Este venres día 15 o alumnado de Infantil e 1º e 2º de Primaria, realizaron unha pequena saída/visita á feira de Pantón próxima ao Monte Baliño. Tan preto é que saimos camiñando nun día no que brilaba o sol, para disfrutar ademais dun agradable e saudable camiño disfrutando da contorna e da natureza.
Vimos postos de zapatos, roupa, queixos... A polbeira ensinounos e falounos un pouco de como cociñar o mellor polbo. Abraidos quedamos coa peza que nos ensinou! No posto das plantas, agasalláronnos cunhas prantiñas de fresas, que tan pronto chegamos ao Baliño, prantamos na nosa hortiña. Grazas polo agasallo!
Hoxe martes tivemos o segundo encontro do club de lecturaLerinlerán!
Desta volta e recollendo as suxerencias do alumnado escolleuse un libro de aventuras, que certamente lles encantou, “O misterio de Portomarín”, de Antía Yañez, unha novela de misterio que dende o minuto un foi moi doada de ler!
@s participantes nas conversas do club, elaboraron unha fresca e saudable limoada, acompañándoa dun doce típico da zona, tarta de Ancano, especialidade de Portomarín, sendo ambos os dous, alimentos dos que se fala no libro. Mesturaron dúas culturas: a literaria coa gastronómica. Que bo "tandem!
Enmarcamos esta actividade en varios proxectos do Baliño: Clube de lectura da Biblioteca, Nutriescolas, Pdi curso 23-24 "Coñecendo a provincia: lucus Augusti" e EcoSaúde.
Unha experiencia estupenda para o noso padal, a nosa saúde e a nosa mente!
Os pequenos e pequenas de Infantil, xunto coa súa mestra Ana converteron unhas cortizas nuns fermosos cabaliños e eguas con pelo de lá. Que creatividade!!!!
A maiores doutras actividades levadas a cabo no centro cos diversos grupos de alumnado, para a conmemoración do 8M, realizamos un obradoiro de percusión con tambores creados con elementos de refugallo polo propio alumnado.
Compartimos uns momentos moi especiais durante a creación e durante a participación nos obradoiros adaptados ás idades do noso alumnado. Grazas as Tamborilalás!!
Hoxe o alumnado de quinto e sexto preparaou un programa especial para conmemorar unha data tan especial e tan importante no noso calendario, ainda que todos os días son 8 de marzo, hoxe dun modo especial berramos ben alto polos dereitos das mulleres e das nenas!
Hoxe no cole fixemos diferentes actividades de conmemoración desra data sinalada: DÍA DA MULLER 8M.
Rapaces e rapazas unidos en diferentes actos: mural colectivo con adxectivos positivos sobre as mulleres (bravas, loitadoras, valentes, agarimosas, traballadoras, nais e porqué non, sexys); colgado de cinchas na natureza cos nomes das nosas mulleres "fetiche" (nais, avoas, tías, irmáns...); decorado de banderíns feminismo; bibliopatio violeta cos lecturas de e por mulleres e ata un programa de radio que podedes escoitar neste enlace.
No anterior trimestre, fixemos unha saída á Granxa Casa da Fonte, preto do noso centro, actividade da ANPA e que enmarcamos dentro do noso Pdi "Coñecendo a provincia: Lucus Augusti".Quedounos pendente unha actividade.
O venres realizamos un obradoiro de MANTEIGA, na que Eros nos contou o proceso para poder elaborala e posteriormente repartiu un anaco a cada participante para que a manipulásemos e lle désemos forma. Envolvémola e levámola á casiña para compartir coa familia e unhas deliciosas torradas nunha merenda ou almorzo.
Grazas a Eros, a granxa Casa da Fonte e a nosa ANPA por facelo posible!
Hoxe, a rapazada de 1º e 2º, participou nun "OBRADOIRO SOBRE PERSPECTIVA DA CAPACIDADE" a cargo de Nuria de COGAMI (Confederación Galega de persoas con Discapacidade) entidade sen ánimo de lucro. Os nenos e nenas observaron e vivenciaron diferentes formas de relacionarnos co medio a través de certos apoios.
Dividiuse o grupo en 4 subgrupos pequenos e realizouse unha gymcana con 4 probas ( circuito en cadeira de rodas, pintar coa cabeza empregando un licornio, escribir en braille, ler en linguaxe de signos e camiñar con ollo tapados e guiados por un bastón). Ao finalizar cada proba conseguimos a peza dun puzzle que montamos ao rematar todos xunt@s.
Ese puzzle dicía o seguinte:
As túas CAPACIDADES
sempre serán
máis GRANDES
que calquera Discapacidade.
Foi unha actividade do máis enriquecedora e cun forte caracter concienzador e sensibilizador.
O día da nosa gran escritora galega, Rosalía de Castro, no Baliño, deunos para moitas actividades.
Cada neno ou nena realizou un debuxo empregando diferentes técnicas e métodos (por exemplo, os de 5º e 6º usando o Inskape modificaron e decoraron imaxes e textos da autora). Unha vez todos feitos, escaneámolos e imprimímolos en papel transfer para roupa.
Trouxemos camisetas lisas, de cores claros e basándonos nos obxectivos da Axenda 2030 para o Desenvolvemento Sostible,démoslles unha nova vida: estampámolas usando a prancha.
Unha actividade enmarcada nos proxectos nos que participamos de Biblioteca Creativa, Plan Innova e Polos Creativos.
Púxemolas no cole, fixémonos fotos e levámolas para as nosas casiñas, para lucir orgullos@s cando nos pete.
Andamos a voltas coa IMPRESORA 3D e desta, os maiores do cole programaron a impresión duns simpáticos gatiños para facer uns chaveiros para recaudar cartos para a excursión de fin de curso.
A máquina non para, estamos de seguido sacando produto....