O sábado 19 de outubro un grupo de profes e familias fomos á carreira de obstáculos ENKI, organizada pola Fundación Abrente. Un evento no que, ademais de colaborar coa Fundación pasamos unha tarde divertida, deportiva e saudable... sumamos quilómetros para Piefcitos!!!
O alumnado de 2º de Ed. Primaria visitou a exposición "Sopla de Plástico" e realizou un obradoiro sobre a importancia sobre a mesma. Logo visitaron as dependencias do Concello de Sada, onde tiveron a ocasión de falar con Benito Portela, alcalde do Concello, Rebeca Mouriño, concelleira de participación cidadá, transparencia, cooperación e mocidade, con María Nogareda, concelleira de Educación e Deporte entre outros.
Finalizaron a xornada cunha visita ao Carrefour (aproveitando a temática do PDI deste curso) onde puideron ver as distintas dependencias e lles ofreceron unha degustación de zume natural e froitas.
Grazas a todas as familias que os acompañaron neste día e a todas as persoas que fixeron posible que puieden pasar unha mañá tan didáctica, á vez que lúdica.
O profesorado do centro sumámonos á iniciativa do Movemento Aspace coa campaña de sensibilización "Dálle a volta", para reivindicar os dereitos das persoas con parálise cerebral.
