No centro levamos a cabo moitas actividades relacionadas co rural e co traballo e o coidado do medio ambiente.
Todo isto traballamolo nas aulas e tamén a traves dos proxectos desenvolvidos este curso, como o Alimentate Ben ou o Proxecto deportivo de centro. Con eles pretendemos promover hábitos de vida saudables, tanto na actividade física como na alimentación, no noso alumnado.
Por todo isto facía tempo que tiñamos gañas de por en funcionamento un invernadoiro e horto ecolóxico, co que poderemos tratar de forma significativa moitos dos temas tratados a diario co noso alumnado ademáis de ser unha actividade moi motivadora e enriquecedora para todos e todas.
Ao mesmo tempo con esta actividade fomentamos o traballo cooperativo e inculcamos valores, como a importancia do coidado do noso medioambiente, o valor do esforzo e valor do traballo en equipo para acadar as nosas metas.
Para comezar con esta iniciativa buscamos sementes, promovendo o uso de sementes autóctonas e ecolóxicas, moitas delas doadas polas familias.
Tamén a axuda das familias foi transcendental á hora de preparar a terra. Gracias a todos e todas as que axudastes a que este proxecto salira adiante, xa que como centro pequeno que somos, toda axuda nestas actividades é ben recibida.
As nenas e nenos traballaron moito para poder ver o seu horto en pé: instalaron o invernadoiro, prepararon a terra, organizaron e buscaron información sobre as sementes e cando plantalas...
Aquí vos deixamos algunhas fotos deste largo proceso e nos vindeiros meses comezaremos a plantar as nosas sementes, agardando poder ter unha gran recolleita.
