADOIRO DE POESÍA! |
"EL LOBITO BUENO" É A POESÍA TRABALLADA NESTE OBRADOIRO. AXUDADOS POLAS VOLUNTARIAS E VOLUNTARIOS DESEÑAMOS UN MARCAPÁXINAS, APRENDEMOS A POESÍA E A CANTAMOS. GRACIAS JOSÉ AGUSTÍN GOYTISOLO!
|
ARRIBA O TELÓN! |
VISITA AO AUDITORIO DE CEDEIRA PARA COÑECER AS PARTES DUN TEATRO. GRACIAS QUIQUE! |
VENRES DA SEMANA DO LIBRO #euquedonacasa #bescolaresgalabertas |
Desfrutáchedes coas aventuras de Percebiño? Seguro que si. Moitísimas gracias a Diego e a Quique por tanta creatividade, e a Tonino pola súa colaboración artística a través da música. No seguinte vídeo podedes ver a semente, de donde naceu a historia da viaxe de Percebiño.
Rematamos a semana xogando. Si, hai que premer na imaxe.
Permanecede atentas e atentos porque moi prontiño amosaremos os vosos vídeos e as vosas fotos cos libros favoritos. |
PROXECTO INTERCENTROS VAGALUMES - IES |
O PROXECTO COMPARTIDO POLOS VAGALUMES DE 4ºA E O ALUMNADO DO IES (ANTROPOLOXÍA E CULTURA CIENTÍFICA DE 1º DE BACH.) DEIXA PEGADA NESTE PRIMEIRO TRIMESTRE. FIXERON INNUMERABLES TAREFAS DE INVESTIGACIÓN XEOLÓXICA CENTRADA NA CAPELADA. NESTES VÍDEOS AMOSAN O PESO DUN PROCESO NECESARIO PARA DESCOBRER, RESOLVER E APRENDER UNHA MOREA DE INCÓGNITAS QUE SE PLANTEXARON AO COMEZO DA INVESTIGACIÓN. DOCUMENTACIÓN: o alumnado acude á Biblioteca Carlos Labraña para solucionar dúbidas, algúns acuden tamén á Biblioteca Municipal López Cortón. En ocasións cubren datos nunha ficha co obxectivo de crear unha mecánica na busca (salas, coñecer CDU, tejuelo,...) e localización. LIÑA DO TEMPO: Coñecida e traballada a información na aula, estruturan a máis importante nunha liña do tempo que decoran polos corredores dos pasillos fronte á aula. NOVAS TECNOLOXÍAS: A escola ten que ir coa sociedade, sería inviable investigar como fai 20 anos, a sociedade actual está inmersa nas tecnoloxía e posiblemente sexan unha das actividades máis motivadoras para as pequenas e os pequenos. A escola ten a obriga de ensinar a utilidade educativa que escornabots, ipads... poden ofertar ao alumnado. DRAMATIZACIÓN E MINI AVALIACIÓN: Xogar a ser para aprender. O alumnado convértese en paleontólogos e paleontólogas e busca diferentes fósiles. Achados, teñen que limpalos e avisar ao capataz ou capataza para que xuntos cubran a ficha paleontolóxica, onde serán avaliados dos coñecementos aprendidos. Poñerán o lugar do achado, a peza, a era á que corresponde, se era de mar, terra ou aire... Agradecer a colaboración de Belén e Andy, pois sen a súa colaboración sería complicado realizar todas as tarefas nese tempo. Neste inicio do proxecto realizaron outras moitas actividades, por exemplo interactivos coas familias sobre o proxecto, saídas con todo o alumnado á Capelada para recibir máis documentación da man de Francisco Canosa e Jorge Bellón... ESTE PROXECTO AÍNDA ESTÁ EN PROCESO E POUCO A POUCO PUBLICARASE MÁIS INFORMACIÓN. XUNTOS SOMOS MELLORES! |
RECICREA! |
Exposición dos traballos do noso alumnado para o Recicrea. Agora viaxarán para a exposición no Ies Punta Candieira e a posterior decisión do xurado. Moita sorte a todas e todos!
|
AGASALLO DE PERCEBIÑO #euquedonacasa #bescolaresgalabertas |
Percebiño está encantado de que participedes nas actividades da biblioteca "Carlos Labraña". E como recompensa a todo o voso esforzo quere agasallarvos (coa axuda de Quique e Diego). Así que se participas nas propostas da biblio e envías unha foto túa, poderás recibir un agasallo personalizado. Velaquí as imaxes de Percebiño
Colócate ben diante da cámara, adopta a postura que mellor coincida coa de Percebiño e faite unha foto. Despois de participar nas actividades propostas, envía a túa foto e comenta con que Percebiño queres aparecer. Mirade que ben quedaron Roi e Marina!
https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
CEDEIRA, RESERVA MARIÑA #euquedonacasa #bescolaresgalabertas |
No ano 2009, creouse a Reserva da “Ría de Cedeira”, como unha medida de axuda para fomentar a protección do ambiente e dos recursos naturais. Actualmente, na costa de Galicia, existen dúas Reservas Mariñas de Interese, a de Cedeira é unha delas. Unha das finalidades de crear a Reserva de Cedeira, e así se indica no Decreto 28/2009 do 29 de xaneiro, é a seguinte: c) Conservar e protexer a flora e a fauna do medio mariño e a súa diversidade Así pois, facer referencia ao areal de Cedeira é obrigatorio. A Reserva mariña da Ría de Cedeira é unha maneira de preservar os recursos e os hábitats; hai evidencias científicas que amosan que este tipo de áreas mariñas protexidas son poderosas ferramentas para a conservación da diversidade biolóxica. Que Cedeira sexa unha Reserva mariña implica moitas cousas, unhas referidas á pesca, outras ao marisqueo, pero o máis importante é que con carácter xeral dentro da reserva mariña queda prohibida a extracción de fauna e flora. Por tanto, xa sabedes, amigos e amigas: nunca hai que coller nada da praia, e xa non só porque esté prohibido, senón por aquilo no que insistimos tanto que é respectar o medio que nos rodea. Na praia podemos atopar cousas lindísimas: berberechos, cangrexos, xebras de moitos tipos, esqueletos de ourizos de area, cunchas fraxilísimas…
Aquí van algunhas delas:
Berberechos Seguramente se levantades un pouquiño de area cando baixa a marea poderedes atopar berberechos, que se abren para alimentarse. O que vai na foto é un carneirolo, tamén lle chaman berberecho bravo.
Ardecasas Adoitan estar metidos polo medio das rochas da praia. Na praia da Arealonga hai moitos, pero ollo... TRABAN!
Cangrexo ermitaño Se ides á praia da Arealonga poderedes ver como a marea arrastra numerosos caracoliños que gardan dentro un cangrexiño. O cangrexo ermitaño vai mudando de casa conforme vai medrando. Esta podería ser a cuncha dun deles:
Xebra Hai días que parece que o mar fora unha ensalada de mil cores, hai xebras verdes, xebras marróns... As que aquí aparecen chámanse marmulos. Seguramente xogastes máis dunha vez a estoupar as boliñas de aire.
Amigos e amigas, xa sabedes… as beiras da marea son lugares preciosos que temos que conservar. Por iso, propoñemos facer un cartel para que toda a xente saiba que a Ría de Cedeira é unha reserva mariña. Nese cartel ten que ir o título:
Ría de Cedeira, Reserva Mariña
E cada un de vós escribirá algo importante referido á reserva.
Aquí vai o noso:
Esta actividade didáctica realízase en colaboración co Museo Mares de Cedeira, así que cando teñades feito o cartel, facédeslle unha foto e enviádela ao seguinte correo: maresdecedeira@gmail.com Xa podedes ver algunhas creacións no facebook do museo.
O museo do mar, berce de reservistas, será a caixa de resonancia que impulse as nosas voces e envíe a nosa mensaxe de defensa medioambiental.
Fotografías: Rafael López Loureiro
|
Bodyplanet. Aprendendo sobre o corpo humano |
Xa empeza a encherse a biblio de alumnado de novo... Nesta ocasión, a clase de 2º de Primaria empregou o Bodyplanet que forma parte da Biblioteca creativa para traballar sobre o corpo humano dun forma moi amena a través da realidade aumentada! O pasaron en grande!
|
PATRIMONIO INMATERIAL - A REFLEXIÓN PROVOCA UN DEBATE RADIOFÓNICO |
A DISCUSIÓN CON EDUCACIÓN CREA COÑECEMENTO, ENLAZA IDEAS, PROVOCA NOVAS ACTIVIDADES PARA CONSEGUIR INFORMACIÓN. SE CON OITO ANOS SON CAPACES DE ISTO! QUE BO PORVIR NOS ESPERA. BLOG VAGALUMES |
Recreos na biblioteca |
A nosa biblioteca escolar abre as súas portas tamén nos recreos para todo o alumnado que queira facer uso dela neste período de lecer. Algúns nenos e nenas veñen a ler, outros a mirar as novidades e algún ven co seu portatil de abalar para acceder a internet ou facer traballos. Un dos nosos obxectivos é ampliar a biblioteca escolar, e convertila nun verdadeiro centro de recursos para os procesos de ensinanza-aprendizaxe do noso alumnado. |
DÍA DAS BIBLIOTECAS |
O 24 de outubro celébrase o Día das Bibliotecas, coa intención de crear un recurso útil para o alumnado compartimos as recén estreadas ilustracións das mascotas da biblioteca, dado que ata o de agora só estaban como debuxo na parede. Agasallo que ven da man do ilustrador Diego Cheda, sempre disposto a colaborar.
Partindo destes debuxos créanse dous xogos para coñecer a estas personaxes mellor e achegar ao alumnado á lectoescritura dun xeito motivador e divertido. Podedes descargar os debuxos nos ficheiros adxuntos. Deixade voar a imaxinación e construíde historias e monicreques. Sede artistas como Diego!
|
DÍA DO LIBRO - XEOGRAFÍAS LECTORAS - CREACIÓN DUN CÓMIC |
O alumnado de 1º crea un cómic coa aplicación Canva. Tras unha conversa grupal do que desexan contar, escollen as fotografías que fan referencia á xeografía da nosa vila. Posteriormente, en pequenos grupos van avanzando na aventura. Durante a semana anterior á escrita fanse dúas pequenas reunións con toda a rapazada para escoitar as súas opinións e telas en conta.
O alumnado avanza na escrita ao seu ritmo, uns con escritura libre total e outros con apoios. Afondan no mundo do cómic: onomatopeyas, diálogos, bocadillos... Aquí a súa creación!
|
SEMANA DO MEDIO AMBIENTE - XOGOS TRADICIONAIS #euquedonacasa #bescolaresgalabertas |
O proxecto anual deste curso plantexado desde a biblioteca versa sobre o medio ambiente: "Contra o cambio...eu cambio. E ti?". Son moitas as actividades xa realizadas, e tamén durante o confinamento. Iremos amosando moitas destas propostas ao longo da semana.
Hoxe comezamos cos XOGOS TRADICIONAIS do alumnado de educación infantil (4 e 5 anos).
Cando chega a hora do recreo na escola é un momento de felicidade: xogar, estar con nenos e nenas doutras aulas, correr, brincar, gritar, inventar xogos... Ao ler e escoitar isto, fainos retroceder á nosa infancia, aos xogos que aprendimos e recordamos ata o día de hoxe. Dámonos conta de que algúns deles producíronse nas rúas do noso pobo, nos campos da nosa vila, na plaza do sitio onde crecimos e incluso no patio do recreo da nosa escola. Os xogos tradicionais son chamados así por ser de dominio dos nenos e nenas dunha época atendendo aos seus costumes, crenzas, reglas e variantes. Ademais de ser transmitidos oralmente polos nenos e nenas de maior idade. Moitas persoas cren que o xogo é unha perda de tempo e que non ten que ver coa aprendizaxe formal. Diversas investigacións vinculan o xogo coas matemáticas, xa que é un dos mellores vehículos que os nenos e as nenas teñen para explorar e dominar a súa contorna e, como consecuencia, para aprender gran parte das matemáticas elementais que se establecen como a base para o desenvolvemento de nocións máis complexas a desenvolver posteriormente.
Xogade que é bo para a saúde... e compartide as vosas experiencias.
https://www.facebook.com/bibliotecacarloslabranha/ @beCarlosLabrana biblio.nicolas.del.rio@gmail.com
|
LEGO WEDO 3º B e C |
|
- « primeira
- ‹ anterior
- …
- 8
- 9
- 10
- 11
- 12
- 13
- 14
- 15
- 16
- …
- seguinte ›
- última »